Basketo - 2014 BSE (NT) Drama

Basketo - 2014 BSE (NT) Non Drama

ዪና̇ ኢዝባራ ዬሱ̈ሲ ሳምባታ ጋላስ ጎስ̇ ቲሽ ጋርሳባራ ኣ̈ምባራ ኢ ታማ̈ራን ኢንታ̇ ጋፍሲኖኮታ̇ቦ ዱ ሺጪ̇ ሙንት ኤ̈̇ዴ። ፋራሳ̈ዋን ዪኖ̇ ቤቃ̇ሪ ዬሱ̈ሳኮ “ቤቃ̇ቤ! ኔ ታማ̈ራን ሳምባታ ጋላስ ኦ̈ፖ ጌይኖ ባዝ ኦ̈ሬ” ጌይዴ
ዬሱ̈ሳር ኢንታ̇ኮ “ዳ̈ዊታኬ ኢባር ዎ ኣሳን ኢንታ̇ ጋፊ ዎን ዳ̈ዊቲ ዎቲኖ ባዚን ዪንቲ̇ ናባ̇ቢ ቤቃካ̇ያ። ኢ ጾ̈ሳ̇̇ ኬ̈ ጋርታ ጌላሪ ቄ̈ሳንፖ ኣቲ̇ን ኢያር ማ̈ቆ̇ ኢባር ዎ ኣሳንባር ማ̈ቂ̇ን ካዪንቲ̇ኖ ጾ̈ሳ̇̇̈ቦ ዣ̈ርሺ̇ንቲ̇ኖ ሶ̈ሊ̇ን ሙይዴ። ማ ቄ̈ሳን ጾ̈ሳ̇̇ ኬ̈ን ጋርታ̇ ሳምባታ ጋላስ ኦ̈ሳ ኦ̈ጌይን ኢንታ̇ብ ና̈ጋራ ማ̈ቃ̇ባሶን ሙ̈ሳ ማጻ̈ፋ ጋልዳ ጻ̈ፊንቲ̇ኖን ናባ̇ባካ̇ያ። ቴ ዪንታ̇ብ ሶ̈ላዚንዳ̇ ጾ̈ሳ̇̇ ኬ̈ፖ ሺዛ ዓይዲ ዎ። ማ ‘ቴ ኮያዚንዳ̇ ማ̈ሪቲዶኬ ዣ̈ርሻ ጊዳካዬ’ ጌዪ ጌ̈ሻ̇ ማጻ̈ፋ ጋልዳ ጻ̈ፊንቲ̇ኖን ዪንቲ̇ ኤሪ̈ርኮ ዎን ኣባክ ኢ̈ሳ̇ካዮ ኣሳን ጋልዳ̇ ዪንቲ̇ ፊርዲ̇ባ̈ስዶ̈ን። ኣባ ጌይን ‘ታ ኣሳ ናኣ̈ዲ ሳምባታብ ላ̈’ ” ጌይዴ።


ዬሱ̈ሲ ኢናፖ̇ ዲንዳሪ ኢንታ̇ ዎ̈ሳ ኬ̈ን ጋርታ ጌሊዴ። ኢና ኩሺ ዎቢ̇ኖ ፔቲ̇ ኣሲ ዎዶኒ ኣሳን ዬሱ̈ሳ ሞ̈ታንዳ̇ብ ኮያሪ ኢ̈ኮ “ሳምባታ ጋላስ ማኖ ኣስ ፋ ጌይራ?” ጋ̈ሪ ኢያ ኦዪጪ̇ዴ። ኢያር ኢንታ̇ኮ “ዪንታ̇ ጋርታ̇ፖ ፔቲ̇ ዶሪ ኢ̈ብ ዎ ኣሲ ኢ ዶራ ሳምባታ ጋላስ ዶ̈ቻ̇ ጋርታ̇ ጌሌጌይን ኢናፖ̇ ጋቺ̇ ኬሲባ̈ሶ ኦ̈ኖ? ዪዚ ዪዶኮ ዶሪፖ̇ ኣሲ ሺባ̈ሳ? ዪ̈ኮታ̇ቦ ሳምባታ ጋላስ ኮሽ ባዝ ኦ̈ዛ̈ዳ ካዪዝ ሂጋ̇ ባዬ” ጌይዴ። ዪኒ̇ፖ ዎሃ ዬሱ̈ሲ ና̈ሳ ኩሽ ዎባ̇̈ኮ “ኔ ኩሺን ፊዲቤ!” ጌይዴ። ኢያር ፌ ኩሺን ፊዲን ኢ ኩሺን ፋጻራ ኩሽ ካንቲ̇ን ኮሺ̇ንዲፌ̈ን ማ̈ቃ̇ዴ። ፋራሳ̈ዋን ኢናፖ̇ ኬስካ̇ሪ “ኑ ና̈ሳ ዓ ዎዛ̈ርታ̇ር ኤ̈ ዎኔ” ጌዪ ዎልዎልኣ ዞሪንቲ̇ዴ።

