Tawbuid, Eastern by OMF International, Philippines Non-Drama (NT)

Tawbuid, Eastern by OMF International, Philippines Drama (NT)

<div class="version vid3617 iso6393bnj" data-vid="3617" data-iso6393="bnj">
 <div class="book bkJHN">
 <div class="chapter ch20" data-usfm="JHN.20">
 <div class="label">20</div><div class="s">Isus Gdog yay Gleleg</div><div class="r">(Mat. 28:1-8; Mar. 16:1-8; Lukas 24:1-12)</div><div class="p"> 1Sis Linggu sbalabag dewa te marum yadi, Maria sik taw Magdala nananlag wa sas faglibingan. Ay manlag di mabulan wan at fandingding sakbawan fag batu. 2Ay nu katanya, natarung sas Simun Pedru ay sas Isus at fakesugun fag tagadal ay glong te, &#8220;Tibak taw nabul wan tam Fun at bilug siginans faglibingan. Ay wami nasaful te, dada manga at falinan.&#8221; 3Ay Pedru ay anggan ka fag tagadal nalo laman nanlag sas faglibingan. 4Ay ka fag duwama natarung. Ay roro at sadi amatarung yap Pedru. Ay kanya naguna wa ndasug sas faglibingan. 5Ay kanya naarungan gfatangun sanya sasad basad, ay at nalag sanya at fansifig way fag ngay falefe at masine. Ay kanya wa nasakbo. 6Ay rodi tv, Simun Pedru ndasug yangay. Ay kanya nasakbo tuwa sasad faglibingan. Ay at nalag sanya at ngay fansifig way. 7Ay nalag yangay at fansifig Isus at alfuyu fag falefe sirut, ay di maful si at ngay fansifig at bilug. Malutan tuwa mandi. 8-9Ay anggan aro taguna kindasug fag tagadal, nasakbo tuwa sasad faglibingan ay nalag yangay ka fag ngay fansifig. Dewa ka fag duwama ya nasaful fiya fiya ebi at marirukan sis Diyus at longan te, Isus gdog yay ban gleleg, kanya gafanud wa te, Isus gdog yay gleleg. 10Ay rodi ka fag duwak tagadal noli wa sat bale mandi.</div><div class="s">Isus Insure sas Maria sik Taw Magdala</div><div class="r">(Mar. 16:9-11)</div><div class="p"> 11Ay Maria malindug sis day sakbawan faglibingan ay guyway. Ay dewa guyway, garungan yay glinggat sasad faglibingan. 12Ay Maria nalag duwak tagfabarita, at balukas malagsi. Ay kanya fag duwa nu malunggung si yangay aro ataw Isus at bilug at fagmatungkudan. At sadi sit alfuyu ay at sadi sit darafa baliwa. 13Ay ka fag duwak tagfabarita nainto sas Maria te, &#8220;Sena, taw ro am faguywayun?&#8221; Ay Maria nabalus te, &#8220;Teway tibak taw nabul ku Fun at bilug, ay kwa nasaful te, dada manga at falinan!&#8221; 14Ay gina Maria gelongan, kanya nbiling ay nalag Isus nu malindug sanya. Ay Maria wa natoglag te, kanya Isus wan. 15Ay Isus nainto sas Maria te, &#8220;Sena, taw ro am faguywayun? Sinu am fagsarapun ste?&#8221; Ay Maria gamatangan te, kanya tagtanud way ste fag gamasun. Ay Maria nalong anya te, &#8220;Sama, nu o wan at nabul ku Fun, foyungi yap long angku te, dada wan am falinan, ay nanbul akyay.&#8221; 16Ay Isus nalong te, &#8220;Maria!&#8221; Ay Maria nbiling wa daw ay naelongan sas Isus sis Fangebriyu te, &#8220;Rabuni!&#8221; (Rabuni at masuwad te, Takamoyung.) 17Ay Isus nalong yangay sas Maria te, &#8220;Lag yap gted angku, anway kya batang sa tam Tama. Ay katsi loi wan, nanlagi way sa ku ngay fadugsay. Ay foyungi anya te, suma kwa long sas banwa. Nanlag akyay ku Mama, ay ay Tama, ay ku Diyus, ay ay Diyus.&#8221; 18Ay Maria nananlinggat sas Isus at ngay tagadal ay glong te, &#8220;Nalag akwan tam Fun.&#8221; Ay Maria nafoyung sa tiba Isus at nafoyung anya fagayu.</div><div class="s">Isus Insure Sat ngay Tagadal</div><div class="r">(Mat. 28:16-20; Mar. 16:14-18; Lukas 24:36-49)</div><div class="p"> 19Ay ginanya yay fag menit sis Linggu sfafun, Isus at ngay tagadal maful way sa sik bale. Ay nadingding wan at ngay sakbawan, anway kalimu wayay taw Udyu at ngay tagmagurang. Ay Isus insure wa daw ay malindug sit wa tagadal ay nalong te, &#8220;Manabayani tuwa.&#8221; 20Ay Isus nu nalong wa katanya, nafalag at daluwap ay at tigyangan sat ngay tagadal. Ay at ngay tagadal guseganan dawdaw nu nalag at Fun. 21Ay Isus gdog yay nalong te, &#8220;Manabayani tuwa. Kata tam Tama nu nasugu angku, anggan aw, sumugu akyangay ban ayu.&#8221; 22Ay Isus nu nalong wa katanya, nauyup sat ngay tagadal ay nalong te, &#8220;Katsi si wa ayu Diyus at Masine fag Falad. 23Nu gfalyam tuwam sik taw at asalanan, ka fag taw at asalanan Diyus nafalyam wan. Ay nu dway am gfalyam sik taw at asalanan, ka fag taw at asalanan Diyus wa nafalyam.&#8221;</div><div class="s">Tumas wa Gafanud</div><div class="p"> 24Tumas, at sadi Isus at Nasugu fag Labi Duwa, wa sanya gina Isus insure sa tibak tagadal. Tibak taw nu gngayan Tumas, Kambal. 25Ay tibak tagadal nalong sas Tumas te, &#8220;Nalag wami tam Fun Isus.&#8221; Ay Tumas nabalus te, &#8220;Dakya gafanud kyap ngay mutkut sit fakafakuwan sit daluwap fag duwa ay kyap ngay mutkut ku sumyu sit day tigyangan.&#8221;</div><div class="p"> 26Ay nu nlangfe wa sik buknga linggu, Isus at ngay tagadal gdog yay maful sa ebi at fagmafulan fag bale. Ay anggan Tumas maful yangay sanya. Ay ngay sakbawan madingdingan way, ay Isus insure wa daw ay malindug sit wa tagadal ay nalong te, &#8220;Manabayani tuwa.&#8221; 27Ay Isus nalong sas Tumas te, &#8220;Istei, linggati ku daluwap fag duwa. Ay utkuti am sumyu sa ku daluwap ay sa ku tigyangan. Ay lag gaduwanun. Afanudi tuwa.&#8221; 28Ay Tumas nalong sas Isus te, &#8220;Ku Fun, ku Diyus.&#8221; 29Ay Isus nalong sas Tumas te, &#8220;Go gafanud wo anway nalag wo angku katsi? Sik ngay taw nu gafanud tuwa sa angku dewa gyud nalag, guseganan wan.&#8221;</div><div class="s">Uan at Rirukan Fagdaul e Fanambagun Tuwa</div><div class="p"> 30Ngayu yay Isus at nafagbulun at madulawan ebi gina si at ngay tagadal. Ay wa nariruk ste at tiba at fagbulun. 31Dewa katanya, at tiba long nariruk wa ste at madulawan fag fagbulun, laman gafanud am te, tam Isus, kanya tam Diyus at nafili fag Fun ay at Baguwama. Ay nu gafanud tuwam sas Isus, gleleg tuwam faggugat.</div>
 </div>
 </div>
</div>

