The New Testament in the Gumawana language of Papua New Guinea

Buk Baibel long tokples Gumawana long Niugini

<div class="version vid3576 iso6393gvs" data-vid="3576" data-iso6393="gvs">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Yeisu ina kaba kinana aitonina: Koroto topem Sabati goi ikideedevine tetelina</div><div class="p"> 1Moe dogoiyadi sikavava, kai taiyao katuko kana Yerusalema goi. 2Bwae nikuunikuna tayamo Yerusalema goi ikaaiyaka. Moe tayamo aba siu yoina Idi Kaba Siu kikina. Bwaeyana Diyuu niyadi goi siduduwe Betesata. Kikina goi vada geya adi vabodamo ainima sitaoyakobu. 3-4Vadayadi goi togoyogoyo badabadaidi, nakae tokebo, topego be topem, sikaaiyaka.#5:3-4 Buki Kimaasabaina bogo kopi maniyedi goi tomwana 3 ana kaba lukavava be tomwana 4 geya sikaiyaketa. Nakona ame tomwanayadi Iyoni geya iginidita, go sem tokaid&#225;mana toinina ina nuwon&#250;wana igini. Tomwanayadi ame nakae: (3b) Siituy&#225;wata bego bwaeyana ikaubob&#243;bwala. (4) Moitamo. Yauwe ina anerose tuta tuta isou ima bwaeyana ikimoemoe. E ikimoemoe ikavava, avatau neta igimisou bwaeyana goi, neta ava kat&#243;wana, e tauyana bei iboboina. 5E tayamo koroto amoko goi ikaaiyaka, bogina tala teti eita (38) goi mana v&#237;siya ikaaiyaka.</div><div class="p"> 6Yeisu ima korotoyana igite iitusobu, iyagoi bego tuta maanawena mana v&#237;siya. Tuwo korotoyana ilatuwoko kana,</div><div class="pm">&#8216;Manakae? Latuwom kudedevina?&#8217;</div><div class="pm"> 7&#8216;U, Tomoya, latuwogu go, tutayana bwae ikaubob&#243;bwala, geya tayaamo guna tovaita ikaaiyaka itoboine ikavalegu bwaeyana goi ikaisobuyegu. Tuwo toinigu apoikiki ama go, tuta tuta tomota tayamo ivakumgo isou bwaeyana goi, e yau geya&#8217;, tokatowanayana kaena.</div><div class="m"> 8Yeisu kana,</div><div class="pm">&#8216;Kut&#257;oya, im baseko kw&#257;bi go, kuket&#333;iya!&#8217;</div><div class="m"> 9Tuwo moitamo mainao idedevina, e ina basekoyana ikabi iketoiya. Ego ame maliyalinayana moe . 10E kidi Diyuu adi tovakumgoyao sigite korotoyana idedevina ina baseko iikavale, tuwo silatuwoko kadi,</div><div class="pm">&#8216;Iyaa! Kita geya ada tagonamo bei Sabati goi tapaaisewa, tauna kom geya am tagonamo im baseko kuukavale.&#8217;#Nie 13:19; Yer 17:21.</div><div class="pm"> 11&#8216;Tauyana guna tokidedevina ilatuwokoigu kana,</div><div class="pi2">&#8220;Im baseko kw&#257;bi kuket&#333;iya&#8221;&#8217;, korotoyana kaena.</div><div class="m"> 12Tovakumgoyadi silumadade sidigo kadi,</div><div class="pm">&#8216;Ava koroto ilatuwokoim im baseko kwabi kuketoiya?&#8217;</div><div class="p"> 13E kina go korotoyana bogina idedevina geya iyagoiyeta ana tokidedevina yoina manakoyoina. Boda gagaina sikaaiyaka, e bodayadi sinaedi goi Yeisu bogina ivasulaigi.</div><div class="s1">Yeisu ina katumapu Diyuu idi vakaleya yaina</div><div class="p"> 14Moe dogoiyadi sikavava, Yeisu Vada Kimaasabaina goi isiu korotoyana ibabane, tuwo idigo kana,</div><div class="pm">&#8216;Kunov&#275;gu! Kom bogina kudedevina. Ago taabu goyo tuwaina kuguuin&#363;we, govila bei dogoi goyogoyoina toina isow&#243;duwo yaim.