ዬሱ̈ሲ ኢንቲ̇ ዎልኣ ዞሪንቲ̇ኖን ኤራሪ ቤስ̇ ኢዝጋልዳፖ ዴሽ̇ ጌይዴ። ዎይሊን ዎርዣንሬ ኢ ዎሂን ዬ̇ዴ፤ ኢያር ማኖ ኣሳን ዎይ ፋዴ። ኢ ፌ ዎሂን ዬ̇ዝ ኣሳንኮ “ቴ ዪንታ̇ ፋኖን ዓኖ̇ ኦ̈ባካር ሶ̈ላፒ̇ቴ” ጌዪ ኢንታ̇ ኪቲ̇ዴ። ዪና̇ ማ̈ቂ̇ኖንዳ ናባ ኢሳ̈ሲ ሶ̈ሊ̈ርዶሪ፥ “ቤቂ̇ብቴ̇! ቴ ማራጺ̇ኖ̈ዲ ዓ̈ዳ፤
ቴ ኢያ ዶሲዛ̈ዲኬ ኢባር ኡፋይቲ̇ዝ ቴ ኣሽካ̇ራ̈፥
ታ ታ ኣያ̇ኒን ኢ ጋልዳ ጋዳ̇ንዳ፤
ኢያሬ ዎርዣ ዎይ̈ቦ ቴ ኣስ ፋዚን ሶ̈ሊ̈ሬ።
ኢ ዋ̈ጪባ̈ሴ ዎይ ዉይሲባ̈ሴ፤
ኢ ቆ̈ ኮካ̇ ጋልዳ ሲስኪንቲባ̈ሴ። ኢ ዎልቃ ባ̈ዮ ኣሳን ቶ̈ጛር ኣሺባ̈ሴ፤
ዉርሲ ፌ̈ና ዳንዳኣምፔንባዮ̇ ኣሳንቦ ሚጪንቲ̇̈ሬ።
ኣሲ ዎይ ቴ ኢማ̇ዝ ፋቲን ኤሪ ዉርሲዝ ዲራ̈ስ ኢ ዪኖ̇ ዎ̈ቲ̈ሬ። ዱማ ዱማ ዎርዣን ኢ ኢንታ̇ ፋዚን ኣማ̇ኒ̈ሬ” ጌይኖ ቃ̈ሊን ፎቲንታምፔ̈ኔ።


