Tawbuid, Eastern by OMF International, Philippines Non-Drama (NT)

Tawbuid, Eastern by OMF International, Philippines Drama (NT)

<div class="version vid3617 iso6393bnj" data-vid="3617" data-iso6393="bnj">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Isus At Fafaskudanan sa sik Tagtanud at yud Matuyan</div><div class="p"> 1Ay Isus nafafaskudanan sat ngay tagadal te, &#8220;E sik mabalan fag taw. Ay e tagtanud at fagmabalanun. Ay e nafoyung sa ka fag mabalan fag taw te, &#8216;Am tagtanud gfangulanan am fagmabalanun.&#8217; 2Ay ka fag mabalan fag taw nagewan ka fag tagtanud. Ay ginto te, &#8216;Go taw ku nadungug sa emu baliwa? Foni angku am rirukan sa ku fagmabalanun baliwa, anway wa masine nu o yay ban ku tagtanud.&#8217; 3Ka fag tagtanud gamatangan te, &#8216;Ku fun gaayanun wa siring angku, ay bunwa ban aw at tagtanud. Tain siring ku fagbulun? Kwa nnanad nu gfagbulun at mason fag ngay fagbulun. Ay kapla kway ngap gfanget. 4E, katatuy way ku fagbulun, laman ku fun nu naayan wa angku, tibak taw gfasakbo tuwa angku sat bale.&#8217; 5Ay ka fag tagtanud gfasadsadian gfakbang sa anya at ke bedan fag ngay taw sat fun. Ay ginto sat taguna te, &#8216;Seyu am bedan sa ku fun?&#8217; 6Ay at ke bedan nabalus te, &#8216;100k baldi langis.&#8217; Ay at tagtanud nafon anya at fagrirukan ay nalong te, &#8216;Na, linggati, kayu tuy am bedan. Alunggungi ay fafalii riruki 50k baldi yakman.&#8217; 7Ay at tagtanud ginto yangay sat sadi te, &#8216;Ay si emu, seyu am bedan sa ku fun?&#8217; Ay kanya nabalus te, &#8216;100k saku fare.&#8217; Ay at tagtanud nalong anya te, &#8216;Na, linggati, kayu tuy am bedan. Riruki 80k saku yakman.&#8217; 8Ay at yud matuyan fag tagtanud at fun nalong te, &#8216;Mamatanganan tuwa ku tagtanud at fagbulun.&#8217; At masuwad te, ste swa daga fag ngay taw at faglinggatun sa way fagayu takalag nu gbalyavtan glabi yay ngap sa sangay taw at kinyamag sas Diyus baliwa.</div><div class="p"> 9&#8220;Ay Isus nalong yangay te, glong aw ayu te, ay fagmabalanun ste swa daga sik famafagwesan yakman ay iba, laman ay fagmabalanun nu namin wan, e fasakbo tuwa ban ayu sa at fagbanwanan at yud e fakatabuwan faggugat. 10Sik taw nu matuyan tuwa sat fagbulun sirut, matuyan yangay anggan sat fagbulun daul. Ay sik taw nu dway matuyan sat fagbulun sirut, wa mandi matuyan anggan sat fagbulun daul. 11Ay nu dway am sik matuyan fag tagtanud ste wa daga fagmabalanun, wa mandi e gafanud ayu sa at urungan fag fagmabalanun. 12Ay nu dway am matuyan sa tibak taw at fagmabalanun, wa mandi e gfon ayu fagmabalanun ay fagnangagbilugun.</div><div class="p"> 13&#8220;Sik fanuguwan wa mafafasfuwan gfaning sas duwak fun. Madyay nu kesug wa sat sadi, sat sadi yaya. Ay nu gfaning wa sat sadi, sat sadi wa mafafaning. Ay katanya wa ngaro fiya. Wam mafafasfuwan mafafaning fag duwa, sas Diyus ay sas fagmabalanun.