Priljubljene svetopisemske vrstice iz Chɔ᷄ŋ 6

Deli

Mi̍ Chi̍i̍sū di̍mūl nda̍ āā, “Ya̍ cho̍ bēe̍dīi̍ to̍sā mī wāŋnda̍ ā wa̍ yōōmū kpe̍e̍kpe̍i̍yo̍ ni̍. Wāna̍ to᷅l la̍ kɔ̄ɔ̄lī pɛ̍, yīmā nɛ̍ī lɛ̍ ndu̍ le̍. Ndu̍yɛ̍, wāna̍ dɔ̍ū tīīnda᷄ŋ ndɔ̄ɔ̍ o̍ ya̍ ni̍ŋ pɛ̍, bo̍lōlā ve̍sā lɛ̍ ndu̍ le̍.

Mi̍ Chi̍i̍sū di̍mī āā, “Nyi̍na̍ Mɛ̄lɛ̄ka̍a̍, ndu̍ ke᷅ wa̍nā yo̍o̍mū kpe̍e̍kpe̍i̍yo̍ ni̍. Wāna̍ chi̍e̍e̍ nɔ̍lā mbō sɔ̄la̍ yōōmōo̍ ho̍ō o̍ kpāāya̍ ndɔ̍ ndu̍ pi̍la̍ ni̍ŋ te̍. Dīōmnda̍ ya̍ I̍ so̍ō la᷅ŋ nāa̍ nya̍ chūā la̍ŋ, la̍ŋ la̍ to̍sā ni̍ mī Nyi̍na̍ Mɛ̄lɛ̄ka̍a̍ ō tōl nya̍ kɔ̄ɔ̄lī. Ndu̍yɛ̍, la̍ŋ la̍ to̍sā ni̍ mī lā sɔ̄la̍ yōōmū kpe̍e̍kpe̍i̍yo̍.

Lā fa̍fālā le̍ nyɛ̄ dīa̍a̍ o̍ nɔ̍lā mbō tāmbu̍ wo̍ le̍. Lā fāfa̍la̍ le̍ nyɛ̄ dīa̍a̍ o̍ te̍mbū le̍ wo̍. Ko̍ŋ cho̍ ni̍, nyɛ̄ dīa̍a̍ o̍ to̍sā mī wāŋnda̍ sɔ̄la̍ yōōmū kpe̍e̍kpe̍i̍ nɔ̍ la̍mɛ̍ɛ̍lu̍ le̍ wo̍. Ndu̍ yɔ̍nūŋ māā nyɛ̄ dīāā wāna̍ nda̍ vēēlū āā, Po̍ Wānā Pɔ̍nɔ̍ɔ̍ wo̍ ō kē nya̍ wo̍ ni̍. Kāni̍, ndu̍ Mɛ̄lɛ̄ka̍ Fi̍nyāa̍ ō hāndu̍ tāāmāsi̍ ndɔ̄ɔ̍ chōo̍ ni̍ le̍ chɔ̄mndo̍ māā ō hīni̍ kɔ̄l a̍ ndu̍.”

Kāni̍, nyɛ̄ ndu̍ Fi̍nyā nūu̍ hɛ̄na̍ŋ ndo̍, ndu̍ cho̍ ni̍ māā wānāa̍ tu̍āl Po̍ Mɛ̄lɛ̄ka̍a̍ kɔ̄ɔ̄lī wa̍, ndu̍yɛ̍, mā dɔ̄ū tīīnda᷄ŋndo̍ o̍ ndu̍ ni̍ŋ nda̍, māā ā nɔ̄ mā sɔ̄la̍ yōōmū kpe̍e̍kpe̍i̍yo̍ o̍ nɔ̍ la̍mɛ̍ɛ̍lu̍ le̍ wo̍. Ndu̍yɛ̍ o̍ ko̍ŋ kɔ̍ɔ̍lī, I̍ cho̍ wānāā kāŋ mīŋgī yōōmū o̍ pāa̍le̍ mɛ̍ɛ̍lāā le̍ŋ chōo̍.”

Mi̍ Chi̍i̍sū di̍mūl nda̍ āā, “Wa̍li̍ Mɛ̄lɛ̄ka̍ hɛ̄na̍ŋ nya̍ mī lā tōsa̍ wo̍, ndu̍ cho̍ ni̍, lā dɔ̄u̍ tīīndāŋ nyāa̍ o̍ wāna̍ o̍ ve᷅m ndo̍ ni᷄ŋ.”

Ndu̍yɛ̍, wānāā Fi̍nyā nūu̍ ō chu̍a̍ chɔ̍ mbo̍ kē ya̍ wa̍, nda̍ kpo̍u̍ ā chō ya̍ tōlɔ̄ɔ̄ kɔ̄ɔ̄lī. Ndu̍yɛ̍, wānā o̍ wāna̍ hi᷅ŋ nāa̍ ya̍ chu̍a̍ pɛ̍, I̍ tu̍ū ndu̍ le̍.

