Priljubljene svetopisemske vrstice iz Mɑɑtieo 7

Deli

«Miɑt mɑn, k b sɑɑ tul’i. Lomin mɑn, k i sɑɑ lɑ wɑɑ. Kpɑɑn gɑnn mɑn, k b sɑɑ luot k tul’i

k mɑɑn wun nbɑ kul mei gɑɑn e, k wun nbɑ mun luon, u lɑɑt e, k wun nbɑ kpɑɑn gɑnn, k b luotl tien’ɔ.

«L pɑɑk, wun nbɑ kul gbiɑ n mɑɑn nɑ k wɑɑ’l fɑnu, n sɑɑ nɑnn’ɔ nɑn yɑndɑɑnsuɑ nbɑ din mɑɑ u ŋɑɑk tɑnpiiuk pɑɑk nɑ e

«Biɑnŋ nbɑ k ɑ luon lieb ii tuun kii tien’ɑ nɑ, ii mun ii tuun nnɑ kii tien ɑ lieb, k mɑɑn Yennu *senni nɑn u sɔkniinbɑ wɑnnu nɑ ni wɑnt nnɑ e.»

K mɑnfuol tɑnmɔb nɑ ŋɑnin tie bon-yebk e, k l sɔnu biɑ pɑɑl nɑn sonml, k niib wɑɑnm-nnɑ e lɑɑt.»

«Kuɑn mɑn tɑnmɔyebk nɑ ni, k mɑɑn tɑnmɔb nbɑ kuɑ muu nbɑ kɑn mi kpien nɑ ni nɑ yɑln hei, k l sɔnu biɑ mɑn nɑn sonml, k niib bonciɑnn e kuɑ tɑnmɔb mɑnŋ ni.

L i tie k yinm nbɑ tie biitdɑnm nɑ mi biɑnŋ nbɑ k i sɑɑ tul i wɑɑs bonŋɑnɑ, i Bɑɑ nbɑ be sɑnpɑɑpo nɑ ji kɑn tul bin nbɑ mei’ɔ nɑ bonŋɑnɑ ɑɑ?

«I dɑɑ kpɑɑn lieb biit nbɑ k i sɑɑ fit tɑɑl’b l pɑɑk, k Yennu mun dɑɑ tɑɑl’i ni, k mɑɑn yɑɑ kpɑɑn lieb biit k tɑɑl’b biɑnŋ nbɑ nɑ, nnɑ e k Yennu mun sɑɑ tɑɑl’i, k biɑnŋ nbɑ k i biki k tien i lieb nɑ, nnɑ e k Yennu mun sɑɑ bikn k tul’i.

«Wun nbɑ kul gbiɑ n mɑɑn nɑ, ŋɑɑn yet l weiu, nɑɑn nɑn jɑjɑtsuɑ nbɑ din mɑɑ u ŋɑɑk tɑnbiini ni nɑ e

Bee k ɑ goli lɑɑt muɑnu nbɑ be *ɑ luɑ ninbinn ni, ŋɑɑn k k lɑ jɑɑntɑlk nbɑ be ɑ mɔnŋ mɔnŋ ninbinn ni nɑ? Nlee k ɑ sɑɑ yet ɑ luɑ ɑ: ‹Ŋɑɑnt k n nyinn muɑnu nbɑ be ɑ ninbinn ni nɑ,› ŋɑɑn k jɑɑntɑlk e be ɑ mɔnŋ ninbinn ni?

«Ii mi mɑn fɑɑk sɔkniinbɑ nɑ po, bin nbɑ bɑɑt i buol ni k nɑɑn nɑn pei nɑ, ŋɑɑn tie kinkɑtɑ nɑn bɑlmɔni nɑ. B tuonɑ ni e k i sɑɑ bɑnn bɑɑ tie bin nbɑ. B k lɑɑt luɑnɑ nbɑ k b yi *lɑɑsen penn pɑɑk k pɔ, k biɑ k lɑɑt luɑnɑ nbɑ k b yi *fiignbɑ nɑ kunkoni pɑɑk k pɔ.

Nnɑ e k tiŋɑnŋ kul luon luɑnŋɑnɑ, k tibiiuk mun luon luɑnbiit.

Tiŋɑnŋ kɑn lon luɑnbiit. Tibiiuk mun biɑ kɑn lon luɑnŋɑnɑ.

Tiik kul nbɑ k luon luɑnŋɑnɑ, b sɑɑ cuɑ’l e k lu’l muu ni.