Priljubljene svetopisemske vrstice iz Matiye 6

Deli

Məgaysən məlĩ na Maŋgəlva dabəŋ də əŋgla nani, asna wapsukum an dəmbər pakə. Kədawkayaŋ vi pumpum ɓa, vi pumpum wasən kini, tattuwãh an də dazan pay pak məkki sən pay nani.

Kəda ɗumoŋ vi pumpum ɓa: Vi pumpum waɗumsən kini. Payan digil pak tay gaysən tattuwãh nani.

Vi vaski nədawnah sukum: Kədawyanən zukum də wənna zəga naw zəma də zəga naw saa walla wənna lukut ɓa. Zeŋgille tay də sləman dayki wəzəma, zən bo dayki lukut də sləmani, vaski ɓa sa?

Amma an kəŋgələk wəzuliya, atoŋ eŋgil anok da, amba təkiya ampan madamba akaman Affuk an na təki nawlay ɓa, Affuk an məzula an kədaɗɗa məɗamma wapsuk riba nani.

An munokum tatə zuli na, vaŋki kədaw nəhaŋ: Aw Affəm na disiŋ, salala* kənani, aɗɗa ko naway pak də gakdakan gən iya noko. Arban səm məlĩ noko. Wəŋgla nok dəsan aka dəlva fuŋ va asan a disiŋ.

Apsəm way an na tərsəm wəray dəpaŋka.

Aviyan səm mambray namə, va mədah viyan sit ɗiiyen məɗɗaŋ mambray azamə.

Ataɗmə vi Satan ada mbəɗamə, kapan wətaf nam ɓa. Amma agil gəm səva Satan. Vi məlĩ van noki də sembe də gakdaka, ha faɗə. Amin.

Am munokum tatə viyanən mbrayen an ɗii adaɗɗaŋ sukuməni, Affukum na disiŋ waviyan sukum mambray nokum tamə.

Mula biŋgeɗi, aslgaŋ ɓa, aw bəlaŋ ɓa, zəga tay ada kalanən a maheɗ net ɓa, amma Affukum na disiŋ tay zəm giti. Kədayaŋ kiyit biŋgeɗ də sləma diiɗa ɓa sa?

Kəl dah zaɓanən arya nokum a duniya ɓa, atəki na məsuk-sləma də təki zazaya kawray gən ɓa, atəki net maheleŋɗe kaw soo' nən gəleɗe kaw halnən ɓa. Amma məzaɓan arya nokum a disiŋ, adaka məsuk-sləma də təki zazay aɓap na kawray gən ɓa, mahelɗe bo aɓapnənna wəhalən ɓa'a. Vi atəki arya nok asani makrok bo adaki adawsani.

Ɗəf tay naɗɗa wəza viyit ɗii gugiriɗ sula ɓa. Wazel ɗəffaŋka waŋglu ɗəf andaka, wagakdakan ɗəf aŋka, wazelen ɗəf andaka. Kəɓapaŋ na wəɗɗa wəza sən Maŋgəlva də wəgay sit wənnet deleɗ pak ɓa.

Maŋgəlva tay gulsən kevile awra dəpaŋka, pumpum offo wazla. An vaski na agul sukum na dayki as ɓa sa, munokum məs wətaf nokum tay diiɗa ɓa?

Amma noko an əstatə baahsən məzuraya, apsən məɗamma, ko baynok na makroko adawsənən ɓa. Aɗɗa mogon nok məɗamma, Affuk məzula an kədaɗɗa məɗamma wagəɗ suk riba.

An munokum tatəɗɗaŋ wəza mogon vi Maŋgəlva, kədaɗɗanən vi ɗii dulukumən gən ɓa. An munokum tatəɗɗaŋ vas na, kərəhaŋ na riba səza Affukum na disiŋ ɓa.

An munokum tat əsee'eŋ meme kədar banən zukum sah venet muluvuluvuɗe adaɗɗaŋ ɓa, taŋ wərosonən ki hereti, vi ɗii dulenən gən na taŋ əsee'eŋ meme. Naw gesiŋ nədawnah sukum: Net arəhənək riba net grakə. Amma isi an əstat əsee' meme aɗah horoko, akot kiko, vi ɗii adasənən na əstatə see meme ɓa. Affuk an na təki məɗamən ndəni dəl sənən kaaka'ə Affuk an məwəl an kədaɗɗa məɗamma, wapsuk riba.