If you have would like a copy of this version please contact info@davarpartners.com

Nsenga New Testament 1923 © Bible Society of Zambia (Text), Nsenga New Testament 1923 ℗ 2018, Davar Partners International (Audio)

Mapangano Alomba 1923

<div class="version vid3614 iso6393nse" data-vid="3614" data-iso6393="nse">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="p">PA sabata &#373;epumula mwa tetulo. 1Sembe pa siku lotatika la pa wiki mmatemwakucha echiza ku msitu, kuvileta vyonunkila vyechiwamya. 2Echifwanga chimwala chakunkuzyiwa chifutavuli pa chikwe. 3Na&#373;o elo&#373;amo, ntefwanga chitanda cha Asikuru Yesu. 4Lomba yenzepo penzokanganya pa ichi, &#373;onani, analume a&#373;iri epanama pa&#373;o na minjira yeziyezi: 5na&#373;o penzoyopa nokonkomala vinso vya&#373;o enena na&#373;o, Ni chinji pamusaka wamoyo muli akufwa? 6Sali pano, lomba wazyuka: kumbukani mwechimnenelani peenze soti mGalilaya 7kuti Mwana wa muntu sati alekosuzuliwa mmanja a anyalu&#373;ifya, nopachikiwa nozyuka soti siku la mazo. 8Nipo ekumbuka malizu &#373;ake, 9ewera ku msitu, echiyouzya ivi vyonse kuli &#373;ala kumi na umo na ku &#373;onse esalapo. 10Lomba enze Mariya Magadalene, na Yowana, na Mariya anyina a Yakobo: na&#373;o anakazi aya&#373;o pamo na&#373;o e&#373;auzya apostolo ivi. 11Na&#373;o malizu a&#373;a e&#373;oneka mmenso &#373;a&#373;o nga ni viwewe; nte&#373;azomera. 12Sembe Petro eima noutukira ku chikwe; e&#373;erama nosonjolamo no&#373;a&#373;ona manyula pa &#373;eka; naye echiya kwa&#373;o kozizwa pa icho chapona.</div><div class="p"> 13Lomba &#373;onani, a&#373;iri a &#373;ala enzekuya zu&#373;a lamene lila ku munzi zina lake Emmau, wotalikana na Yerusalemi mastadiya makumi asano na limo. 14Enzopinga zya ivi vyonse vyachitika. 15Nipo yenzepo penzopinga nokonshana Yesu mwine epanamila echiya na&#373;o pamo. 16Lomba menso &#373;a&#373;o efipilwa angamzi&#373;e. 17E&#373;anenera, Malizu a&#373;a ni &#373;osyani amulondezyana poyenda? Na&#373;o &#373;epanama noswema. 18Umo wa a&#373;o zina lake Kleopa eyasuka enena naye, Kansi mweo mweka munkala pa Yerusalemi &#373;osamvwa ivyo vuchitika nsiku zino? 19Enena na&#373;o, Vintu vyanji? Enena naye, Vya Yesu wa ku Nazarete, enze mu&#373;irizi wokosa mmachitilo na mmalizu pa menso pa Mlungu na pa &#373;antu &#373;onse: 20vyakuti akuru a ansembe na akuruakuru &#373;asu empeleka kusuzuliwa ku imfwa nompachika pa msalaba. 21Sembe seo tenzogomezya kuti ni ula ati anunule Israeli. Inde, na mpuzyo zya ivi vyonse lero ni mazo chitatikile pevichitika ivi. 22Soti anakazi &#373;ambi a mchikunka chasu atikanganisya pacherera mmatemwakucha ku msitu; 23na&#373;o paliyofwana chitanda chake &#373;aza kuti &#373;a&#373;ona soti malaika mmensompenya, amene ati ali moyo yeve. 24Nipo &#373;ambi a a&#373;o &#373;enze nase pamo &#373;aya ku msitu nofwanga nga ni umo mwanenera anakazi: lomba aliyomu&#373;ona yeve. 25Enena na&#373;o, Mwe &#373;opusa nosinilila mitima pamsamvwila vyonse vyechinena a&#373;irizi! 