Priljubljene svetopisemske vrstice iz Panagnaꞌan 39

Deli

Patennaꞌ si Yusup si lumaꞌ disi Potipar, amunen. Tabangan Tuhanin si Yusup hangkan magkasuddahan teꞌed kēmon meꞌ hinangannen.

Pinangandel weꞌ Potipar kēmon meꞌ pangalataꞌnen pu si Yusup. Peggeꞌ laꞌi ne si Yusup, gaꞌ niyaꞌ kasusehan Potipar, iye hadja pinikilnen bang ine kabayaꞌanne kinakanin. Na, hāp teꞌed lella si Yusup.

Pinangandel weꞌ nakuraꞌ guwaldiyahin pu si Yusup kēmon meꞌ pilisu sinduwehin. Ine-ine hinangde diyalem kalabusu iye kapatasin.

Daꞌakne siniggew si Yusup duk kinalabusu diyalem kalabusu meꞌ pilisu sultanin. Ubus laꞌi ne si Yusup diyalem kalabusu. Saguwaꞌ tinabangan weꞌ Tuhanin si Yusup duk kasulutan Tuhanin si iye hangkan kahāpan nakuraꞌ guwaldiyahin pu si Yusup.

Gaꞌ du tiggel anda amu Yusupin mabayaꞌ si iye duk paꞌinne, “Magulid kite.” Saguwaꞌ gaꞌi ngatu si Yusup duk paꞌinne si anda amunen, “Pikilun, peggeꞌ tuꞌu ku gaꞌ niyaꞌ kasusehan amukun sabab lumaꞌin. Bakas urunganne ku kapatut magbayaꞌ si kēmon pangalataꞌnen duk meꞌ daraꞌakannen. Aku pangandelannen. Aku duk iye saliꞌ kapatut kamihin tuꞌu si lumaꞌ inin. Gaꞌ niyaꞌ pamagesanne aku bukut hadja bang kaꞌu, peggeꞌ kaꞌu hep andanen. Gaꞌi ku makajari hinang laꞌat sā miyaꞌan, duse iyan tudju Tuhan.”

Dambuwaꞌ ellew padiyalem lumaꞌ si Yusup peggeꞌ niyaꞌ hinangne laꞌi. Gaꞌ niyaꞌ laꞌi diyalem meꞌ daraꞌakanden bisan dambuwaꞌ. Inagew weꞌ dende miyaꞌan semmek Yusupin duk paꞌinne, “Magulid kite.” Magubas si Yusup paluwas duk taꞌambanne semmeknen laꞌi si dendehin.