If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Ghore ya Umana</div><div class="p"> 1Hambiri ya kuumbo urumengu, Ghore oluo, na Ghore oluwanyo na Mlungu, na Ghore oluo ni Mlungu mwenyi. 2Kufuma kudyowa Ghore oluwanyo na Mlungu. 3Vindu vose vanadeilo kwa iye, na sikweo na iye, kindu chingi sichideilo ichi chideilo. 4Amweni kwake koluo umana, nagho umana gholuo ni mlangazi ghwa wandu. 5Mlangazi ghwalangaza kizeni na kiza sichidimagha kughuisa.</div><div class="p"> 6Koluo na mundu etumilo kufuma kwa Mlungu, na izina lyake ni Johana. 7Ojile kughorera wandu ighulu ya mlangazi, eri wandu wose wadumuse kwa iye. 8Iye seluo mlangazi, ela ojile kwa undu ghwa kughorera wandu gha mlangazi. 9Mlangazi wa fulo emlangazagha kila mundu, oluo ukujagha urumenguni.</div><div class="p"> 10Naye Ghore oluo urumenguni, nagho urumengu ghodeilo kwa iye, ela urumengu sighomumanyile kungi. 11Ojile kele isanga lyake, nawo wandu wake siwamhokere kungi. 12Ela wose wamuhokere, wekedumusa kwa izina lyake, kawahawa udimo ghokala wana wa Mlungu. 13Awa wavelo, si kwa bighati hata si kwa kushaya kwa muli hata kwa kushaya kwa mdamu, ela wavelo kufuma kwa Mlungu.</div><div class="p"> 14Naye Ghore kakala mdamu na kukalanya nesi, kejula mbazi na fulo; tikaona ubwaa ghwake, sa ubwaa ghwa Mwana mumojori afumile kwa Aba.</div><div class="p"> 15Johana kamushuhudia, keghamba, &#8220;Uyu niye nimughorere kamba, &#8216;Ukujagha nyuma yangu aniisile imi, kwani oluo hambiri yangu.&#8217;&#8221;</div><div class="p"> 16Na kufuma kwa ungi ghwa mbazi yake, itose tapata mbazi kwa mbazi. 17Kwani Sheria yanajile kufuma kwa Mlungu kwa ngila ya Musa; ela mbazi na fulo ikeja kwa ngila ya Jesu Kristo. 18Sikwesi mundungi amwonile Mlungu lyingi! Sala Mwana Mwenyi uyu ewo lagaeni kwa Aba, niye amumanyisa.</div><div class="s">Ushuhuda ghwa Johana Mubatizi</div><div class="r">(Matayo 3:1-12; Marko 1:1-8; Luka 3:1-18)</div><div class="p"> 19Nagho ughu nigho ushuhuda ghwa Johana, ilyi Wayahudi wemutumilile wakohani na Walawi kufuma Jerusalemu kumkotela, &#8220;Uwe nuwe ani?&#8221; 20Naye kaghora mwazi saleghile, &#8220;Imi simi Masihi ungi.&#8221; 21Nawo wakamkotela, &#8220;Nuwe ani? Nuwe Elija?&#8221; Naye kaghora, &#8220;Simi ungi.&#8221; Wakamkotela, &#8220;Ndamu nuwe tondolo?&#8221; Naye katumbulila, &#8220;Hata.&#8221; 22Nawo wakamuza, &#8220;Nuwe ani? Tighorere eri tiwahawe matumbulilo awa watitumile. Wakughora uwe mwenyi nuwe ani?&#8221; 23Naye kawatumbulila,</div><div class="q1">&#8220;Imi nimi lwaka lwa mundu mumoju ekemagha kireti,</div><div class="q1">&#8216;Ghororeni ngila kwa undu ghwa Bwana.&#8217;</div><div class="q1">Selyi tondolo Isaya aghorire.&#8221;</div><div class="p"> 24Nawo awa wandu wetumilo ni Wafarisayo. 