&#8217;</div><div class="m"> 15Tuwo korotoyana ina Diyuu adi tovakumgoyao yaidi italavaita idigo kana,</div><div class="pm">&#8216;Guna tokidedevina yoina Yeisu.&#8217;</div><div class="p"> 16Kidi Diyuu adi tovakumgoyao sivatowo Yeisu sivakaleye ame pasina: Ina guinuwa Sabati goi iguuinuwedi. 17E iya go Yeisu ilatuwokoidi idigo kana,</div><div class="pm">&#8216;Yau Tamagu boi nimatu go, ima ame tuta nava ipaaisewa, tauna yau nakae apaaisewa.&#8217;</div><div class="p"> 18E tauna kidi Diyuu adi tovakumgoyao sipoikiki makimaki bego Yeisu sikaumate ame pasina: Yeisu Sabati ana lovina ikapipilave. Go apipilova kaka geya, go sem idigodigo bego Yaubada moe toinina Tamana. Moe nakae Yaubada taiyao sivavasa. 19E iya Yeisu ilatuwokoidi idigo kana,</div><div class="pm">&#8216;Moitamo apaaisewa go, ame alatuuwokoimi kon&#333;ve: Geya tayaamo kaga Yaubada Natuna itoboine toinina ina lovina goi iguinuwe, go sem kaga neta igite Tamana iguuinuwe Natunayana nakae iguuinuwe. Ame moitamo. Kaga neta Tamanayana iguuinuwedi, guinuwayadi Natuna nakae iguuinuwedi. 20Guna nuwon&#250;wana ataligei. Iya go Tamanayana ina guinuwa liliudi Natuna bogina ivatuluko unana imatakoiye. Ago amo guinuwayadi giyaidi. Go nava bei guinuwa gagaidi Natuna ivatuluko iguinuwedi bego komi kogitedi kokainaopa. 21Kogita. Nakonakae Tamana tok&#225;masa ikaitaoedi o tadigo kada, &#8220;Yawoidi ivinidi&#8221;, e Natuna nakae iguinuwe. Avatauwa neta Natuna ikinavedi, e yawoidi vau ivinidi. 22Ame moitamo. Tamana geya vatau tayaamo itakino, go sem tak&#237;nona ana paisewa madabokina bogina Natuna nimana goi iyato 23bego tomota liliudi siwowoine nakae Tamana bogina siwowoine. Avatauwa neta Natuna geya siwowoineyeta, e nakae ina Toetuna, moe Tamana, geya siwowoineyeta. 24Tak&#237;nona ana paisewa ivini go, ame alatuuwokoimi kon&#333;ve: Avatauwa neta guna livala sinovedi be guna Toetuna sinumise, e yawoidi vata sibabane. Tuwo tak&#237;nona goi geya sisiuta, go sem &#225;masa bogina sikalave go, sisaid&#225;mana yawana vata goi. 25Guna b&#243;bwara moitamo, tauna ame alatuuwokoimi kon&#333;ve: Tuta tayamo imamaima o tadigo kada, &#8220;Bogina ima&#8221; bei tomota neta balomaidi kaamasidi, e Yaubada Natuna niyana bei sinove go, neta sikabikaone, yawoidi vau bei sibabane. 26Ame nakae: Tamana moe yawana vau ana tokaiguyau go, Natuna nakae bogina ivayoko bego Tauyana yawana vau ana tokaiguyau. 27Natunayana moe , tauna Tamana lovina ivini bei tomota itakinoidi. 28Ame manuna taabu kokaain&#257;opa unana tuta tayamo imamaima goi tok&#225;masa liliudi bei Tauyana niyana sinove, 29adi goi bei sisow&#243;duwo. Tauyadi guinuwa dedevina ana toguinuwa sitaoyamna bei yawoidi vata sibabane go, goyo adi toguinuwayao sitaoyamna bei adi tak&#237;nona sibabane. Tauna taabu kokaain&#257;opa.#Dan 12:2.</div><div class="pm"> 30Yau geya tayaamo kaga toinigu guna nuwon&#250;wana goi itoboinegu aguinuwe. Takinona nakae. Nakonakae Yaubada ilatuwokoigu, nakae atak&#237;nona. Geya latuwogu toinigu guna nuwon&#250;wana aguinuwe, go sem latuwogu guna Toetuna ina nuwon&#250;wana aguuinuwe. Tauna yau guna takinonayana moe kivaavasaina.