Sis Linggu sbalabag dewa te marum yadi, Maria sik taw Magdala nananlag wa sas faglibingan. Ay manlag di mabulan wan at fandingding sakbawan fag batu. Ay nu katanya, natarung sas Simun Pedru ay sas Isus at fakesugun fag tagadal ay glong te, “Tibak taw nabul wan tam Fun at bilug siginans faglibingan. Ay wami nasaful te, dada manga at falinan.” Ay Pedru ay anggan ka fag tagadal nalo laman nanlag sas faglibingan. Ay ka fag duwama natarung. Ay roro at sadi amatarung yap Pedru. Ay kanya naguna wa ndasug sas faglibingan. Ay kanya naarungan gfatangun sanya sasad basad, ay at nalag sanya at fansifig way fag ngay falefe at masine. Ay kanya wa nasakbo. Ay rodi tv, Simun Pedru ndasug yangay. Ay kanya nasakbo tuwa sasad faglibingan. Ay at nalag sanya at ngay fansifig way. Ay nalag yangay at fansifig Isus at alfuyu fag falefe sirut, ay di maful si at ngay fansifig at bilug. Malutan tuwa mandi. Ay anggan aro taguna kindasug fag tagadal, nasakbo tuwa sasad faglibingan ay nalag yangay ka fag ngay fansifig. Dewa ka fag duwama ya nasaful fiya fiya ebi at marirukan sis Diyus at longan te, Isus gdog yay ban gleleg, kanya gafanud wa te, Isus gdog yay gleleg. Ay rodi ka fag duwak tagadal noli wa sat bale mandi.


