Priljubljene svetopisemske vrstice iz Ioane 1

Deli

Inārā, ko te aronga katoa rā i 'āriki atu i aia, i 'ō maira aia i te tika ki a rātou kia riro rātou 'ei tamariki nā te Atua, koia 'oki te aronga i 'irinaki i tōna ingoa

I vai ana te Tuatua i muatangāna, i te Atua ra 'oki te Tuatua, ē ko te Atua 'oki te Tuatua.

ē i kakā mai ana te mārama ki te pōiri, kāre rā te pōiri i 'āriki atu i te reira.

I riro mai nei te Tuatua 'ei tangata, ē kua pū'ākapa mai ki ō mātou nei; kua kite ake nei mātou i tōna kakā, koia 'oki, te kakā e tau i te Tamaiti 'ānau ta'i a te Metua ra. Kua kī aia i te aro'a 'ua ē te tuatua mou ra.

Nā roto mai i aia te au mea kātoatoa; kāre 'ua tēta'i mea tei 'anga'ia, tei kore i 'anga'ia e ia. Tei roto i aia te ora, ē taua ora ra tō te tangata ia mārama

E ao akera, kite atura a Ioane i a Iēsū i te 'aere'anga mai ki aia ra, ē kua nā kō akera, “Ka 'ākara na i te Punua Māmoe a te Atua, ko tei 'apai kē atu i te 'ara a tō te ao nei!

I te ao nei te Tuatua, ē nāna i 'anga i tēianei ao; kāre rā tō te ao i nakiro i aia. I 'aere mai nei aia ki ōna ra, kāre rā tōna au tangata tikāi i 'āriki atu i aia.

Ko te mārama mou ra ko tei 'akamārama mai i te tangata kātoatoa, tei 'aere mai nei ki roto i te ao nei.

Nā Mōse 'oki i tuku mai i te Ture, kāreka te aro'a 'ua ē te tuatua mou, nā Iēsū Mesia ia.