&#8221;</div><div class="p"> 14Ay taw Parisiyu nu nadungug Isus at nalong fagayu, kanya gfalingun Isus, teway kanya at fakesugun sa ways singku. 15Ay Isus nalong te, &#8220;Dewa am nafoyung sa tibak taw te, &#8216;Matuyan em fagbulun,&#8217; Diyus nasaful wan ay amatanganan. At ngay taw ste swa daga at tiba tungud at fakesugun, kanya sik mafurat way fiya fiya sas Diyus.</div><div class="s">Isus At Foyungan Tiba</div><div class="r">(Mat. 5:31-32; 11:12-13; Mar. 10:11-12; 1 Kur. 7:10-15)</div><div class="p"> 16&#8220;Muisis at longan ay anggan Diyus at ngay taglong ebi at longan e fagmadaragangun anggan Uan Tagfasurung indasug. Ay siginan ginanya gfoyung wan at Masine fag Barita sas Diyus nu gmagurang taw baliwa, anggan katsi. Ay fagayu kaumsig nangaful sanya. 17Tam banwa ay tam daga dewa ban malyam, tam Diyus at longan, nus di sik afud sirut, wa malyam faggugat.</div><div class="p"> 18&#8220;Nus nga sinu at naubun at mangena ay nangadaduwa yay sa tibak ina, kanya kamayun way. Ay nus nga sinu at kumdaduwa sa sik mangena at naubunan at mangama, ay nu at mangama dan gleleg yay, anggan kanya kamayun yangay.&#8221;</div><div class="s">Sik Mabalan fag Taw ay sik Taw at yud e Kwa</div><div class="p"> 19&#8220;Ebi e sik mabalan fag taw gbalukasan masine dawdaw. Ay kayu menit kayu menit ngayu tuwa at fakonun ay mayayum ya. 20Ay sat day sakbawan alad tibak taw gtaban sik yud e kwa fag taw. Ay gafamaga dawdaw fagdaul at bilug. Ay at ngayan, Lasaru. 21Lasaru kaumsig wa kon dewa at nadakdak siginan ka fag mabalan fag taw at fagfangonan. Ay kadugenya ngay idu gdila at ngay famaga. 22Ay bandi ka fag taw at yud e kwa nkate wan. Ay Diyus at ngay tagfabarita nataban wa at falad sas Abrayam akbang. Ay bandi anggan ka fag mabalan fag taw inkate yangay, ay at iba nalibing wa anya. 23Ay ka fag mabalan fag taw indasug wa sa at matean at talun, ay sanya gatakan dawdaw. Ay kanya nabantay, ay nalag Abrayam ngayayu ay anggan Lasaru sit day tigyangan. 24Ay ka fag mabalan fag taw nauro te, &#8216;Ku magurang, Abrayam, afanyui angku! Ay sugui Lasaru laman kanya gfasurung at fungfung sumyu sa sik safa ay fabasai ku dila laman umkatis yay, anway gatakan kwa dawdaw ste sad afuy.&#8217; 25Ay Abrayam gbalus sa ka fag mabalan fag taw te, &#8216;Sama, amatangani gina o gleleg, mabayan tuwa am banwanan. Ay roro Lasaru gatakan wa dawdaw. Ay katsi kanya mabayan tuwa ste, o yangay tagatakan katsi. 26Ay tuy yangay si tam buknga, ami ay o, sik abat daw, laman dewa sik taw kaumsig glo sanya, wa masanya ay laman anggan we mdasug stiye sa emi sanya ginan.&#8217; 27Ay ka fag mabalan fag taw nalong te, &#8216;Ku magurang, nu katanya, matvngvd nu get aw sa emu te, sugui yap Lasaru sa ku mama bale, 28anway lima yak mangama ku fadugsay sanya. Ay Lasaru gina sumanya gfatagak yay, laman ku ngay fadugsay di mdasug stiye at ke faurianan fag talun.