Popular Bible Verses from 'Lu 9

Deli

'De or :wlu 'de nyor⧾-a' klehkpeh bo, or 'dae:, Nyor :or 'bhorn-a :or 'ye-a' 'o 'on klei' zi, :yee' 'nyi or 'ma-dih: or-a' 'jeh-a' dhih bo. 'Nyi or 'duo: or-a'a: 'kle 'ye-eh-a' 'klorse tu-', zorn 'o zorn, or 'ye 'o 'on klei' zi.

Nyor :or 'bhorn-a :or 'ye-a' or-a' :febeh' dih dhe, :yee' or mu-eh 'ma-dih:. Jorwor: nyor :or 'ma-dih:-a or-a' :febeh' 'do 'an dhih bo, :yee' eh-a' dih :dhe-eh: 'o or no.

'De :Yusu' :wlu 'de or bo, or 'dae:, Nyor :or 'dhu-a Nyorsoa-deh glu, :eh gweh-a :ka nyor :or 'dhu-a gle 'beleh-eh glu, 'de :or pobo-a de, :yee' or :se nyor Nyorsoa 'ye-a' :koan :no-dih: 'do or-a' nyor⧾ wlu 'ken :korn-eh-a' dhih bo.

:Mor nyor 'ble 'bluhba-a' klehkpeh, 'de or 'ye or-a' :febeh' 'ma-dih: 'de or 'ye gbe :zie:, :yee' deh 'i-deh: eh mu-or 'o :po :eh?

:Mor nyor :taa dhen ple, 'do 'an dhih-: 'dekorn: 'an nyor⧾ deh :torne-eh-: :yee' 'yu an 'da-dih-a Nyor-kpalu-a' 'yu-a mu dhen :ple, 'do nyor :dao', or-a' dhih bo :ke, :mor or 'yle, 'de or-a' dhih-a' 'i 'beh-a'-: or :Baa'-a' dhih-a' 'i 'beh-a'-: 'dekorn: 'enjor-nyor:⧾ :on :ne-a gban 'i, an-a' dhih-a' 'i 'beh-a'-: 'di.

'De :Yusu' :wlu 'de or bo, or 'dae:, :Tolo'-gbe⧾ 'ble 'bi, me-: en pa 'di dih. 'De neme: :en zi-dih-a-' dih 'de yai', en 'ble 'dle⧾, me-: en pa 'di dih. Jorwor: 'yu an 'da-dih-a Nyor-kpalu-a' 'yu, or se 'dlu-a' 'pehn-dih-da: :sloror'-a' 'jeh 'ble.

:Yee' or :wlu-' 'de on bo, or 'dae:, Nyor :or kpon-a 'yu-yu: :daa dih, 'de 'an 'nyne 'di, :yee' nyor :dao', 'mor-: 'o or kpon dih. 'De nyor :or kpon-a 'on dih, :yee' nyor :or dbo-a 'on, or-: 'o or kpon dih :ke. Deh no-eh, nyor :or ya-a or-a' 'jeh ya, :or :zi-a 'o nyor⧾-a' klehkpeh-', :yee' or-: no nyor :klaba' 'de a 'klu-'.