25Nao wakamkotela, &#8220;Ndamu kudani ubatizagha, ikakala suwe ungi Masihi, ango Elija, ango tondolo?&#8221; 26Johana kawatumbulila, &#8220;Imi nabatiza na meji; ela uwo mumoju kimusi ghati yenyu simomumanyagha. 27Uyu ekujagha nyuma yangu, hata imi sifweni kufungula mkoa ghwa kilatu chake.&#8221; 28Agha ghose ghanadeikile Bethania, chambuko cha Jordani andu Johana eluo kebatizila.</div><div class="s">Mwana wa ng'onzi wa Mlungu</div><div class="p"> 29Ikesho lyake Johana kamwona Jesu kemjila, kaghora, &#8220;Loleni Mwana wa ng'onzi wa Mlungu, uyu efunyagha kaung'a za urumengu! 30Uyu niye neghorire, &#8216;Ukujagha mundu nyuma yangu aniisile imi, kwani oluo hambiri imi sevelo.&#8217; 31Imi mwenyi semumanyile anduangi, ela kwa undu ghwake nanajile kubatiza kwa meji, eri amanyikane kwa wandu wa Israeli.&#8221;</div><div class="p"> 32Nao Johana kamshuhudia keghamba, &#8220;Naona Roho keselela sa iringo kufuma mlunguni, na kukala ighulu yake. 33Imi mwenyi semumanyile kungi, ela uyu anitumile kubatiza kwa meji kanuza, &#8216;Uyu umwonagha Roho kemselelela na kumkalila ighulu, uyu niye ebatizagha kwa Roho wa Kuela!&#8217; 34Nemi naona na kushuhudia kamba uyu ni Mwana wa Mlungu.&#8221;</div><div class="s">Wairimi wa hambiri wa Jesu</div><div class="p"> 35Ilyo ikesho lyake sena, Johana oluo kimusi na wairimi wake waili; 36naye aghenda amwona Jesu keita, kaghora &#8220;Loleni Mwana wa ng'onzi wa Mlungu.&#8221; 37Walye wairimi waili wasikila selyi aghorire, wakamwirima Jesu. 38Jesu kaghaluka na kuwaona wekemwirima, kawauza &#8220;Nini mwahada?&#8221; Nawo wakamuza, &#8220;Rabi&#8221; (kutambula kwake Mwalimu), &#8220;Wanakalagha hiyo?&#8221; 39Naye kawauza, &#8220;Njuuni muone.&#8221; Nao wakaghendanya wakaona andu akalagha; nawo wakasindanya naye msenya ghulya, kwani yeluo sa saa ikumi.</div><div class="p"> 40Mumoju wa walye waili wamusikile Johana keghora na kumwirima, oluo Andrea wakwawe Simoni Petro. 41Naye kamhada Simoni wakwawe, kamuza, &#8220;Tamwona Masihi&#8221; (kutambula kwake Kristo). 42Naye kamghenza kwa Jesu. Jesu kamlola, na kumuza, &#8220;Uwe nuwe Simoni mwana wa Johana uitogho Kefa&#8221; (kutambula kwake Petro ango iwe)</div><div class="s">Jesu kuwapang'a Filipo na Nathanieli</div><div class="p"> 43Nao ilyo ikesho lyake Jesu kaghenda Galilaya. Naye kamwona Filipo na kumuza, &#8220;Niirime!&#8221; 44Naye Filipo oluo mundu wa kufuma Bethsaida, muzi ghwana Andrea na Petro. 45Filipo kamwona Nathanieli, kamuza, &#8220;Tamwona uyu awandiko ni Musa kele chuo cha Sheria na awandiko ni wana tondolo, Jesu wa Nazareti, mwana wa Josefu.&#8221; 46Nathanieli kamuza, &#8220;Yadimika kindu chingi chaloli kufuma Nazareti?&#8221; Filipo kamuza, &#8220;Njuu uone.