&#8217; 29Ay Abrayam nabalus yangay te, &#8216;Sanya wan Muisis at longan ay anggan Diyus at ngay taglong at ngay rirukan. Masine wan nu nafaning tuwa ban sanya.&#8217; 30Ay ka fag mabalan fag taw nalong yangay sas Abrayam te, &#8216;Yaya, wa kaumsig gfaning. Ay nu ndain sik taw ebi at kinkate nu mdasug di sanya, ku ngay fadugsay mubun yay at asalanan.&#8217; 31Ay Abrayam nalong te, &#8216;Kanya nu dway gfaning Muisis at longan, ay anggan sa sangay taglong at ngay rirukan, kanya wa ban gafanud dewa daw sik taw nadog gleleg.&#8217; &#8221;</div>
 </div>
 </div>
</div>

Ay Isus nafafaskudanan sat ngay tagadal te, “E sik mabalan fag taw. Ay e tagtanud at fagmabalanun. Ay e nafoyung sa ka fag mabalan fag taw te, ‘Am tagtanud gfangulanan am fagmabalanun.’ Ay ka fag mabalan fag taw nagewan ka fag tagtanud. Ay ginto te, ‘Go taw ku nadungug sa emu baliwa? Foni angku am rirukan sa ku fagmabalanun baliwa, anway wa masine nu o yay ban ku tagtanud.’ Ka fag tagtanud gamatangan te, ‘Ku fun gaayanun wa siring angku, ay bunwa ban aw at tagtanud. Tain siring ku fagbulun? Kwa nnanad nu gfagbulun at mason fag ngay fagbulun. Ay kapla kway ngap gfanget. E, katatuy way ku fagbulun, laman ku fun nu naayan wa angku, tibak taw gfasakbo tuwa angku sat bale.’ Ay ka fag tagtanud gfasadsadian gfakbang sa anya at ke bedan fag ngay taw sat fun. Ay ginto sat taguna te, ‘Seyu am bedan sa ku fun?’ Ay at ke bedan nabalus te, ‘100k baldi langis.’ Ay at tagtanud nafon anya at fagrirukan ay nalong te, ‘Na, linggati, kayu tuy am bedan. Alunggungi ay fafalii riruki 50k baldi yakman.’ Ay at tagtanud ginto yangay sat sadi te, ‘Ay si emu, seyu am bedan sa ku fun?’ Ay kanya nabalus te, ‘100k saku fare.’ Ay at tagtanud nalong anya te, ‘Na, linggati, kayu tuy am bedan. Riruki 80k saku yakman.’ Ay at yud matuyan fag tagtanud at fun nalong te, ‘Mamatanganan tuwa ku tagtanud at fagbulun.’ At masuwad te, ste swa daga fag ngay taw at faglinggatun sa way fagayu takalag nu gbalyavtan glabi yay ngap sa sangay taw at kinyamag sas Diyus baliwa.
“Ay Isus nalong yangay te, glong aw ayu te, ay fagmabalanun ste swa daga sik famafagwesan yakman ay iba, laman ay fagmabalanun nu namin wan, e fasakbo tuwa ban ayu sa at fagbanwanan at yud e fakatabuwan faggugat. Sik taw nu matuyan tuwa sat fagbulun sirut, matuyan yangay anggan sat fagbulun daul. Ay sik taw nu dway matuyan sat fagbulun sirut, wa mandi matuyan anggan sat fagbulun daul. Ay nu dway am sik matuyan fag tagtanud ste wa daga fagmabalanun, wa mandi e gafanud ayu sa at urungan fag fagmabalanun. Ay nu dway am matuyan sa tibak taw at fagmabalanun, wa mandi e gfon ayu fagmabalanun ay fagnangagbilugun.
“Sik fanuguwan wa mafafasfuwan gfaning sas duwak fun. Madyay nu kesug wa sat sadi, sat sadi yaya. Ay nu gfaning wa sat sadi, sat sadi wa mafafaning. Ay katanya wa ngaro fiya. Wam mafafasfuwan mafafaning fag duwa, sas Diyus ay sas fagmabalanun.”
