Priljubljene svetopisemske vrstice iz Matayo 6

Deli

Lino musakage tasi uwutwa wa Nguluvi na uwugolofu wakwe na ifyo mbefili fiva fyenyu.

Lino mulahuguvala ulwa milawu; pakuva ulwa milawu lwilamulila lulwene. Chekivesaga kimunyi kina sakwe, mulongelesa singi.

“Pa ulo nguvalongela, mulahuguvala ulwa uwumi wenyu ukuta mulya kiki, apangi munywa kiki, na ulwa kangi imivili jenyu ukuta mufwala kiki. Ndawuli uwumi wenyu siwukomi ukulutila ikilyo? Na umuvili ukulutila imyenda?

Neke veve peukwifunya, wingilage kugati, udinde na mulyango, neke wifunye kuludado yeali kukinyele. Na yudado yeilavaga isa ikinyele akuhomba veve uluhombo.

Apo, nyenye mwifunyage de: ‘Ve dadetu ye ulikuchanya: Ichoga kivelage kulitawa lyako; Uwutwa wako wusage, lwewiwenda lupigikage mung'i ndawe kuchanya.

Utupelage neng'ino ikilyo chetu cha mbepali.

Utudegepelage inzanangifu setu, ndawe hwehwe lwe twakuvadegepela avatwananje.

Ulatuvika mu kugelwa, lino utupokage kwa yula Umwanangifu.’

“Pakuva pemwidegepela avanu inzanangifu sevavapije, udadenyu yealikuchanya avadegepela nayi nyenye.

Mulavage ifidege ifya mwihala sifivyalagi, kangi sifibetagi nu kuvika mufisande. Udadenyu uva kuchanya akufipela ukulya. Ndawuli nyenye simulikiba ukulutila ifyo?

“Mulemwage ukukong'asa uwunono wa mung'i umu, pakuva mwina imalata na ing'angaga isakwananga kangi movali na avaposi avavimamula neke vahiise. Apo mukong'asage uwunono uwa kuchanya kwe sikikwanangikagi kinu nambi malata nambi ng'angaga, na kwe sivimamulagi nu kuhiisa. Pakuva, uwunono wako pepowoli pepene peyiva nayi numbula yako.

“Sikwali umunu yeahwanite avapigile avatwa vavili. Pakuva amuvipila uyu nu kumwenda uyu. Kangi ahwanite ave na choga kwa uyu neke amubedale uyu. Si muhwaniti mumupigile Nguluvi na uwunono.”

Lino wone Nguluvi aifwika amasoli agamwihala amanyawumi wa ikimunyi kimwi, imilawu gakasile na ukupya mumoto, mwitigila siahwaniti avafwike hilo nyenye? Nye nyevanyalufuuwo lukefu!

Neke veve peukumutanga umumikaa, nambi umunyawiyendi vako alemwage ukulukagula lwewipiga. Tawulage uwutanzi wako kukinyele, na yudadenyu yeilavaga isa ikinyele avapela nyenye ifilutye.

“Mwikomalilage mulemwage ukupiga uwuwuya pa vanu sambi musumilwe nawo. Pakuva pemugisile ndahihyo pavanu, simuhombwa kinu nda ukuhuma kuludadenyu yealikuchanya.”

“Pemukwiyima ukulya, mulemwage ukwihohoveka nu kukumbing'ana kumiho ndawe avabuganisi we vavigita. Vavihohovala sambi vakagulanike na avanu ukuta viyimite ukulya. Nene nguvalongela iwo yevahombitwe uluhombo lwawo. Neke veve peukwiyima ukulya, kalavage kumiho neke wibake na amafuta kumutwe, sambi ukwiyima kwako ukulya, kulemwe ukuwoneka na avanu, lekage kuwoneke kuludado ye alikukinyele. Neke udado yeailava na kukinyele akuhomba uluhombo.”