Naake Petero akĩmũũria atĩrĩ, “Anania, nĩkĩ gĩtũmĩĩte ũiyũrwo nĩ Caitaani ngoroinĩ agatũma ũheenie Roho Mũtheru ũgetigĩria mbeeca imwe cia iria ũrendirie gĩthaka? Rĩrĩa ũtarakĩendeetie-rĩ, githĩ gĩtiraarĩ o gĩaku? Thuutha wa gũkĩendia-rĩ, githĩ mbeeca icio itiraarĩ o ciaku wĩke ũrĩa ũkwenda nacio? Rĩu-rĩ, nĩkĩ gĩtũmĩĩte wĩciirie gwĩka ũndũ ta ũyũ? Ngũkwĩra atĩrĩ, ti andũ ũheeneetie nĩ Ngai!” Naake Anania aigua ciugo icio, akĩgũa thĩ agĩkua. Nao arĩa oothe maiguire ũhoro ũcio makĩmaka mũno.