</div><div class="pm"> 31Neta yau toinigu atalavaitegu, guna talavaitayana moe geya moitamo geya. 32Ituli ta totalavaita ikaaiyaka italavaitegu. Ayagoi bego Tauyana ina talavaitayana yau manugu, moe mooitamoina. 33Komi boi imi tomota koetunedi sina moe yau italavaaitegu.#Iyo 1:19-27; 3:27-30. 34E tomota idi talavaita geya auyaonedita, go sem komi kouyaonedi, tauna Iyoni ina livala manugu alatuuwokoimi bego komi konumise bei ami yava kobabane. 35Amo tauyana rampa nakae inin&#237;nima. E komi go ina mavadayana goi latuwomi tuta kaakupina koouy&#225;wana. 36Go yau manugu tayamo talavaita ikaaiyaka; talavaitayana itogaga namlieta Iyoni ina talavaita. Moitamo. Talavaitayana moe guinuwa Tamagu iivinigu aguinuwedi, e guinuwayadi moitamo aguuinuwedi. Ame guinuwayadi sitalavaitegu bego Tamada ietunegu ama.</div><div class="pm"> 37Ago Tamagu guna Toetuna, Tauyana toinina bogina italavaitegu go, niyana geya konovenove nakae maisina geya kogitegite.#Mad 3:17; Mak 1:11; Luk 3:22. 38Tauyana ietunegu go, komi geya konumiseguta, tauna ina livala yaimi goi geya ikaiyaketa geya. 39Komi kokatuyaividokoidi#5:39 Kokatuyaividokoidi: Da Giriki niyadi goi livala ame geya imavadeta. Itoboineda takaigavile kada, &#8216;Kokatuyaividok&#333;idi.&#8217; Moe lovina ivinidi. Aiyuwoina itoboineda kada, &#8216;Kokatuyaividokoidi.&#8217; Ame ilatuwokoidi idi sinapu bogina siguinuwe manuna. unana konuwon&#250;wana Gininayadi goi bei koyagoi manakaemi yawoimi vata kobabane. Go amo Gininayadi sitalavaaitegu! 40Go kokatae koma yaigu bego yawoimi vata kobabane.&#8217;</div><div class="m"> 41Tuwaina kana,</div><div class="pm">&#8216;Yau Yaubada amataakoiye, tauna tomota idi taim&#225;mina moe geya auyaonedita, 42go sem bogina ayagoimi bego latuwomi tomota idi taim&#225;mina unana Yaubada ana yaimi goi geya ikaiyaketa. 43Yau Tamagu yoina goi ama go, geya kouyaoneguta. Neta tomota tayamo toinina yoina goi ima, tauyana kouyaone! 44Neta toinimi ami taim&#225;mina koyale go, Yaubada kaakesaina ina taim&#225;mina geya kotokumeyeta, e bei manakaemi itoboinemi konumisegu? Geya! 45Taabu konuuwon&#363;wana bego Tamagu yaina goi yau bei awowokoimi. Komi ami towow&#243;kana tayamo ikaaiyaka. Towowokanayana moe Mosese go, komi kolootutae bego ivaitemi. 46Moitamo. Neta Mosese konumise, bei konumisegu. Bogina koyagoi. Moe yau manugu ina bukiyadi goi iginidi! 47E neta Mosese ina livalayadi geya konumisedita, manakaemi bei guna livala konumisedi?&#8217;</div>
 </div>
 </div>
</div>

Moe dogoiyadi sikavava, kai taiyao katuko kana Yerusalema goi. Bwae nikuunikuna tayamo Yerusalema goi ikaaiyaka. Moe tayamo aba siu yoina Idi Kaba Siu kikina. Bwaeyana Diyuu niyadi goi siduduwe Betesata. Kikina goi vada geya adi vabodamo ainima sitaoyakobu. Vadayadi goi togoyogoyo badabadaidi, nakae tokebo, topego be topem, sikaaiyaka. E tayamo koroto amoko goi ikaaiyaka, bogina tala teti eita (38) goi mana vísiya ikaaiyaka.
