Gurage Chaha -1982 BSE (NT) Drama

ተኽም አን ኢየሱስ ጥብርያዶስ ይውሪ ገሊላ ባር ኽወኸት ተናም። ኢየሱስ ባሸነ ባትርፎት የቾተን ወግ ያሰቦዌ ብዘ ሰብ ተተረዊም። ኢየሱስ ቈቶ ወጣምታነ ተተማሪየታ ጋ በዛኼ ቾናም። የይኹዳ የፋሲካ ባር ከረ ተነበም ባነ። በኽ ግዝየ ኢየሱስ ብዘ ሰብ የትኼ ቲቸኖ አሸምታነ የፊሊጶስ «የዝኽ ሰብ ይወጣሮ ሸረት ቤቴ ንስየነቴ?» ቧረንም። ኢየሱስ ዝም የትሳረን የፊሊጶስ ይትኔ ባነ ባንኸሬ ይቾት ቃር ትም ይር ባነ።
ፊሊጶስም «ያታተና እርስየ የጠነሺ ይውዮዌ ዄት በቅር ዲናር ስን ኤወጣን» ቧረንም።
ተኢየሱስ ተማሪ አተታ የስምኦን ጴጥሮስ ጐፔ እንድርያስ ዝካ ባረም፤ «አምስት የኽር ዳቦም ዄት አሳ የጠበጠ አት ኧርች ዝኼ ነረ፤ ቢኸርም ዝኽ የዝ እንም ሰብ ተምር ይወጣን» ባረም። ኢየሱስም «ሰብ እንም በማራ አውሮዮ» ባረም፤ ብዘ ሰር በዛኼ ባነ፤ ሰብም ቾኖም፤ የገምያ ዝረናም አምስት ም ያኽር ባነ። ኢየሱስ ዳቦታ ነሳም ይእግዘር ሽርት ባትነበ አን የቾኖ ሰብ አበኖም፤ የኽክም አሳኽኖ እንመና ያትሽኖ አኽር ነከቦም። እንመና በኖም ተጠቦ አን ኢየሱስ የተማሪየታ «የተነፈ የፍረነ ሰስቦ፤ እማተታ እምጠቀ» ባረኖም። ኽኖም ሰብም ኽኖ በኖምታነ ተተነፈ ታምስት የኧኽር ዳቦ የፍረነ ስበሰቦምታነ አስረዄት ሳጠራ ሜኖም።
ሰብኽኖ ኢየሱስ የቾተን ወግ ቃር ባሰቦ አን «ይቸንቴ የዋሪ ነቢ ጪግም ዝኸታው» ባሮም። ሰብምኽኖ የግርድ የኢየሱስ ያረግሰውዬ በነና ያጫመቶኸማ በኻረ አን ተኽኖ ተቤተረም ይማተታ ቈቶ ወጣም።


ድየ ቲመሽ ተማሪየታ የገሊላ ባሬ ወሮም። ብእርስየ መርከብ ቅፍርናኾም ከተማ ይትኖዌ ተረሶም፤ ኽም ጋ ድየ ጠነማ ባነ፤ ኢየሱስም ገና የኽኖኼ አንቸነ ባነ። ጦናማ ንፋስ ይረፍስ የረፐረ የኸሬ የባር እኻም እንቅረቀረም። ተማሪየታም አምስት ዌም ስድስት ኪሎ ሜትር አኽር በመርከብታ በባር ር ቦሮ አን ኢየሱስ በባር ር የቾኖ የመርከበኔ በግረታ ቲቸን አሰበዊም ንቃር ሰነፎም። ኢየሱስ ጭን «እያትን እንሰነፍኹ» ባረኖም። ኽኖም ሳረኖምታነ በመርከበና አገፐዊም፤ ኽም ጋ የትሳፈሮ መርከበና የሳቦ መደር አሰናኖም።

