Popular Bible Verses from उत्पत्ति 26

Share

ङ क्हिने बालु तब्मुँ, धै क्हिए फिर आशिक पिंब्मुँ। चु ताँन् ह्‍युल क्हि नेरो क्हिए सन्तानमैं पिंब्मुँ। क्हिए आबा अब्राहामने बालु फैबै बाछा ङइ पूरा लब्मुँ।

मुर्बै सारमैं धोंले क्हिए सन्तानमैं ल्हें लमिंब्मुँ। धै चु ताँन् ह्‍युल चमैंलाइ पिंब्मुँ। क्हिए सन्तानमैंउँइँलेन् ह्‍युलर्बै ताँन् ह्रेंमैंइ आशिक योंब्मुँ। तलेबिस्याँ अब्राहामइ ङइ बिबै ताँमैं ङिंइ, धै ङइ लद् बिबै केमैं या लइ।”

च क्ल्ह्‍योउँइँले अर्को क्ल्ह्‍योर ह्‍यासि चइ धबै इनार ताइ। चर बिस्याँ खाबज्यै या प्होंगि लबर आख। छतसि चइ च इनारए मिं रहोबोत बिसि थेंइ। “तारेम् याहवेह परमेश्‍वरजी ङ्योलाइ टिबै क्ल्ह्‍यो पिंइमुँ। छतसि ङ्यो चु क्ल्ह्‍योर आशिक योंसि ल्हें ततै ह्‍याब्मुँ,” बिइ।

तलेबिस्याँ याहवेहजी इसहाक ङाँर युसि बिइ, “क्हि मिश्र ह्‍युलर आह्‍याद्! ङइ क्हिने टिद् बिबै ह्‍युलर्न टिद्।

झाइले इसहाकइ चर ख्रो पिंबै क्ल्ह्‍यो घ्रि बनेसि याहवेहए मिं क्वेइ। धै ह्रोंसए तम्बु चर्न टौंदिइ। चरै या चए केब्छैंमैंइ अर्को क्यु खादु घ्रि ताइ।