Priljubljene svetopisemske vrstice iz ܒܪܝܬܐ 3

Deli

ܘܚܙܹܐ ܠܵܗ̇ ܒܲܟ݂ܬܵܐ ܕܨܦܵܝܝܼ ܝܗ݇ܘܵܐ ܐܝܼܠܵܢܵܐ ܠܹܐܟ݂ܵܠܵܐ ܡ̣ܢ ܛܥܘܼܢܬܹܗ، ܘܡܲܒܣܸܡܵܢܵܐ ܝܗ݇ܘܵܐ ܠܥܲܝܢܹ̈ܐ، ܘܫܘܼܗܘܸܬܵܐ ܠܸܥܒ݂ܵܕܹܗ ܐ݇ܢܵܫܵܐ ܚܲܟܝܼܡܵܐ، ܘܫܩܝܼܠ ܠܵܗ̇ ܡ̣ܢ ܛܥܘܼܢܬܹܗ، ܘܐ݇ܟ݂ܝܼܠ ܠܵܗ̇، ܘܝܘܼܗ݇ܒܸܠ ܠܵܗ̇ ܐܘܼܦ ܠܓܲܒ݂ܪܘܼܗ̇ ܕܝܼܗ݇ܘܵܐ ܥܲܡܘܼܗ̇، ܘܐ݇ܟ݂ܝܼܠ ܠܹܗ.

ܘܚܘܼܘܹܐ ܒܘܼܫ ܝܵܕܘܿܥܵܐ ܝܗ݇ܘܵܐ ܡ̣ܢ ܟܠܲܝܗܝ ܚܲܝܘܵܬܹ̈ܐ ܕܕܸܫܬܵܐ ܕܥܒ݂ܝܼܕ ܠܹܗ ܡܵܪܝܵܐ ܐܲܠܵܗܵܐ. ܘܐ݇ܡܝܼܪܹܗ ܠܒܲܟ݂ܬܵܐ، ”ܫܲܪܝܼܪܬܵܐ ܝܠܵܗ̇ ܕܐ݇ܡܝܼܪܹܗ ܐܲܠܵܗܵܐ، ’ܠܵܐ ܐܵܟ݂ܠܝܼܬܘܿܢ ܡ̣ܢ ܟܠ ܐܝܼܠܵܢܵܐ ܕܓܲܢܬܵܐ؟‘“

ܕܸܫܡܸܢܵܝܘܼܬܵܐ ܒܸܬ ܡܲܬܒܸܢ ܒܹܝܠܘܼܟ݂ ܘܒܹܝܠ ܒܲܟ݂ܬܵܐ، ܘܒܹܝܠ ܙܲܪܥܘܼܟ݂ ܘܒܹܝܠ ܙܲܪܥܘܼܗ̇. ܗ̇ܘ ܒܸܬ ܒܵܠܹܣ ܠܪܹܫܘܼܟ݂، ܘܐܲܢ݇ܬ ܒܸܬ ܢܵܝܨܹܬ ܠܥܸܩܒܹܗ.“

ܘܠܒܲܟ݂ܬܵܐ ܐ݇ܡܝܼܪܹܗ، ”ܡܲܙܝܘܼܕܹܐ ܒܸܬ ܡܲܙܝܸܕܸܢ ܓ̰ܘܼܢܓ̰ܵܪ̈ܵܟ݂ܝ ܒܙܲܒ݂ܢܵܐ ܕܒܛܵܢܬܵܟ݂ܝ؛ ܒܓ̰ܘܼܢܓ̰ܵܪܹ̈ܐ ܒܸܬ ܗܲܨܠܲܬܝ ܒܢܘܿܢܹ̈ܐ، ܘܠܓܲܒ݂ܪܵܟ݂ܝ ܒܸܬ ܗܵܘܝܵܐ ܫܲܗܘܲܬܬܵܟ݂ܝ، ܐܝܼܢܵܐ ܗ̇ܘ ܒܸܬ ܥܵܒܹܕ ܫܘܼܠܛܵܢܵܐ ܥܲܠܵܟ݂ܝ.“

