Popular Bible Verses from Ioane 3

Share

“Gome Deo agofa'a papiau'i ani'i eani alogaina kainai, Gauga ega mo aga'omo auga eulaisa emai i'ina agofa'a papiau'i ee'iai, ega koa kaisau mo isa akepako'ania au'i fakemae umamo kai, agu pagai maunina fekeafia eoma.

Gome Deo, Isa Gauga i'ina agofa'a papiau'i e'i laomai apala'i afa fepeni'i puo aeulaisa aemai kai, Isa Gauga faagagai agofa'a papiau'i kania'i feagamauga eoma puo eulaisa emai.

Ke Iesu einaka, “Iifa gome maamuai laifania, au aga'o Deo ega mauniai afaemauni pugu koa aisama, isa Deo ega agofa'a ageisa afaekaina,” eoma.

Ega puo kaisau isa epako'ania auga afa apala afaepenia. Kai kaisau isa aepako'ania auga afa apala eafiia efua, gome isa Deo Gauga ega mo aga'omo auga aka aepako'ania.

Deo papiau kapa'i ega kekapa oma au'i afa iina epeni oma'i: Eaea emai agofa'ai kai, papiau aumauni alo'i ko'agai umina anina keani kai eaea auga anina akeani, gome isa e'i laomai apala.

Isa au akaiki'a femia kai lau auga e'eleu famia.

Isa ega kekapa oma, gome kaisau laomai apala ekapa auga, alo ko'agai eaea anina aeani, ke ega laomai apala'i ega'ina afekefoki auga mani'ina epa'aua puo, afaemai eaea alogai afaekoko.

Ega puo kaisau Deo Gauga epako'ania auga agu pagai maunina eafia kai, kaisau Deo Gauga aepako'ania auga, ega'ina maunina afaeisa, gome Deo ega guakupu isa eegai ekae,” eoma.

Ke ufainagai ago maininai Moses kopai kaapa iisa ekapaisa au uufagai eogeisa kai eafiakae epaapa. Ke papiau kaapa eagai'i fekemae koa i'opoga kai, maa'i elao auli kaapaga ega'ina au uufagai keisa aisama, felo'i kemia. Ega koa i'opoga, Papiau Aumauni Gauga isafa au kolotinai fekeafiakae.

Ke Ama alo ko'agai Gauga anina eani, ke kapa ma'oai isa imagai epaaua.