Yeisu ima korotoyana igite iitusobu, iyagoi bego tuta maanawena mana vísiya. Tuwo korotoyana ilatuwoko kana,
‘Manakae? Latuwom kudedevina?’
‘U, Tomoya, latuwogu go, tutayana bwae ikaubobóbwala, geya tayaamo guna tovaita ikaaiyaka itoboine ikavalegu bwaeyana goi ikaisobuyegu. Tuwo toinigu apoikiki ama go, tuta tuta tomota tayamo ivakumgo isou bwaeyana goi, e yau geya’, tokatowanayana kaena.
Yeisu kana,
‘Kutāoya, im baseko kwābi go, kuketōiya!’
Tuwo moitamo mainao idedevina, e ina basekoyana ikabi iketoiya. Ego ame maliyalinayana moe . E kidi Diyuu adi tovakumgoyao sigite korotoyana idedevina ina baseko iikavale, tuwo silatuwoko kadi,
‘Iyaa! Kita geya ada tagonamo bei Sabati goi tapaaisewa, tauna kom geya am tagonamo im baseko kuukavale.’
‘Tauyana guna tokidedevina ilatuwokoigu kana,
“Im baseko kwābi kuketōiya”’, korotoyana kaena.
Tovakumgoyadi silumadade sidigo kadi,
‘Ava koroto ilatuwokoim im baseko kwabi kuketoiya?’
E kina go korotoyana bogina idedevina geya iyagoiyeta ana tokidedevina yoina manakoyoina. Boda gagaina sikaaiyaka, e bodayadi sinaedi goi Yeisu bogina ivasulaigi.

Moe dogoiyadi sikavava, Yeisu Vada Kimaasabaina goi isiu korotoyana ibabane, tuwo idigo kana,
‘Kunovēgu! Kom bogina kudedevina. Ago taabu goyo tuwaina kuguuinūwe, govila bei dogoi goyogoyoina toina isowóduwo yaim.’
Tuwo korotoyana ina Diyuu adi tovakumgoyao yaidi italavaita idigo kana,
‘Guna tokidedevina yoina Yeisu.’
Kidi Diyuu adi tovakumgoyao sivatowo Yeisu sivakaleye ame pasina: Ina guinuwa Sabati goi iguuinuwedi. E iya go Yeisu ilatuwokoidi idigo kana,
‘Yau Tamagu boi nimatu go, ima ame tuta nava ipaaisewa, tauna yau nakae apaaisewa.’
E tauna kidi Diyuu adi tovakumgoyao sipoikiki makimaki bego Yeisu sikaumate ame pasina: Yeisu Sabati ana lovina ikapipilave. Go apipilova kaka geya, go sem idigodigo bego Yaubada moe toinina Tamana. Moe nakae Yaubada taiyao sivavasa. E iya Yeisu ilatuwokoidi idigo kana,
‘Moitamo apaaisewa go, ame alatuuwokoimi konōve: Geya tayaamo kaga Yaubada Natuna itoboine toinina ina lovina goi iguinuwe, go sem kaga neta igite Tamana iguuinuwe Natunayana nakae iguuinuwe. Ame moitamo. Kaga neta Tamanayana iguuinuwedi, guinuwayadi Natuna nakae iguuinuwedi. Guna nuwonúwana ataligei. Iya go Tamanayana ina guinuwa liliudi Natuna bogina ivatuluko unana imatakoiye. Ago amo guinuwayadi giyaidi. Go nava bei guinuwa gagaidi Natuna ivatuluko iguinuwedi bego komi kogitedi kokainaopa. Kogita. Nakonakae Tamana tokámasa ikaitaoedi o tadigo kada, “Yawoidi ivinidi”, e Natuna nakae iguinuwe. Avatauwa neta Natuna ikinavedi, e yawoidi vau ivinidi. Ame moitamo. Tamana geya vatau tayaamo itakino, go sem takínona ana paisewa madabokina bogina Natuna nimana goi iyato bego tomota liliudi siwowoine nakae Tamana bogina siwowoine. Avatauwa neta Natuna geya siwowoineyeta, e nakae ina Toetuna, moe Tamana, geya siwowoineyeta. Takínona ana paisewa ivini go, ame alatuuwokoimi konōve: Avatauwa neta guna livala sinovedi be guna Toetuna sinumise, e yawoidi vata sibabane. Tuwo takínona goi geya sisiuta, go sem ámasa bogina sikalave go, sisaidámana yawana vata goi. Guna bóbwara moitamo, tauna ame alatuuwokoimi konōve: Tuta tayamo imamaima o tadigo kada, “Bogina ima” bei tomota neta balomaidi kaamasidi, e Yaubada Natuna niyana bei sinove go, neta sikabikaone, yawoidi vau bei sibabane. Ame nakae: Tamana moe yawana vau ana tokaiguyau go, Natuna nakae bogina ivayoko bego Tauyana yawana vau ana tokaiguyau. Natunayana moe , tauna Tamana lovina ivini bei tomota itakinoidi. Ame manuna taabu kokaaināopa unana tuta tayamo imamaima goi tokámasa liliudi bei Tauyana niyana sinove, adi goi bei sisowóduwo. Tauyadi guinuwa dedevina ana toguinuwa sitaoyamna bei yawoidi vata sibabane go, goyo adi toguinuwayao sitaoyamna bei adi takínona sibabane. Tauna taabu kokaaināopa.
