Popular Bible Verses from Luu 23

Deli

Wɛ̀ Jusu la̍a̍, “Baa, tǎli u̍h-a gblɛ̍n sɔ̀ɛ̀n-a tìh i̍. Dɛ̍nu̍ɛ, u̍h se̍ dɛ̍ u̍h-a nu̍-a juo.” Wɛ̀ fledlǔ gblè Jusu-a jlii̍ dǒ nibo fɔ̀n-ɛ we̍.

Iě Jusu la̍a̍ dě ɔ̍ we̍, “Tìh-a taǐn ǎn sèàɛ̍ ìn wlùh, sèàn weɛ̍ la, àn mu̍ dě ǐn we̍ Wlɔ̀ Plǔ di̍i̍ nɛ.”

Wɛ̀ ɔ̍ la̍a̍ dě Jusu we̍, “Jusu, ti̍ àn mu̍-a kmɔ̌ wlu̍ i̍ kɔn-ɛ, nɛ̀ ìn nu̍ ǐn wlùh we̍ o.”

Wɛ̀ Jusu wǐ, ɔ̍ la̍a̍, “Baa, dě ìn kwa̍a̍ bo ǐn po̍ ǎn sùù.” Ɔ̍ wɔ̀-a ɛ̀ la bla̍-aɛ, iě ɔ̍ chɛ̍n feɛ.

U̍h nyni̍-a tà u̍h-a dǎɛ-a Dlǔgba Tlu̍h-ɛ, dǒ u̍h kɔ̍-ɛ Jusu ke dɛ̍ᵻ sɔ̀nᵻ nu̍ nyɔ̍ sɔɔ̌n laa̍ dǒ gbàɛ̍ kɛ̍n i̍ tu̍ᵻ wlì. Due nɛ dǒ ɔ̍ di̍na̍ we̍, iě dɔɔ nɛ dǒ ɔ̍ kwe̍na̍ we̍.

Jlǔh blaɛ dǒ wìè dlǔ i̍ sǔh, wɛ̀ kwile gbǎ dǒ blǔh kli̍hgbɛ̍-a chɛ̀ kɛ̍n. Kǎ ɛ̍ nɛ te̍e̍ wɛ̀ jlǔh te̍le i̍. Sɔ jlǔh-u fa̍n dɛ. Wɛ̀ jliɛ̍ ɛ̀ pèle-a dě Nyɔsoa-a slaǎ sà gbò-a gblǒ wɔ̍i̍n-ɛ, iě ɛ̍ fǎle ɛ̍ gblè fɔ̌ᵻ sɔɔ̌n.

Wloma nyɔ̍-a fledlǔ-a chape jě-a dɛ̍ ɛ̀ nɛ-aɛ, iě ɔ̍ po̍ Nyɔsoa tìhwe̍. Ɔ̍ la̍a̍, “Jɔ̍gbau la, i̍-i slɛ̌-nyɔ̍ bo chɛ̀.”