&#8221; 47Jesu aghenda amwona Nathanieli keja, kaghora hung'u ighulu yake, &#8220;Mzighaneni, Mwisraeli wa fulo, Amweni kwake sikwesi ndimi ingi.&#8221; 48Nathanieli kamkotela, &#8220;Wanimanya ije?&#8221; Jesu kamuza, &#8220;Hambiri Filipo sekupang'ile, ngelo uwo isi ya mtini, Imi nekuonile.&#8221; 49Nathanieli kamtumbulila, &#8220;Mwalimu, Nuwe Mwana wa Mlungu, Nuwe Mzuri wa Israeli!&#8221; 50Jesu kamtumbulila kamuza, &#8220;Wadumusa kwa kukala nakuza, nekuonile isi ya mtini. Ujeona malagho mabwaa kuisa agha.&#8221; 51Naye kawauza, &#8220;Fulo namuza mujeona mlunguni kwafunukuka, na malaika wa Mlungu wekejoka na kuselela kwa Mwana wa Mdamu.&#8221;</div>
 </div>
 </div>
</div>

Hambiri ya kuumbo urumengu, Ghore oluo, na Ghore oluwanyo na Mlungu, na Ghore oluo ni Mlungu mwenyi. Kufuma kudyowa Ghore oluwanyo na Mlungu. Vindu vose vanadeilo kwa iye, na sikweo na iye, kindu chingi sichideilo ichi chideilo. Amweni kwake koluo umana, nagho umana gholuo ni mlangazi ghwa wandu. Mlangazi ghwalangaza kizeni na kiza sichidimagha kughuisa.
Koluo na mundu etumilo kufuma kwa Mlungu, na izina lyake ni Johana. Ojile kughorera wandu ighulu ya mlangazi, eri wandu wose wadumuse kwa iye. Iye seluo mlangazi, ela ojile kwa undu ghwa kughorera wandu gha mlangazi. Mlangazi wa fulo emlangazagha kila mundu, oluo ukujagha urumenguni.
Naye Ghore oluo urumenguni, nagho urumengu ghodeilo kwa iye, ela urumengu sighomumanyile kungi. Ojile kele isanga lyake, nawo wandu wake siwamhokere kungi. Ela wose wamuhokere, wekedumusa kwa izina lyake, kawahawa udimo ghokala wana wa Mlungu. Awa wavelo, si kwa bighati hata si kwa kushaya kwa muli hata kwa kushaya kwa mdamu, ela wavelo kufuma kwa Mlungu.
Naye Ghore kakala mdamu na kukalanya nesi, kejula mbazi na fulo; tikaona ubwaa ghwake, sa ubwaa ghwa Mwana mumojori afumile kwa Aba.
Johana kamushuhudia, keghamba, “Uyu niye nimughorere kamba, ‘Ukujagha nyuma yangu aniisile imi, kwani oluo hambiri yangu.’”
Na kufuma kwa ungi ghwa mbazi yake, itose tapata mbazi kwa mbazi. Kwani Sheria yanajile kufuma kwa Mlungu kwa ngila ya Musa; ela mbazi na fulo ikeja kwa ngila ya Jesu Kristo. Sikwesi mundungi amwonile Mlungu lyingi! Sala Mwana Mwenyi uyu ewo lagaeni kwa Aba, niye amumanyisa.


Nagho ughu nigho ushuhuda ghwa Johana, ilyi Wayahudi wemutumilile wakohani na Walawi kufuma Jerusalemu kumkotela, “Uwe nuwe ani?” Naye kaghora mwazi saleghile, “Imi simi Masihi ungi.” Nawo wakamkotela, “Nuwe ani? Nuwe Elija?” Naye kaghora, “Simi ungi.” Wakamkotela, “Ndamu nuwe tondolo?” Naye katumbulila, “Hata.” Nawo wakamuza, “Nuwe ani? Tighorere eri tiwahawe matumbulilo awa watitumile. Wakughora uwe mwenyi nuwe ani?” Naye kawatumbulila,
“Imi nimi lwaka lwa mundu mumoju ekemagha kireti,
‘Ghororeni ngila kwa undu ghwa Bwana.’
Selyi tondolo Isaya aghorire.”