26Kansi ntekwiwamila Kristo kutamana na ivi nolo&#373;a mu mchinzi wake? 27Naye eyambika pa Musa na pa a&#373;irizi &#373;onse no&#373;alululila mmalembo &#373;onse vintu vya mwine yeka. 28Na&#373;o epanamila ku munzi kwenzekuya, naye echita ngopitilila. 29&#372;eve emuyumilila kuti, Nkalani nase: pakuti ni chingulo, zu&#373;a laya. Naye elo&#373;a kunkala na&#373;o. 30Lomba yenzepo akankale pamo na&#373;o &#373;alye euula mtanda noushukisya nosuna no&#373;apako. 31Nipo menso &#373;a&#373;o &#373;ezuliwa, emzi&#373;a; naye enyeremuka pali &#373;eve. 32Na&#373;o &#373;euzyana, Kansi mitima yasu siyenzovukuma mkati mwasu penzola&#373;ira nase mnjira, penzotizulila malembo &#373;ala? 33Pamene apo eima kansita kamene kala, ewerera ku Yerusalemi no&#373;afwanga kumi na umo &#373;ala &#373;olongana, na a&#373;o &#373;enze na&#373;o pamo, 34akuti, Asikuru wazyuka chendi, wamu&#373;onekera Simoni. 35Na&#373;o ekundulula vya mnjira, na umo mwazi&#373;ikwira kwa&#373;o mkusuna mtanda.</div><div class="p"> 36Lomba penzola&#373;ira ivi yeve mwine epanama pakati pa&#373;o no&#373;anenera, Mtendere kwanu. 37Lomba &#373;eyopa ngako na kufwa tutu, elinga kuti e&#373;ona mzimu. 38Enena na&#373;o, Muzingwiranji? zyaukiranji ntota mmitima yanu? 39&#372;onani manja &#373;angu na mendo &#373;angu, akuti ni neo namwine; nikumyeni mu&#373;one; pakuti mzimu suna nkanda na vifupa vimu&#373;ona vinili navyo. 40Naye akanene teti e&#373;alangizya manja &#373;ake na mendo &#373;ake. 41Apo penzevomvwila na lomba chikomo chosangalala nozizwa echiti kwa&#373;o, Muli nako pano kantu kakulya? 42Na&#373;o empa chimpindi cha sa&#373;i loyocha. 43Naye echiula, echilya pa menso pa&#373;o.</div><div class="p"> 44Lomba enena na&#373;o, A&#373;a ni malizu &#373;angu enila&#373;ira namwe penenze namwe, akuti vyonse vize vyosilizika vilembewa mdango la Musa na mwa a&#373;irizi na mmasalmo vya neo. 45Pamene apo e&#373;azulila mitima kuti a&#373;azi&#373;e malembo; 46e&#373;auzya, Kwilembewa teti, kuti Kristo azatamanishiwe nozyuka soti kwa akufwa siku la mazo; 47na kuti kuyaruka mtima nolekelewa kwa viipa kuka&#373;irizyiwe mzina lake ku mitundu yonse, kutatikira pa Yerusalemi. 48Mwe nimwe ntoni zya ivi. 49&#372;onani, nichipezye chipango cha &#372;ata pali mweo: lomba lindani pa mzinda apa, tangamvwalikiwe mpamvu zyofuma kumulu.</div><div class="p"> 50Naye e&#373;atangulila efuma na&#373;o pamo mpaka pafupi na Betaniya: nipo etambulula manja no&#373;ashukisya. 51Lomba yenzepo penzo&#373;ashukisya elekana na&#373;o nouliwa kuya kumulu. 52Na&#373;o emlambila nowererako ku Yerusalemi notemwa kukuru: 53enze kankalilo mchipupilo kumlumba Mlungu.</div>
 </div>
 </div>
</div>

