Popular Bible Verses from Luka 14

Share

“Onse uwakwisa kuli nebo tekuti abe uwakusambila wanji, kuntu antemwe ukuchila bawishi nabanyina, abakashi nabana bakwe, bawakwe nabankashi shakwe, nangula ubumi bwakwe.

Onse uutapintapo umutashi wakwe nokunkonka talingile ukubapo uwakusambila wanji.

Pantu onse uuyikusha akuchefekwa, nangulya uuyichefya akuchinshikwa.”

Yesu ashilishe nokuti, ‘Munshila imo yenka, takupo nangu umo uwingaba uwakusambila wanji, kuntu nga asha fyonse ifyo aakwata.’”

Nga umo uwaku mwebo akopekanya ukwimaka ichiteba, pakubala alekala nokupenda indalama alinokuposapo pakuti abone kati alikwete indalama shakushilisha umulimo. Atachitile mfi, ye tekuti abepo nefiso fyakupwa ukwimaka ichiteba panuma yakwimba umufulwa. Bonse abakubona mfi bakwisa kumusekuluka. Elo abantu bakusosa ati, ‘Ngu muntu atatikile ukwimaka, kuntu afilwa ukupwisha ngu mulimo!’

Nomba ulo wawamisha ifyakulya, ita abachula, abafungauka imibili, efilema nempofu. Elo webo wakupelwa ishuko, pakuti tabakwetepo ifyakukubwesesha. Lesa akwisa kukulambula ulo abalungama bakwisa kubuka kubafwa.”

“Umuchele uuweme, kati umuchele wakubuluka, mba ukoyisa kulowa nendo? Taulingilepo ukubika mwibala nangula pamufundo, kuntu ukoposwa bwaka. Uyo uukwete amatwi aakumfwa, omfwe!”