Popular Bible Verses from Лука 4

Deli

«Зиусхьаным ы Псэ ЛъапӀэ сыгу илъ хъугъэ; сыда пӀомэ, Тхьэм дэгъэ лъапӀэр къысщифагъ. КъызкӀысщифагъэр тхьамыкӀэхэм къэбарышӀур язгъэӀуныр ары. Зыгу кӀодыгъэхэр згъэхъужьынхэуи, хьапсчӀэсхэр шъхьафит зэрэхъужьыщтхэр язгъэӀунэуи, нэшъухэр къэзгъэплъэжьынхэуи, къин зыщэчыхэрэр шъхьафит сшӀыжьынхэуи Тхьэм сыкъыгъэкӀуагъ Зиусхьаным ынэшӀу цӀыфхэм къазыщифэщт илъэсыр къызэрэсыгъэм икъэбар язгъэӀунэуи сыкъыгъэкӀуагъ».

– Тхьэм игущыӀэ тхыгъэхэм арыт, – риӀожьыгъ Исус, – «Зиусхьанэу уи Тхьэ бгъэлъапӀэзэ, ежь изакъоу уфэлэжьэн фае».

– Тхьэм игущыӀэ тхыгъэхэм арыт, – риӀожьыгъ Исус, – «Хьалыгъу закъор арэп цӀыфыр зэрыпсэущтыр, сыдрэ гущыӀэу Тхьэм дэжь къикӀырэр ары нахь».

Тхьэм ы Псэ ЛъапӀэ инэу ыгу илъэу, Исус Иордан псыхъом къыӀукӀыжьыгъ.

– Тхьэм игущыӀэ тхыгъэхэм арыт, – риӀожьыгъ Исус, – «Зиусхьанэу уи Тхьэ умыушэты».

ЕтӀанэ шэйтаным Исус псэкӀод зэрэригъэшӀэн Ӏэмал пстэури зеухым, игъо ифэмэ, къыгъэзэжьынэу ӀукӀыжьыгъ.

ЕтӀанэ шэйтаным Исус чӀыпӀэ лъагэ горэм дищаий, зы нэплъэгъукӀэ дунаим тет пачъыхьагъу пстэури къыригъэлъэгъугъ. Ащ Исус къыриӀуагъ: – Мы пачъыхьагъухэм ятетыгъо пстэумрэ щытхъушхоу яӀэмрэ остыщтых, сыда пӀомэ, сӀэ илъых, сызфаем естын сыфит. ЛъэгонджэмышъхьэкӀэ укъэтӀысэу сыбгъэлъапӀэмэ, ахэр зэкӀэ о уие хъущт. – Тхьэм игущыӀэ тхыгъэхэм арыт, – риӀожьыгъ Исус, – «Зиусхьанэу уи Тхьэ бгъэлъапӀэзэ, ежь изакъоу уфэлэжьэн фае».

Ащ ыуж шэйтаным Исус Ерусалим ыщи, Тхьэм иунэшхо нахь лъэгапӀэу иӀэм тыригъэуцуи, къыриӀуагъ: – О Тхьэм ури Къомэ, мыщ дэжьым зыщедзых; сыда пӀомэ, Тхьэм игущыӀэ тхыгъэхэм арыт: «Тхьэм имэлэӀичхэм укъаухъумэнэу унашъо къафишӀыщт, о плъакъокӀи мыжъом уемыутэкӀыным пае, аӀэхэмкӀэ уаӀэтыщт». – Тхьэм игущыӀэ тхыгъэхэм арыт, – риӀожьыгъ Исус, – «Зиусхьанэу уи Тхьэ умыушэты».