Priljubljene svetopisemske vrstice iz cēnisis 9

Deli

mina kisēmanito omisi itwēw, ēwako oma kē isi kiskinawātēyitākwahk nit asotamākēwin niya kā osihtamātakok kiyawāw, mina ē tahto pimātisit osihcikan kā wici ayāmikoyēk, tahki āniskāc kē pimātisihk. nit astān ni pisimwēyāpi waskohk, ēkosi ēwako kē kiskinawātēyitākwahk asotamākēwin niya kā osihtamātakok kiyawāw askihk.

ēkosi pisimwēyāpi kita ayāw waskohk; mina ni ka kanawāpahtēn, kita kiskisitotamān asotamākēwin ēkā wikāc kē ponipayik kisēmanito kā miyāt kahkiyaw ē pimātisiyit osihcikana kā o wiyāsiyit waskitaskamik kā ayāyit.

awiya kē sikinamokwē ayisiyiniwi mihko ayisiyiniwa omihk kata sikinamiyiwa; cikēmā ot isinākosiwinihk kisēmanito ki osihēw ayisiyiniwa.

kisēmanito māka ki sawēyimēw noa mina okosisiyiwa, omisi māka ki itēw, wi miyo nihtāwikihitok, mina wi mihcētik, kita sākaskinatāyēk aski.

kahkiyaw kēkway ē wāskawimakahk kā pimātahk ki ka omiciwinināwāw; wāwāc kā osāwaskwaskik ki ki miyitināwāw kahkiyaw kēkway.

ki ka kakospanēyimikowāwak mina ki ka kostikowāwak, kahkiyaw pisiskiwak askihk kā ayācik, mina kahkiyaw kā papāmiyācik, mina kahkiyaw kā waskawitācik ota askihk, mina kahkiyaw kinosēwak, kihcikamihk kā ayācik; kicihcihk pakitināwak kahkiyaw ēwakonik.

māka kiyawāw wi miyo nihtāwikihitok, kita mihcētiyēk; wēyoci nihtawikihitok askihk, mina wi mihcētik ēkota.