Popular Bible Verses from Chakruok 17

Deli

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto

Nyingi ok nochak oluong ni Abram, to noluonge ni Ibrahim. Mano koro e nyingi, nikech aseloki wuon ogendini mang’eny.

“Anarit singruok ma asetimo kodi kendo gi nyikwayi e tienge mabiro, mi anabed Nyasachi kendo Nyasach nyikwayi nyaka chieng’.

“Singruok ma atimo kodi e ma: Inibed wuon ogendini mang’eny.

To Nyasaye nodwoke niya, “Ooyo, Sara chiegi ema biro nywoloni wuowi, kendo inichak nyinge ni Isaka. Anachop singruok ma asetimo kode, kaachiel gi nyikwaye bende, nikech en singruok mosiko.

Anamiyi piny Kanaan duto ma koro inie jadakni, mi enobed mari gi nyikwayi nyaka chieng’ kendo anabed Nyasachgi.”

Ibrahim nogoyo chonge piny, mokulore nyaka e lowo, to nochako nyiero, koparo ni, “Bende ng’ato dinywol nyathi ka en jahigni mia achiel? Koso Sara nyalo nywol ka en jahigni piero ochiko?”

Eka Nyasaye nowacho ni Ibrahim kendo niya, “Kik ichak iluong chiegi ni Sarai, nikech koro nyinge Sara.

Chakre kawuono, nyaka uter nyathi ka nyathi ma wuowi nyangu ka en gi ndalo aboro, kata en nyathiu, kata nyathi misumba mong’iew kuom oganda moro. Mano biro nyiso ni nitie singruok e kinda kodu.

To anarit singruok ma asetimo kod Isaka wuodi ma Sara biro nywolo e kinde makama e higa mabiro.”

Chakre kawuono, nyaka uter nyathi ka nyathi ma wuowi nyangu ka en gi ndalo aboro, kata en nyathiu, kata nyathi misumba mong’iew kuom oganda moro. Mano biro nyiso ni nitie singruok e kinda kodu. Ng’ato ka ng’ato nyaka ter nyangu, kendo mano nobed ranyisi e ringreu ma nyiso ni singruok masetimo koduni osiko.