በመረጋታ ተባር ኻወኸት የረፐሮ ሰብ በኽ በባርታ እማት መርከብ ባንኸሬ እንጐድ መርከብ ኤነኸማ ኻሮም፤ የኢየሱስም ተማሪ ይማተና በኽ መርከብ ገፖም ቶሮም ኸማ፥ ኢየሱስ ተኽኖ ጋ አንገፓ ኸማ ኻሮም ባነ። ቢኸርም እንጐድ መርከብ ተጥብርያዶስ ባር ተረሶም ቸነቦም፤ ኢየሱስ ይእግዘር ሽርት ያትነበወም ሰብም ሸረት የበኖ መደር ተነቦም። በኽ የረፐሮ ሰብ የኢየሱስ ዌም የተማሪየታ ሳቦም በበከሮዮ አን በመርከብኽኖ ተሳፈሮምታነ የኢየሱስ ይሰበውዬ ቅፍርናኾም ከተማ ወሮም። ተባር ውጤ ተኖም የኢየሱስ ነከበዊም፤ «አስተማሪዮ ዝኼ መችራ ቸነኸም?» ባሮም ተሳረዊም።
ኢየሱስም «የውረመና ኧብርኹ፤ አኹ ይያ ትሰቦን ሸረት በናኹም የጠኹዌዉ ባንኸሬ ወግ ያሸኹዌ አንኸረ። ኔም ያርቅ ሸረት ትትብሮ አቶቶ፤ ይርቀታ አብ እግዘር በኧርቸታ ወኸት ጪግ አመነም ያተን የሰብ ትከ ይብኹ፥ የዘላለም ይኸር ሸረት ቶቶ።»
ሰብኽኖም «ይና ይእግዘር ሜና ንቾትኔ ምር ወቶት ነረብንደ?» ባረዊም።
ኢየሱስም «ይእግዘር ሜና ወቶት እግዘር በራዀን ኧመሮቱ» ባረኖም።
ኽኖም «ይና ኧዥትነ ባኸ ናምኔ ምር ወግ ታትየሽንደቴ? ምር ትቾትቴ? ‹ኽኖ ይበሮዌ ተሰሜ ሸረት አወንደሮም› ቧርም የጣ ኸማ አባንዳ በበረኻ መና ይውሪ ሸረት በኖም» ባረዊም።
ኢየሱስም «የውረመና ኧብርኹ ተሰሜ ሸረት ያወንደንኹ ሙሴ አንኸረ፤ ውረም ሸረት ተሰሜ ይብኹ አባና እግዘሩ። እግዘር ይብ ሸረት ተሰሜ ወንደም የሰብ እንም ኧያም ያሜ ሸረቱ» ባረኖም። «ታንዶ ዝኽ ሸረት እንም ጋ ይና ናመንደ» ባረዊም።
ኢየሱስም ዝካ ባረኖም፤ «ኧያም ያሜ ሸረት እያትን፤ ይያሜ ይቸንታ ስርም ኤጐድን፤ ብያ ያምርታ ስርም ኤጠሟን፤ አኹ ጭን አሸኹንም ቢኸርም ቢያ አናመርኹፒ ኧብርኹ። አብ ይቤ እንም ይያኼ ይቸንቴ፤ ይያሜ ይቸንታ ስርም ውጤንየ አናወጣን። እያም ተሰሜ ዮንድ የራኼታ የፍቃደታ ቃር ኧቾቴዉ ባንኸሬ የገገና ፍቃድ ኧቾቴ አንኸረ። የራኼታ ፍቃደታ ያቤ እማተታ ዳር ቤቄዬ እንመታ በቀጥወ ከረ ተሞት ኧረሳኔዉ። ያባና ፍቃድ የርችታ ያዥም በትም ያምር እንም ዘላለም ኧያም ኸረም ይረብሬው፤ እያም በቀጥወ ከረ ተሞት ኧረሳንቴ ባረኖም።» ኽም ጋ ኢየሱስ «ተሰሜ ዮንደ ሸረት እያትን» የባሬ የይኹዳ ሰብ በት እጠጦት ቀነሶም። «ዝኽ የዮሴፍ ኧርች ኢየሱስ አንኸረዌ? አባታም አዶተታም ይና ንኔዮ አንኸረዌ? ት ኧዃ ‹ተሰሜ ወንድም› መምር ይብር?» ባሮም።
ኢየሱስም ዝካ ባረኖም፤ «አኹም ታኹ አትጠጦ። የራኼ አብ ቴያቸንን ይያኼ ወተን ይዀለ ሟኒም ሰብ ኤነ፤ ይያሜ ይቸንታ በቀጥወ ከረ ተሞት ኧረሳንቴ። ይእግዘር ቃር ቢዩዶ በነቢ መጣፍ ‹ሰብ እንም ቲእግዘሬ የትማረ ይኸርቴ› ቧርም ጣም፤ የአብ ሰማም የትማረ እንም ይያኼ ይቸን። ዝም በሮት አብ ያሸን ሰብ ነረ ወበር አንኸረ፤ አብ ያሸን እማት ቲእግዘሬ የቸነታው። የውረመና ኧብርኹ ‹ብያ› ያምር ዘላለም ኧያም ይኸር። እያ ኧያም ያሜ ሸረትን። አባኹ በበረኻ መና በኖም፤ ቢኸርም ኽኖ ቶም። ተሰሜ ይወርድ ሸረት ዝኸታው፤ ዝኽ ሸረት ይበራታ ስርም ኤሞት። ተሰሜ ዮንደ ኧያም የኸረ ሸረት እያትን፤ ተዝም ሸረት ይበራታ ዘላለም ይረብርቴ፤ አለም እንም ኧያም ኸረም ይረብሬ እያ ኤውን ሸረት በሰረናው።»
በኽም ግዝየ የይኹዳ ሰብ «ዝኽ ምስ በሰረታ ንበራኔ መምር ይብንዴ ይዀለ?» በበሮት ገግተገገና ተክራከሮም።
በኽ የቸነ ኢየሱስም ዝካ ባረኖም፤ «የውረመና ኧብርኹ የሰብ ኧርች በሰር ባንበናኹ ደመታም ባንሰጨኹ ኧያም አትኸሮ። በሰረና ይበራም ደመና ይሰጭ እንም የዘላለም ኧያም ይኸር፤ በቀጥወ ከረ ተሞት ኧረሳንቴ። በሰረና ውረም የኸረ ሸረቱ፥ ደመናም ውረም የኸረ ይሰጪ ቃሩ። በሰረና ይበራም ደመና ይሰጭ እንም ብያ ይረብር፤ እያም በት ኧረብር። ኧያም የኸረ አብ የራኼምኸማ እያም በት ኧያም የኸርኸማ የኽክም ይያ በሰር ይበራ እንም ብያ የቸነ ኧያም ኸረም ይረብርቴ። ተሰሜ ዮንደ ሸረት ዝኸታው፤ ትም አባኹ የበነዊ ሸረት ኸማ አንኸረ፤ ኽኽ ሸረት የበኖ ቶም፤ ዝኽ ሸረት ጭን ይበራ ዘላለም ይረብርቴ» ባረኖም።
ኢየሱስ ዝኽ የባረ በቅፍርናኾም ከተማ አይኹድ ቢደመዶ ቤት ቲያትመር ባነ።

