Priljubljene svetopisemske vrstice iz GENESIS 6

Deli

Leiah mihring a siam ta chu pawi a ti a, a rilru a na hle a.

LALPA chuan leia mihring sual nasatzia chu a hmu a, eng lai pawhin thil sual hlîr an ngaihtuah a ni.

Nova erawh chu LALPA chuan a ngaina hle a.

Hei hi Nova thlahte chanchin chhuina a ni. Nova chu mi ṭha a ni a, a dam rualpuite zîngah sawisêl kai lo awm chhun a ni. Nova chu Pathian nên an lêng dûn ṭhîn.

LALPA chuan, “Mihring te, ramsa te, a tlenga tleng mi te, chunglêng sava ka siam te hi ka nuai bo mai teh ang, ka siam ta kha pawi ka ti êm mai,” a ti a.

Leiah mihring an lo tam a, fanute pawh an ngah ta hle a. Pathian fate chuan mihring nulate hmêlṭhatzia an hmuh chuan an duh duh nupuiah an nei ta a. LALPA chuan, “Mihring hi an dam kumkhua ka remti lo, an tisa mi êm mai; kum za leh sawmhnih erawh chu dam thleng rawh se,” a ti a. Chutih hun lai chuan, a hnu deuhvah pawh leiah hian Nefil-ho an awm a. Chûng chu Pathian faten mihring fate nupuia an neiha an thlah tâkte an ni. Chûng mite chu hmânlai mi hrâtkhawkhêng, mi hmingthang tak tak an ni.

Nova chuan Pathian thupêk ang chuan a ti ta vek a.

Pathianin Nova hnênah, “Mihringte hi tihboral ka tum ta. Lei hi anmahni avângin inpâwngnêknain a khat ta si a, lei pawh hi ka tichhe vek dâwn a ni.

Tichuan, thing ṭha chi hmangin lawng tuk rawh; lawngah chuan pindante siam la, a chhûng lam leh a pâwn lamah alkatra hnawih chhuak vek ang che.

Khawvêl chhiat tâkzia chu Pathian chuan a hmu a. Ngai teh, leia mi tin a sual zâwng hlîrin an khawsa a ni.

Thil nung tinrêng, tisa pu rêng rêng chu an him theih nân, pahnih zêl, a nu leh a pa hruai lût ve ang che.