Ay taw Parisiyu nu nadungug Isus at nalong fagayu, kanya gfalingun Isus, teway kanya at fakesugun sa ways singku. Ay Isus nalong te, “Dewa am nafoyung sa tibak taw te, ‘Matuyan em fagbulun,’ Diyus nasaful wan ay amatanganan. At ngay taw ste swa daga at tiba tungud at fakesugun, kanya sik mafurat way fiya fiya sas Diyus.


“Muisis at longan ay anggan Diyus at ngay taglong ebi at longan e fagmadaragangun anggan Uan Tagfasurung indasug. Ay siginan ginanya gfoyung wan at Masine fag Barita sas Diyus nu gmagurang taw baliwa, anggan katsi. Ay fagayu kaumsig nangaful sanya. Tam banwa ay tam daga dewa ban malyam, tam Diyus at longan, nus di sik afud sirut, wa malyam faggugat.
“Nus nga sinu at naubun at mangena ay nangadaduwa yay sa tibak ina, kanya kamayun way. Ay nus nga sinu at kumdaduwa sa sik mangena at naubunan at mangama, ay nu at mangama dan gleleg yay, anggan kanya kamayun yangay.”

“Ebi e sik mabalan fag taw gbalukasan masine dawdaw. Ay kayu menit kayu menit ngayu tuwa at fakonun ay mayayum ya. Ay sat day sakbawan alad tibak taw gtaban sik yud e kwa fag taw. Ay gafamaga dawdaw fagdaul at bilug. Ay at ngayan, Lasaru. Lasaru kaumsig wa kon dewa at nadakdak siginan ka fag mabalan fag taw at fagfangonan. Ay kadugenya ngay idu gdila at ngay famaga. Ay bandi ka fag taw at yud e kwa nkate wan. Ay Diyus at ngay tagfabarita nataban wa at falad sas Abrayam akbang. Ay bandi anggan ka fag mabalan fag taw inkate yangay, ay at iba nalibing wa anya. Ay ka fag mabalan fag taw indasug wa sa at matean at talun, ay sanya gatakan dawdaw. Ay kanya nabantay, ay nalag Abrayam ngayayu ay anggan Lasaru sit day tigyangan. Ay ka fag mabalan fag taw nauro te, ‘Ku magurang, Abrayam, afanyui angku! Ay sugui Lasaru laman kanya gfasurung at fungfung sumyu sa sik safa ay fabasai ku dila laman umkatis yay, anway gatakan kwa dawdaw ste sad afuy.’ Ay Abrayam gbalus sa ka fag mabalan fag taw te, ‘Sama, amatangani gina o gleleg, mabayan tuwa am banwanan. Ay roro Lasaru gatakan wa dawdaw. Ay katsi kanya mabayan tuwa ste, o yangay tagatakan katsi. Ay tuy yangay si tam buknga, ami ay o, sik abat daw, laman dewa sik taw kaumsig glo sanya, wa masanya ay laman anggan we mdasug stiye sa emi sanya ginan.’ Ay ka fag mabalan fag taw nalong te, ‘Ku magurang, nu katanya, matvngvd nu get aw sa emu te, sugui yap Lasaru sa ku mama bale, anway lima yak mangama ku fadugsay sanya. Ay Lasaru gina sumanya gfatagak yay, laman ku ngay fadugsay di mdasug stiye at ke faurianan fag talun.’ Ay Abrayam nabalus yangay te, ‘Sanya wan Muisis at longan ay anggan Diyus at ngay taglong at ngay rirukan. Masine wan nu nafaning tuwa ban sanya.’ Ay ka fag mabalan fag taw nalong yangay sas Abrayam te, ‘Yaya, wa kaumsig gfaning. Ay nu ndain sik taw ebi at kinkate nu mdasug di sanya, ku ngay fadugsay mubun yay at asalanan.’ Ay Abrayam nalong te, ‘Kanya nu dway gfaning Muisis at longan, ay anggan sa sangay taglong at ngay rirukan, kanya wa ban gafanud dewa daw sik taw nadog gleleg.’ ”

Poslušaj Lukas 16