ተተማሪየታ ብዘመና ዝኽ ኢየሱስ የዋረን ሰሞምታነ «ዝኽ ትምርት ኤገባቃሩ፤ ሟን ይሰሜ ይዀለ?» ባሮም።
ተማሪየታ በዝ ዘንጋ ይጠጦ ኸማ ኢየሱስ በመንፈሰታ ኻረም ዝካ ባረኖም፤ «ዝኽ ዘንጋ ተስፋ አትየንጠናኹምዌ? ኧጋ የሰብ ኧርች ይፍቴ የረፐረወ የሰሜንየ ተዠፐረም ቲወጣ ብታዞ ምር ትብሮቴ? ኧያም ያሜ ይእግዘር መንፈሱ፤ ሰብ በገገታ አትምቃር ያሜዬ ኤዀለ፤ እያ ያኹ የዝረን ቃር ኧያም ያሜ መንፈሱ። ቢኸርም ታኹ ግብት አታት ኤያምሮ ሰብ ነረቦ» ባረም ኢየሱስ ዝኸታ የዝረ ቲፍትወረር ቀነሶም ኤያምሮምኽኖ ሟን የረፐሮ ኸማ የትም የጠላት አወጣም ያን ሟን የኸረ ኸማ ይር የረፐሬው። ዠፐረም ኢየሱስ «አብ ቴይውን ይያኼ ይቸኔ ይዀለ ኤነ የባኩ የዝኸታው» ባረም።
በዝኽ የቸነ ብዘ ተማሪየታ ያንንየ ተዠፐሮም፤ ተኽ ግዝየ ቀነሶም የኢየሱስ ወትኸተር ታቦም። ኢየሱስ ያስረዄትም ተማሪየታ «አኹም ያንንየ ታሮዌ ትሰቦዌ?» ባረኖም።
ስምኦን ጴጥሮስ «ታንዶ የሟኔ ንወነ? ዘላለም ኧያም ያሜ ቃር ያኸ ነረናኸ። ይናሸ አመነም ቅዱስ ይእግዘር ኧርች አኸ የኸርኸ ኸማ ኻነም» ቧረንም። ኢየሱስም «አኹ አስረዄታኹ እያ ሸፐትኩም አንኸረዌ? ቢኸርም ታኹ አተታ ሼጣኑ» ባረኖም። ኢየሱስ ዝም የባረ የስምኦን ኧርች የአስቆርቱ ይኹዳ ቃር ባነ፤ ይኹዳ ታስረዄት ተማሪየታ አተታ ቢኸርም አት ከረ የጠላት አወጣም ያን ኸማ ኢየሱስ ይር ባነ።

Poslušaj ዮኻ. 6