Nawo awa wandu wetumilo ni Wafarisayo. Nao wakamkotela, “Ndamu kudani ubatizagha, ikakala suwe ungi Masihi, ango Elija, ango tondolo?” Johana kawatumbulila, “Imi nabatiza na meji; ela uwo mumoju kimusi ghati yenyu simomumanyagha. Uyu ekujagha nyuma yangu, hata imi sifweni kufungula mkoa ghwa kilatu chake.” Agha ghose ghanadeikile Bethania, chambuko cha Jordani andu Johana eluo kebatizila.

Ikesho lyake Johana kamwona Jesu kemjila, kaghora, “Loleni Mwana wa ng'onzi wa Mlungu, uyu efunyagha kaung'a za urumengu! Uyu niye neghorire, ‘Ukujagha mundu nyuma yangu aniisile imi, kwani oluo hambiri imi sevelo.’ Imi mwenyi semumanyile anduangi, ela kwa undu ghwake nanajile kubatiza kwa meji, eri amanyikane kwa wandu wa Israeli.”
Nao Johana kamshuhudia keghamba, “Naona Roho keselela sa iringo kufuma mlunguni, na kukala ighulu yake. Imi mwenyi semumanyile kungi, ela uyu anitumile kubatiza kwa meji kanuza, ‘Uyu umwonagha Roho kemselelela na kumkalila ighulu, uyu niye ebatizagha kwa Roho wa Kuela!’ Nemi naona na kushuhudia kamba uyu ni Mwana wa Mlungu.”

Ilyo ikesho lyake sena, Johana oluo kimusi na wairimi wake waili; naye aghenda amwona Jesu keita, kaghora “Loleni Mwana wa ng'onzi wa Mlungu.” Walye wairimi waili wasikila selyi aghorire, wakamwirima Jesu. Jesu kaghaluka na kuwaona wekemwirima, kawauza “Nini mwahada?” Nawo wakamuza, “Rabi” (kutambula kwake Mwalimu), “Wanakalagha hiyo?” Naye kawauza, “Njuuni muone.” Nao wakaghendanya wakaona andu akalagha; nawo wakasindanya naye msenya ghulya, kwani yeluo sa saa ikumi.
Mumoju wa walye waili wamusikile Johana keghora na kumwirima, oluo Andrea wakwawe Simoni Petro. Naye kamhada Simoni wakwawe, kamuza, “Tamwona Masihi” (kutambula kwake Kristo). Naye kamghenza kwa Jesu. Jesu kamlola, na kumuza, “Uwe nuwe Simoni mwana wa Johana uitogho Kefa” (kutambula kwake Petro ango iwe)

Nao ilyo ikesho lyake Jesu kaghenda Galilaya. Naye kamwona Filipo na kumuza, “Niirime!” Naye Filipo oluo mundu wa kufuma Bethsaida, muzi ghwana Andrea na Petro. Filipo kamwona Nathanieli, kamuza, “Tamwona uyu awandiko ni Musa kele chuo cha Sheria na awandiko ni wana tondolo, Jesu wa Nazareti, mwana wa Josefu.” Nathanieli kamuza, “Yadimika kindu chingi chaloli kufuma Nazareti?” Filipo kamuza, “Njuu uone.” Jesu aghenda amwona Nathanieli keja, kaghora hung'u ighulu yake, “Mzighaneni, Mwisraeli wa fulo, Amweni kwake sikwesi ndimi ingi.” Nathanieli kamkotela, “Wanimanya ije?” Jesu kamuza, “Hambiri Filipo sekupang'ile, ngelo uwo isi ya mtini, Imi nekuonile.” Nathanieli kamtumbulila, “Mwalimu, Nuwe Mwana wa Mlungu, Nuwe Mzuri wa Israeli!” Jesu kamtumbulila kamuza, “Wadumusa kwa kukala nakuza, nekuonile isi ya mtini. Ujeona malagho mabwaa kuisa agha.” Naye kawauza, “Fulo namuza mujeona mlunguni kwafunukuka, na malaika wa Mlungu wekejoka na kuselela kwa Mwana wa Mdamu.”

Poslušaj Johana 1