Yau geya tayaamo kaga toinigu guna nuwonúwana goi itoboinegu aguinuwe. Takinona nakae. Nakonakae Yaubada ilatuwokoigu, nakae atakínona. Geya latuwogu toinigu guna nuwonúwana aguinuwe, go sem latuwogu guna Toetuna ina nuwonúwana aguuinuwe. Tauna yau guna takinonayana moe kivaavasaina.
Neta yau toinigu atalavaitegu, guna talavaitayana moe geya moitamo geya. Ituli ta totalavaita ikaaiyaka italavaitegu. Ayagoi bego Tauyana ina talavaitayana yau manugu, moe mooitamoina. Komi boi imi tomota koetunedi sina moe yau italavaaitegu. E tomota idi talavaita geya auyaonedita, go sem komi kouyaonedi, tauna Iyoni ina livala manugu alatuuwokoimi bego komi konumise bei ami yava kobabane. Amo tauyana rampa nakae ininínima. E komi go ina mavadayana goi latuwomi tuta kaakupina koouyáwana. Go yau manugu tayamo talavaita ikaaiyaka; talavaitayana itogaga namlieta Iyoni ina talavaita. Moitamo. Talavaitayana moe guinuwa Tamagu iivinigu aguinuwedi, e guinuwayadi moitamo aguuinuwedi. Ame guinuwayadi sitalavaitegu bego Tamada ietunegu ama.
Ago Tamagu guna Toetuna, Tauyana toinina bogina italavaitegu go, niyana geya konovenove nakae maisina geya kogitegite. Tauyana ietunegu go, komi geya konumiseguta, tauna ina livala yaimi goi geya ikaiyaketa geya. Komi kokatuyaividokoidi unana konuwonúwana Gininayadi goi bei koyagoi manakaemi yawoimi vata kobabane. Go amo Gininayadi sitalavaaitegu! Go kokatae koma yaigu bego yawoimi vata kobabane.’
Tuwaina kana,
‘Yau Yaubada amataakoiye, tauna tomota idi taimámina moe geya auyaonedita, go sem bogina ayagoimi bego latuwomi tomota idi taimámina unana Yaubada ana yaimi goi geya ikaiyaketa. Yau Tamagu yoina goi ama go, geya kouyaoneguta. Neta tomota tayamo toinina yoina goi ima, tauyana kouyaone! Neta toinimi ami taimámina koyale go, Yaubada kaakesaina ina taimámina geya kotokumeyeta, e bei manakaemi itoboinemi konumisegu? Geya! Taabu konuuwonūwana bego Tamagu yaina goi yau bei awowokoimi. Komi ami towowókana tayamo ikaaiyaka. Towowokanayana moe Mosese go, komi kolootutae bego ivaitemi. Moitamo. Neta Mosese konumise, bei konumisegu. Bogina koyagoi. Moe yau manugu ina bukiyadi goi iginidi! E neta Mosese ina livalayadi geya konumisedita, manakaemi bei guna livala konumisedi?’

Listen to Iyoni 5