Priljubljene svetopisemske vrstice iz Lia Uluk Fohon 9

Deli

Haꞌu ktau Haꞌukaan baur iha laleꞌan dadi baa tadak, nebee emi bele hatene Haꞌukaan mamenon la nakotu baa emi no baa sa-saa mak moris iha raiklaran neꞌe.

Kalo kaloꞌan saꞌe iha laleꞌan, hotu baur tubu, baur nia foo natene baa Haꞌu naꞌak, Haꞌu kameno tiꞌan, motasaꞌe boot la bele nabeꞌo dodok tenik sa-saa mak moris. Baur nia moos dadi tadak naꞌak, Haꞌu kamate menon tiꞌan ko emi no sa-saa hotu-hotu mak moris.”

Haꞌu kaseꞌi ema tuir Haꞌukaan ilas. Tan lia nia, la bele hoꞌo ema. Kalo ema ida noꞌo ema, musti ukun mate nia. Kalo osa no lotuk sia noꞌo ema, musti hoꞌo. Ukun neꞌe, nosi Haꞌu.

Hotu, Maromak natuun matak-malirin baa Noh no oan sia nodi katak naꞌak, “Emi hahoris bea hakonu hikar raiklaran neꞌe.

Emi bele haa siakaan naꞌan. Emi moos bele haa ai fuan nosi ai horis sia. Neꞌe sia hotu-hotu, Haꞌu klatan baa emi.

Osa no lotuk no manu ai leten no naꞌan tasi wee laran, hotu-hotu atu nataꞌuk emi. Emi mak babilan sia.

Emi musti hahoris bea hakonu hikar raiklaran neꞌe.”