Ay Maria malindug sis day sakbawan faglibingan ay guyway. Ay dewa guyway, garungan yay glinggat sasad faglibingan. Ay Maria nalag duwak tagfabarita, at balukas malagsi. Ay kanya fag duwa nu malunggung si yangay aro ataw Isus at bilug at fagmatungkudan. At sadi sit alfuyu ay at sadi sit darafa baliwa. Ay ka fag duwak tagfabarita nainto sas Maria te, “Sena, taw ro am faguywayun?” Ay Maria nabalus te, “Teway tibak taw nabul ku Fun at bilug, ay kwa nasaful te, dada manga at falinan!” Ay gina Maria gelongan, kanya nbiling ay nalag Isus nu malindug sanya. Ay Maria wa natoglag te, kanya Isus wan. Ay Isus nainto sas Maria te, “Sena, taw ro am faguywayun? Sinu am fagsarapun ste?” Ay Maria gamatangan te, kanya tagtanud way ste fag gamasun. Ay Maria nalong anya te, “Sama, nu o wan at nabul ku Fun, foyungi yap long angku te, dada wan am falinan, ay nanbul akyay.” Ay Isus nalong te, “Maria!” Ay Maria nbiling wa daw ay naelongan sas Isus sis Fangebriyu te, “Rabuni!” (Rabuni at masuwad te, Takamoyung.) Ay Isus nalong yangay sas Maria te, “Lag yap gted angku, anway kya batang sa tam Tama. Ay katsi loi wan, nanlagi way sa ku ngay fadugsay. Ay foyungi anya te, suma kwa long sas banwa. Nanlag akyay ku Mama, ay ay Tama, ay ku Diyus, ay ay Diyus.” Ay Maria nananlinggat sas Isus at ngay tagadal ay glong te, “Nalag akwan tam Fun.” Ay Maria nafoyung sa tiba Isus at nafoyung anya fagayu.


Ay ginanya yay fag menit sis Linggu sfafun, Isus at ngay tagadal maful way sa sik bale. Ay nadingding wan at ngay sakbawan, anway kalimu wayay taw Udyu at ngay tagmagurang. Ay Isus insure wa daw ay malindug sit wa tagadal ay nalong te, “Manabayani tuwa.” Ay Isus nu nalong wa katanya, nafalag at daluwap ay at tigyangan sat ngay tagadal. Ay at ngay tagadal guseganan dawdaw nu nalag at Fun. Ay Isus gdog yay nalong te, “Manabayani tuwa. Kata tam Tama nu nasugu angku, anggan aw, sumugu akyangay ban ayu.” Ay Isus nu nalong wa katanya, nauyup sat ngay tagadal ay nalong te, “Katsi si wa ayu Diyus at Masine fag Falad. Nu gfalyam tuwam sik taw at asalanan, ka fag taw at asalanan Diyus nafalyam wan. Ay nu dway am gfalyam sik taw at asalanan, ka fag taw at asalanan Diyus wa nafalyam.”

Tumas, at sadi Isus at Nasugu fag Labi Duwa, wa sanya gina Isus insure sa tibak tagadal. Tibak taw nu gngayan Tumas, Kambal. Ay tibak tagadal nalong sas Tumas te, “Nalag wami tam Fun Isus.” Ay Tumas nabalus te, “Dakya gafanud kyap ngay mutkut sit fakafakuwan sit daluwap fag duwa ay kyap ngay mutkut ku sumyu sit day tigyangan.”
Ay nu nlangfe wa sik buknga linggu, Isus at ngay tagadal gdog yay maful sa ebi at fagmafulan fag bale. Ay anggan Tumas maful yangay sanya. Ay ngay sakbawan madingdingan way, ay Isus insure wa daw ay malindug sit wa tagadal ay nalong te, “Manabayani tuwa.” Ay Isus nalong sas Tumas te, “Istei, linggati ku daluwap fag duwa. Ay utkuti am sumyu sa ku daluwap ay sa ku tigyangan. Ay lag gaduwanun. Afanudi tuwa.” Ay Tumas nalong sas Isus te, “Ku Fun, ku Diyus.” Ay Isus nalong sas Tumas te, “Go gafanud wo anway nalag wo angku katsi? Sik ngay taw nu gafanud tuwa sa angku dewa gyud nalag, guseganan wan.”

Ngayu yay Isus at nafagbulun at madulawan ebi gina si at ngay tagadal. Ay wa nariruk ste at tiba at fagbulun. Dewa katanya, at tiba long nariruk wa ste at madulawan fag fagbulun, laman gafanud am te, tam Isus, kanya tam Diyus at nafili fag Fun ay at Baguwama. Ay nu gafanud tuwam sas Isus, gleleg tuwam faggugat.

Poslušaj Uan 20