Priljubljene svetopisemske vrstice iz उत्पत्ति 3

Deli

झाइले च सिंधुँर्बै रो चबर लिंब, ङ्ह्‍योमा छ्याँब नेरो बुद्धि योंबै ल्हागिर च सिंधुँए रो चल् त्हुमन बिसि च्हमिरिइ मैंइ। छतसि चइ च सिंधुँए रो टोंसि चवाइ, ह्रोंसए प्युँलाज्यै पिंइ, धै प्युँज्यै या चइ।

याहवेह परमेश्‍वरजी बनेबै क्ह्‍योंर्बै सो प्ह्‍याबै सैमैं न्होंरि प्हुरि ताँन् भन्दा स्योर्गु मुँल। चइ च्हमिरिने “परमेश्‍वरजी क्हेमैंने बगैंचार्बै सिंधुँर्बै रो खाबै या आचद् बिइमुँ वा?” बिसि ङ्योएइ।

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

झाइले खीजी च्हमिरिने बिइ, “क्हिए प्हसे फिबै त्हेर्बै बेथा ङइ बेल्‍ले बडिमिंब्‍मुँ। क्हिइ दुःखले प्हसे फिब्‍मुँ। क्हिए सैं प्युँ ङाँइँन तरिब्‍मुँ, छतसि चइ क्हिए फिर क्‍ल्हे लब्‍मुँ।”

क्हि सर आकोंन् समा क्हिए ङ्‍होर्बै छैब प्ह्‍युरसि दुःखले कमैंबै कमैं चल् त्हुब्मुँ। क्हि सउँइँलेन् बनेल, क्हि सन् ग, क्हि सिसि सर्न कोंयाब्मुँ।”

च लिउँइँ खीजी आदमने बिइ, “क्हिइ प्ह्रेंस्योए ताँ थेसि ङइ आचद् बिबै सिंधुँर्बै रो चबइले क्हिइ लमा सइ सराप योंइमुँ। क्हिए छ्ह तिगोंन् दुःखले के लसि चल् त्हुब्मुँ।

“क्हि क्लुँनन् मुँ बिसि खाबइ बिइ? ङइ आचद् बिबै सिंधुँर्बै रो क्हिइ चवाल् वा?” बिसि परमेश्‍वरजी ङ्योएइ।

खीजी म्हिलाइ तेवाबै लिउँइँ खोंयोंन् बिलै सोल् योंबै सिंधुँर फेनेबै घ्याँर खाबै या आखरिगे बिसि रुँबै ल्हागिरि अदनए बगैंचार्बै स्यारउँइँले करूबमैं नेरो कारग्युले स्युररिबै मिइ लुँरिबै सेलाँ (तरवार) थेंमिंइ।

आदमइ ह्रोंसए प्‍ह्रेंस्‍योए मिं हब्बा थेंइ, तलेबिस्याँ च ताँन् सोगोंमैंए आमा ग।