PA sabata ŵepumula mwa tetulo. Sembe pa siku lotatika la pa wiki mmatemwakucha echiza ku msitu, kuvileta vyonunkila vyechiwamya. Echifwanga chimwala chakunkuzyiwa chifutavuli pa chikwe. Naŵo eloŵamo, ntefwanga chitanda cha Asikuru Yesu. Lomba yenzepo penzokanganya pa ichi, ŵonani, analume aŵiri epanama paŵo na minjira yeziyezi: naŵo penzoyopa nokonkomala vinso vyaŵo enena naŵo, Ni chinji pamusaka wamoyo muli akufwa? Sali pano, lomba wazyuka: kumbukani mwechimnenelani peenze soti mGalilaya kuti Mwana wa muntu sati alekosuzuliwa mmanja a anyaluŵifya, nopachikiwa nozyuka soti siku la mazo. Nipo ekumbuka malizu ŵake, ewera ku msitu, echiyouzya ivi vyonse kuli ŵala kumi na umo na ku ŵonse esalapo. Lomba enze Mariya Magadalene, na Yowana, na Mariya anyina a Yakobo: naŵo anakazi ayaŵo pamo naŵo eŵauzya apostolo ivi. Naŵo malizu aŵa eŵoneka mmenso ŵaŵo nga ni viwewe; nteŵazomera. Sembe Petro eima noutukira ku chikwe; eŵerama nosonjolamo noŵaŵona manyula pa ŵeka; naye echiya kwaŵo kozizwa pa icho chapona.
Lomba ŵonani, aŵiri a ŵala enzekuya zuŵa lamene lila ku munzi zina lake Emmau, wotalikana na Yerusalemi mastadiya makumi asano na limo. Enzopinga zya ivi vyonse vyachitika. Nipo yenzepo penzopinga nokonshana Yesu mwine epanamila echiya naŵo pamo. Lomba menso ŵaŵo efipilwa angamziŵe. Eŵanenera, Malizu aŵa ni ŵosyani amulondezyana poyenda? Naŵo ŵepanama noswema. Umo wa aŵo zina lake Kleopa eyasuka enena naye, Kansi mweo mweka munkala pa Yerusalemi ŵosamvwa ivyo vuchitika nsiku zino? Enena naŵo, Vintu vyanji? Enena naye, Vya Yesu wa ku Nazarete, enze muŵirizi wokosa mmachitilo na mmalizu pa menso pa Mlungu na pa ŵantu ŵonse: vyakuti akuru a ansembe na akuruakuru ŵasu empeleka kusuzuliwa ku imfwa nompachika pa msalaba. Sembe seo tenzogomezya kuti ni ula ati anunule Israeli. Inde, na mpuzyo zya ivi vyonse lero ni mazo chitatikile pevichitika ivi. Soti anakazi ŵambi a mchikunka chasu atikanganisya pacherera mmatemwakucha ku msitu; naŵo paliyofwana chitanda chake ŵaza kuti ŵaŵona soti malaika mmensompenya, amene ati ali moyo yeve. Nipo ŵambi a aŵo ŵenze nase pamo ŵaya ku msitu nofwanga nga ni umo mwanenera anakazi: lomba aliyomuŵona yeve. Enena naŵo, Mwe ŵopusa nosinilila mitima pamsamvwila vyonse vyechinena aŵirizi! Kansi ntekwiwamila Kristo kutamana na ivi noloŵa mu mchinzi wake? Naye eyambika pa Musa na pa aŵirizi ŵonse noŵalululila mmalembo ŵonse vintu vya mwine yeka. Naŵo epanamila ku munzi kwenzekuya, naye echita ngopitilila. Ŵeve emuyumilila kuti, Nkalani nase: pakuti ni chingulo, zuŵa laya. Naye eloŵa kunkala naŵo. Lomba yenzepo akankale pamo naŵo ŵalye euula mtanda noushukisya nosuna noŵapako. Nipo menso ŵaŵo ŵezuliwa, emziŵa; naye enyeremuka pali ŵeve. Naŵo ŵeuzyana, Kansi mitima yasu siyenzovukuma mkati mwasu penzolaŵira nase mnjira, penzotizulila malembo ŵala? Pamene apo eima kansita kamene kala, ewerera ku Yerusalemi noŵafwanga kumi na umo ŵala ŵolongana, na aŵo ŵenze naŵo pamo, akuti, Asikuru wazyuka chendi, wamuŵonekera Simoni. Naŵo ekundulula vya mnjira, na umo mwaziŵikwira kwaŵo mkusuna mtanda.
Lomba penzolaŵira ivi yeve mwine epanama pakati paŵo noŵanenera, Mtendere kwanu. Lomba ŵeyopa ngako na kufwa tutu, elinga kuti eŵona mzimu. Enena naŵo, Muzingwiranji? zyaukiranji ntota mmitima yanu? Ŵonani manja ŵangu na mendo ŵangu, akuti ni neo namwine; nikumyeni muŵone; pakuti mzimu suna nkanda na vifupa vimuŵona vinili navyo. Naye akanene teti eŵalangizya manja ŵake na mendo ŵake. Apo penzevomvwila na lomba chikomo chosangalala nozizwa echiti kwaŵo, Muli nako pano kantu kakulya? Naŵo empa chimpindi cha saŵi loyocha. Naye echiula, echilya pa menso paŵo.
Lomba enena naŵo, Aŵa ni malizu ŵangu enilaŵira namwe penenze namwe, akuti vyonse vize vyosilizika vilembewa mdango la Musa na mwa aŵirizi na mmasalmo vya neo. Pamene apo eŵazulila mitima kuti aŵaziŵe malembo; eŵauzya, Kwilembewa teti, kuti Kristo azatamanishiwe nozyuka soti kwa akufwa siku la mazo; na kuti kuyaruka mtima nolekelewa kwa viipa kukaŵirizyiwe mzina lake ku mitundu yonse, kutatikira pa Yerusalemi. Mwe nimwe ntoni zya ivi. Ŵonani, nichipezye chipango cha Ŵata pali mweo: lomba lindani pa mzinda apa, tangamvwalikiwe mpamvu zyofuma kumulu.
Naye eŵatangulila efuma naŵo pamo mpaka pafupi na Betaniya: nipo etambulula manja noŵashukisya. Lomba yenzepo penzoŵashukisya elekana naŵo nouliwa kuya kumulu. Naŵo emlambila nowererako ku Yerusalemi notemwa kukuru: enze kankalilo mchipupilo kumlumba Mlungu.

Listen to Luka 24