Mi̍ Sa̍i̍mɔ̄ŋ Pītɛ̍ lo᷅ lo̍ŋ mbo̍ mūlī āā, “Māsānɔ̄ɔ̍, tē ŋ̄ ma᷄l nu̍m pɛ̍, mī nɛ̄ɛ̍nɛ̍ na̍a̍ ŋ̄ tōl lɛ̄ kɔ̄ɔ̄lī? Dīōmndā nūmnda̍ŋ, la̍ŋ la̍ to̍sā ni̍ mī wāŋnda̍ sɔ̄la̍ yōōmū kpe̍e̍kpe̍i̍yo̍, o̍ nɔ̍ la̍mɛ̍ɛ̍lu̍ le̍ wo̍.

Ya̍ cho̍ bēe̍dīi̍ ke᷅ wa᷅ŋnda̍ yōōmū kpe̍e̍kpe̍i̍yo̍ o̍ chɛ̍ŋ ɛ̄chɛ̍nɛ̄ mbo̍ tūāl lo̍ ni̍. Wānā o̍ wāna̍ de᷅ bēe̍dīi̍yo̍ ho̍ō pɛ̍, wānā ko̍ŋ chō wā yōōmū le̍ fɛ̍ɛ̍ŋ a̍ fɛ̍ɛ̍ŋ. Bēe̍dīi̍ ya̍ I̍ ke᷅ ko̍ŋ wa᷅ŋnda̍ wo̍, ndu̍ cho̍ dīāllūŋ nu᷄ŋ ni̍. Mu̍ŋ ya̍ I̍ yɔ̍ŋgu̍ le̍ mī wāŋndā chīe̍e̍ya̍ ā sɔ̄la̍ yōōmū kpe̍e̍kpe̍i̍yo̍ ni̍.”

Wānā o̍ wānā nɔ̍lā mbō tōl la̍ kɔ̄ɔ̄lī le̍, mɛ̄ɛ̍ mī Mɛ̄lɛ̄ka̍ Fi̍nyāa̍ tōsa̍ a̍ sa̍bū mālāŋ o̍ tu̍āl la̍ kɔ̄ɔ̄lī. O̍ ko̍ŋ, I̍ nɔ̍lā mī mi̍ŋgi̍ ndu̍ yōōmū o̍ pāa̍le̍ mɛ̍ɛ̍lāāle̍ŋ chōo̍.”

Kāni̍, bēe̍dīi̍ Mɛ̄lɛ̄ka̍ yɔ̄ŋgu̍ wo̍, ndu̍ cho̍ wāna̍ chɛ̍ŋ ɛ̄chɛ̍nɛ̄ mbo̍ tūāl lo̍ ni̍. Ndu̍yɛ̍, wānā ko̍ŋ, ndu̍ yɔ̍ŋgū ŋ̄wāŋndā chīe̍e̍ yo̍o̍mū kpe̍e̍kpe̍i̍yo̍ ni̍.”

Ya̍ cho̍ bēe̍dīi̍ to̍sā mī wāŋnda̍ ā wa̍ yo̍o̍mū kpe̍e̍kpe̍i̍yo̍ ni̍.

Mi̍ Chi̍i̍sū bi̍ī bēe̍dīi̍ kpūŋgba᷄ŋ ŋu̍ɛ̍ɛ̍no̍o̍ ho̍ō mbo̍ me᷅l Mɛ̄lɛ̄ka̍ ba̍li̍ka̍a̍ le̍ ndu̍. Mbo̍ pīɔ̄ū wānāa̍ wa̍ īchāli̍ lo̍ŋ nda̍. Sūūwāā ŋīɔ̍ɔ̍ŋnda̍ bɛ̍ɛ̍, le̍nde̍ ko̍ni̍ o̍ to̍sa̍ a̍ nda̍ ni̍. Mɛ̄lɛ̄ka̍ ba̍li̍ka̍a̍ mēllo̍, mbo̍ pīɔ̄ū nda̍. Wāŋnda̍ kpo̍u̍ ma̍ dīā ma̍ pūm. Mɛ̄ɛ̍ nda̍ kpo̍u̍ a̍ de᷅ ma̍ pūm, mi̍ Chi̍i̍sū di̍mūl bu̍ɛ̍i̍yāā ndūa̍a̍ āā, “Lā chɔ̄ɔ̄vi̍a̍a̍ o̍ nda̍ dēma̍ wo̍. Ō pɔ̄mbɔ̄ bɛ̍ɛ̍ ō ta̍mbū le̍.”

Mɛ̄ɛ̍ bu̍ɛ̍īya̍ lo̍ kɔ̄la̍ŋ a̍ mɛ̄ŋnda̍ŋ kɔ̄ndɔ̄ɔ̍, ma̍ kūā la̍nda̍ŋ, le̍ mɛ̍ɛ̍līi̍la̍ ya̍a̍, kɛ̄lɛ̄ŋgāā lā hīɔ̍ɔ̍lu̍, ma̍ chā Chi̍i̍su̍ ō chō hūnɔ̄ɔ̍ o̍ mɛ̄ŋnda̍ŋ chōo̍, o̍ dɛ̄ndɔ̄ɔ̍ īkɛ̄i̍. Chɔ̄ɔ̍ ndu̍ hūnɔ̄ɔ̍, mi̍ sīōōŋnde̍ bīī nda̍ ta̍u̍ ta̍u̍. Mi̍ Chi̍i̍sū lo᷅ o̍ ko̍ŋ mbo̍ dīmūl nda̍ āā, “Lā yɔ᷅ŋ īsīōōŋ te̍, ya̍ ni̍.”