Popular Bible Verses from Zhã 1

Deli

Ǹdə́ rə̀myɛ́ ga, bə̀ jàlà shɛ̀nɛ́ bə zwẽ de, sə rə̀ ce bə̀myɛ́ mɔ́ jǐrh Yi byâ, bə̀ gə́ zù rì mú yilə.

Kùr-ju yi ní, ǹdə́ Yi nyì-zɔ̀mɛ̀ rɛ́ yʼà ŋwɛ́nɛ́. Rə̀ yʼà ŋwɛ́nɛ́ ǹdə́ Yi, sə rə̀ yʼà wɔ́ Yi.

Pwẽ̀ dé yə̂r cə-byín wə, sə cə-byín dí yə̀ rə̀ cə̀r yé.

Yi nyì-zɔ̀mɛ̀ rɛ́ jǐrh numbyíní, sə numbyíní y èmyɛ́ jòm nə́ sõ. Nə́ yírhə́ nɔ è zùwə́ yə́. Wɔ́ Da mɔ́ ń pɔ zùwə́ y èmyɛ́ ń Byì-dùwə̀ y ne. È sónó w já dɛ̃´dɛ̃´. Wɔ́ èmyɛ́ dɛnnɛ nə́ tó né nə́ lwar Yi gə́ wɔ́ kɔn ná-dwí yil né zhə̀n zhə̀nà.

Wɔ́ rə̀myɛ́ dɛnnɛ Yi tó né rə wɛ̀rhɛ́ kɔn gakó. Kɔn rə̀dù ga tɛ̀nɛ́ Yi yə̀ rə̀ zɔ̀mɛ̀ rɛ́ dɛnnɛ tó rə wɛ̀rhɛ́ yé. Wɔ́ rə̀myɛ́ rə̀ nʼê pɛ nyǔ, sə nyǔ mú mə̀myɛ́ wɔ́ numbyínə́ bé pwẽ̀.

È zɛ̃̀ nəkɔkɔ́lɛ́ yá, Zhã nɔ Yezu ń bàn ń sono, n zɛ̃̀ n wɔ̀: “Nyǐnə Yi pyì-bwɛ̀lɛ́ y è nʼê vùr lũ w yə̀-bəlwàálɛ́ mɔ́.

Rə̀ yʼà ŋwɛ́nɛ́ lũ w wə, sə lũ w lyì bí yə̀ rə̀ pár lwar yé. E jà wɔ́ rə̀myɛ́ dɛnnɛ Yi tó né rə wɛ̀rhɛ́ lũ wə́. Rə̀ tú rə̀ cìcì lyì bí sõ, sə bə̀ yə̀ shɛ̀nɛ́ bə zwẽ de yé.

Yi zɔ̀mɛ̀ rɛ́ dúdú rə̀ wɔ́ pwẽ̀ zhə̀nà, rə̀ tú lũ w wə, mùnì rə yə̂r lò gakó.

Yi tó Muyiisi dɛnnɛ rə byili nə́ba rə̀ nyə́ né, sə rə̀ tó Yezu Kristə dɛnnɛ rə byili nə́ba rə̀ sónó w ǹdə́ rə̀ gə́ wɔ́ kɔn ná-dwí yilə.