Priljubljene svetopisemske vrstice iz Lukə 12

Deli

Mąąhɔlɔɓo lɔwai ka hvo mą, ya ɓə Nu Lon gaa pai pai la.»

Yii mąąnɛ̨ɛ̨ ka niihɛlɛn ɉee, ya ɓaa: Yálá-taa tɔɔlaai hɔlɔɓo mɛ̨nį, Yili pulu, Yálá a ɉɛnŋąą tii kəlee tɛɛ ka pɔ.»

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Mąąhɔlɔɓo, ɓɛi ka wɔ hɛn gɔw kaa laa, nąą ɓə ka wɔ kiliŋąhiɛ kaa laa.»

Ka nɛlɛ ɓə, a pɛli ə ɲii hvóló ta pɛlɛ mą a nwɔ liihɛlɛn?

Jesus ə mo nwɔ kalan nɛai diɛ, yɛ diɛ: «Yili ɓə gɛ, gɛ́ kɛ kaai: Ka hvo ka liihɛlɛn ka wɔ yɛnɛ̨ɛ̨ mąą mɛ̨nį ɓa, yɛ hvilɛ na yii ka pai mį́i mą, awala kɛ tii, ka kɔ́lɔ mąą mɛ̨nį ɓa; yii ka káá pai mąą yilii la.

Ə mą kɛ ka nwun-nəɠa kəlee lonoɔ kpaɠala kaa mą. Ka hvo ɲɔw, ka hviɛlaɓoɔi ə tɛɛ nwɛ̨ni pɛlɛɛɠaa tii diɛ kpɔ kɛnɛ̨.»

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Ka gwąą-gwąąɠaa kaa ləi, di hva tíi kɛ, di hva mɔ̨nun dee, kɔ̨nɔ̨n pui hvo di yəi. Kɛlaa, Yálá a di kɔ̨nɔ̨n gɛ. Kaa mun, ka hviala hvo ɓo li hvo tɛɛ diɛ.

Ka hvo ka liihɛlɛn a ka kɔ̨nɔ̨n mɛ̨nį da ka kpələyá mɛ̨nį.

Akɛ, lɔwɛi tumɔɠaai di kaa a nwɔ̨n gɔ̨nɔ̨n, Yálá a di mąąyili kpɔ tii, ka gɔlɔn kaa diɛ: a pɛli ə ka mąąyili ə tɛɛ diɛ. Ée kə́! Ka wɔ kilitɔɔmąą tiikpəi tai.

Yiiɠaa lɔpee nooŋąai, gəlee mɛ̨i kaa pai həɠəi. Low mɛ̨nįɠaa kaa pai kulɔi pono ŋą, nu kəlee di gɔlɔn.