Popular Bible Verses from Gha ta Wəshi 17

Deli

Ma kwa nza va ta Abram meslimsə meslighəmbe ne, pa Mahwətə ncɛte nda geva, ma ke shɛ: «'Ya ya kaShala nde berete. Dzeghwa mbe kema ta ɗa ba'a nza tiɗiɗi.

Kazhɛne mbeli kateheka ŋa kaAbram we, ama Abraham tenza sləa ŋa, kwa nza ŋkɛ katezhɛre ŋa 'ya kayiteyɛa hwelefefi kwele kwele.

Katemene jikə geva 'ya le gha, le hwelefefia ŋa kwetere wəmbəa ŋa. Ma jikə geva nya kaghala ghala shɛ ne, kaShala ta ŋa ba'a ŋa mbeli nyi ketesawa mbe gha teve ɗa ŋkɛ.

«Kaŋa ɗa ne, wa nya jikə geva ta ɗa nya le gha: katenza na kayiteyɛa hwelefefi kwele kwele.

Ama ma ke Shala zhɛnete: «Ewə! Kateya ŋa wəzege teza male ta ŋa Sara, kateheka nda slə na kaIzak. Katemene jikə geva 'ya le gheŋkɛ, kajikə geva nya kaghala ghala kaŋa ŋwale nyi ketesawa mbe kwetere wəmbəa ŋkɛ tenza ŋkɛ.»

Ke gha le ŋwalea ŋa teve ŋayɛ hɛɗi nya nza na te kande se se 'ya, pɛtɛa hɛɗia Kanan. Kaŋa nci tenza ŋkɛ kaghala ghala, kaShala ta nci tenza 'ya.»

Ntiŋə Abraham ŋame ghə mbe hɛɗi kaŋ'wəshi. Ma ke mbe wənəa ŋkɛ: «Tsema nza 'ya kayake wəzege gwəmsə va ta ɗa tse wa? Meslimsə va ta Sara ne, mba nde kayake wəzege na?»

Ma ke Shala sha Abraham: «Katezhɛne na kaheka male ta ŋa kaSaray we, Sara tenza sləa nta tsetsenya.

Mɓɛta nya slamte yɛ nde tenza kawəsə kencɛ jikə geva nya kwelɛ gheyɛ le 'ya.

Ama jikə geva nya temene 'ya le Izak nya teya ŋa Sara ne, heshi tsetse ŋkwa tenza ŋkɛ.

Ma kemenete hɛ deghese ŋwale tezhili ne, pɛtɛ tesla nda mɓɛta mbeli ke hɛ kehwelefe kehwelefe. Tsagha ka mavashi nyi keya ki ghɛ ŋa keɗema nyi pake mbeli te cɛdɛ se mbe kweci hwelefefi nyi keɗema kahwelefe ta ŋa. Ma tsagha ne, kesla sla tenza mɓɛta te mava nya keya ki ghɛa ŋa keɗema nya pake mbeli pa pa, kezha nza jikə geva ta ɗa te geva ta ŋayɛ kaghala ghala.