Popular Bible Verses from Ioane 6

Share

Iesu papiau ega keifa oma aina'i elogonia aisama eifa einaka, “Palafa papiau mauni mamaga epeni'i auga lau. Kaisau lau eeu emai auga inaega afaekimukimu, ke kaisau lau epako'aniau auga aiso afaekupukupu.

Deo ega Spiritu auga mauni mamaga epipeni. Kai agofa'ai papiau aumauni imaauga auga kapa aga'o afaepagama. Ke iifa oi maamiai laifani'i au'i Deo ega Spiritu ega iifa, ke ega'ina iifa'i mauni mamaga kepipeni.

Oi fo'ama elifu auga faugai foloafipugu kai, fo'ama ageka aoniamo, agu pagai maunina afuga agelaoainimi auga afipuguga fopa'aua. Ke ega'ina fo'amaga auga Papiau Aumauni Gauga oi agepenimi. Gome Deo Ama auga isa Gauga ega'ina fo'amaga fepipeni auga gouga ko'a isa faagagai eogeisa,” eoma.

Gome lau Amau anina eani auga, papiau ma'oai maa'i elao Gauga keisa ke kepako'ania au'i, agu pagai maunina fekeafia eoma. Ke kina fuagai aisama, lau isa alapamaunimue'i mauni mamaga akeafia,” eoma.

Ke Iesu einaka, “Deo ega pinauga auga i'ina: Oi Isa eulaisa auga amopako'ania,” eoma.

Kai Amau lau epeniau au'i ma'oai eeu akemai, ke kaisau lau eeu akemai au'i afalaula'i.

Kai Saimon Peto keoma auga einaka, “Lopia, lai kai eega agalao? Agu pagai iifa'i oi eemuai kekae.

Lau auga palafa maaga maunina ufai eake emai au. Au aga'o i'ina palafaga ageania auga ageagu pagainia. Palafa i'ina auga lau pitiou agofa'a papiau'i fau'iai Deo alapa'a penia, ega koa isa agu pagai maunina akeafia,” eoma.

Kai aga'o lau eeu agemai afaekaina kai, Amau lau eulaisau auga isa lau eeu agemaiseina koa aisama, ega'ina papiauga mo lau eeu agemai agekaina. Ke kina fuagai aisama, lau ega'ina papiauga alapamaunimue.

Gome Deo ega palafa auga, kaisau ufai eake emai i'ina agofa'a papiau'i mauni epeni'i auga,” eoma.

Gome palafa papiau mauni mamaga epeni'i auga lau.

Ke papiau ega'ina keagukipo afegai, Iesu palafa iuma'i eafii'i Deo tenkiu epeniia aisama, mirakulo akaiki'a emia, palafa ma'o emia, ke ega imoi fou ke'eaisa papiau egae keagu au'i pika anina keani auga kepenii'i. Ke ma'a isafa eafii'i ega koa ekapaisa. Ke papiau ma'oai keaniani alo'i ekainia aisama, Iesu ega imoi epaini'i einaka, “Palafa ame'afu'i kekae au'i amopakai guguaini'i, ega koa aga'o egae faeka faelifu aage mo,” eoma.

Ke isa kepoke afa'agamo epo emaefa, kina maaga amagai 5, o 6 o'clock koa i'opoga aisama, Iesu a'u laagai epea, isa keaguka gaagaga eega emai keisa. Ega aisama isa Iesu keisa isage aga'o keoma puo kemani'i alogaina. Kai Iesu isa epaini'i einaka, “I'ina lau puo folomani'i,” eoma.