ܒܕܲܥܬܵܐ ܕܦܵܬܘܼܟ݂ ܒܸܬ ܐܵܟ݂ܠܹܬ ܠܲܚܡܵܐ، ܗܲܠ ܕܕܵܝܪܹܬ ܠܐܲܪܥܵܐ، ܣܵܒܵܒ ܡܸܢܘܼܗ̇ ܦܝܼܫ ܠܘܼܟ݂ ܫܩܝܼܠܵܐ؛ ܣܵܒܵܒ ܥܲܦܪܵܐ ܝܘܸܬ، ܘܠܥܲܦܪܵܐ ܒܸܬ ܕܵܝܪܹܬ.“

ܘܠܐܵܕܵܡ ܐ݇ܡܝܼܪܹܗ، ”ܣܵܒܵܒ ܫܡܝܼܥ ܠܘܼܟ݂ ܠܩܵܠܵܐ ܕܒܲܟ݂ܬܘܼܟ݂، ܘܐ݇ܟ݂ܝܼܠ ܠܘܼܟ݂ ܡ̣ܢ ܐܝܼܠܵܢܵܐ ܕܦܩܝܼܕ ܠܝܼ ܐܸܠܘܼܟ݂، ܒܹܐܡܵܪܵܐ، ’ܠܵܐ ܐܵܟ݂ܠܹܬ ܡܸܢܹܗ،‘ ܠܝܼܛܬܵܐ ܝܠܵܗ̇ ܐܲܪܥܵܐ ܒܘܼܬ ܕܝܼܘܼܟ݂، ܒܓ̰ܘܼܢܓ̰ܵܪܹ̈ܐ ܒܸܬ ܐܵܟ݂ܠܹܬ ܡܸܢܘܼܗ̇ ܟܠܲܝܗܝ ܝܵܘܡܵܢܹ̈ܐ ܕܚܲܝܘܼ̈ܟ݂؛

ܘܐ݇ܡܝܼܪܹܗ ܐܸܠܹܗ ܡܵܪܝܵܐ، ”ܡܵܢܝܼ ܩܲܡ ܡܲܕܸܥ ܠܘܼܟ݂ ܕܫܘܼܠܚܵܝܵܐ ܝܘܸܬ؟ ܗܵܐ، ܐ݇ܟ݂ܝܼܠ ܠܘܼܟ݂ ܡ̣ܢ ܐܝܼܠܵܢܵܐ ܕܦܩܝܼܕ ܠܝܼ ܐܸܠܘܼܟ݂ ܕܠܵܐ ܐܵܟ݂ܠܹܬ؟“

ܘܛܪܝܼܕ ܠܹܗ ܠܐܵܕܵܡ، ܘܡܘܼܬܸܒ݂ ܠܹܗ ܟܪ̈ܘܿܒܹܐ ܒܡܲܕܢܚܵܐ ܕܓܲܢܬܵܐ ܕܥܕܸܢ، ܘܣܲܝܦܵܐ ܠܵܗܝܵܢܵܐ ܒܸܚܕܵܪܵܐ ܡ̣ܢ ܟܠ ܓܹܒܵܐ، ܠܸܢܛܵܪܵܐ ܠܐܘܼܪܚܵܐ ܕܐܝܼܠܵܢܵܐ ܕܚܲܝܹ̈ܐ.

ܘܩܪܹܐ ܠܹܗ ܐܵܕܵܡ ܫܸܡܵܐ ܕܒܲܟ݂ܬܹܗ، ܚܵܘܵܐ، ܣܵܒܵܒ ܗ̇ܝ ܗܘܹܐ ܠܵܗ̇ ܝܸܡܵܐ ܕܟܠ ܚܵܝܵܐ.