ዪኒ̇ፖ ዎሃ ኢ̈ታ̇ ኣያ̇ና ኢያ ኤ̈̇ን ኢ ኣ̈ፊን ቤቃ̇ባሲ ኢ ኖ̈ኒንዳር ሶ̈ላባ̈ሶ ፔቲ̇ ኣሲ ኣሳን ዬሱ̈ሳክ ኤኪ̇ ዬይዴ። ኢያር ና̈ሳ ፋን ና̈ሳ ኣፊን ቤቃ̇ዴ ኢ ኖ̈ናዳር ሶ̈ላዴ። ዎርዣ ዎይ ጋራ̇ሚንታ̇ሪ “ዓ ዳ̈ዊታ ናኣ̈ዲዶ̈ኔ?” ጌይዴ። ፋራሳ̈ዋን ዪኖ̇ ሲስካ̇ሪ “ዓ ና̈ሳ̈ዲ ኢ̈ታ̇ ኣያ̇ናን ኬሲ̇ዛ̈ዲ ኢ̈ታ̇ ኣያ̇ናን ኣላቃ ቡኤ̈ልዜቡ̈ላባርሽዋ” ጌይዴ።
ዬሱ̈ሲ ኢንታ̇ ቆፊን ኤራሪ ኢንታ̇ኮ “ፔቲ̇ ጋዲን ጋርታ̇ ዎ ዎርዣን ዎልዎልኣ ኦሊንቴጌይንዶ̇ ኢንቲ̇ ዪ̈ሬ። ማ ፔቲ̇ ካታማ ጋርታ̇ ዎይ ፔቲ̇ ኣ̈ላ ጋርታ̇ ዎ ኣሲ ፋጊንቴጌይን ዎልኣ ሚ̈ጛር ዶኣንዳ̇ብ ዳንዳኢባ̈ሴ። ኢ̈ታ ኣያ̇ኖ ሜላ ኢ̈ታ ኣያ̇ና ኬሲ̇ዝባዝ ማ̈ቄጌይን ሴ̈ጣና ካቲ̇ቲ ፋጊንቲ̇ኔ ጌዪንቲሬ። ዓት ዪዶኮ ኢንታ̇ ካ̈ቲቲ ዎዛ̈ርታ̇ር ሚ̈ጚ̈ራ? ታ̈ኒ ኢ̈ታ ኣያ̇ናን ቡኤ̈ልዜቡ̈ላባር ኬሳ̇̈ርኮ̇ ዪንታ̇ ና̈ኣን ኣብዝባር ኬሲ̇̈ራ? ዪ̈ኮታ̇ቦ ዪንታ̇ ና̈ኣን ዪንታ̇ ጋልዳ ፊርዲ̈ሬ። ታ̈ኒ ኢታ̇ ኣያ̇ና ኬሳ̇ዚንዳ ጾ̈ሳ̇̇ ኣያ̇ናባራ። ዪዚ ዪና̇ ጾ̈ሳ̇̇ ካ̈ቲቲን ዪንታ̇ክ ኡኪ̇ኖን ቤይሳ̈ሬ።
ማ ፔቲ̇ ኣሲ ፔቲ̇ ዎልቃባሮ ኣሳ ኣ̈ል ጌላሪ ና̈ሳ ዎልቃባሮ ቃቻ̇ካይዶ̈ሪ ዎዛርታ̇ር ኢ ቆ̈ሊንን ቡራንዳ̇ብ ዳንዳኢ̈ራ?
ቴዪ ማ̈ቃካ̇ዮ ኣሲ ዎይ ታ̈ና ኢጺ̇̈ሬ፤ ታባር ዎልኣ ሺሺ̇̈ባ̈ሶ ኣሲ ዎይ ላ̈ሊ̇̈ሬ። ዪ̈ኮታ̇ቦ ኣሲ ኦ̈ዝ ናጋራ ዎይኬ ቆ̈ዝ ቆ̈ሳ ዎይ ኢ̈ብ ኣቶ̇ ጌዪንቲ̈ርዶኒ፥ ጌ̈ሻ̇ ኣያ̇ና ቆ̈ኖ ኣሳቦ ኢ ናጋራ ኢ̈ብ ኣቶ̇ ጌዪንቲባ̈ሴ። ኦ̈ናካር ኣሲ ታ̈ና ኣሳ ናኣ ቆ̈ዛ̈ቦ ዎይ ኢ ናጋሪን ኢ̈ብ ኣቶ̇ ጌዪንታ̇̈ርዶኒ፥ ጌ̈ሻ̇ ኣያ̇ና ቆ̈ዛ̈ዲ ኢ ናጋራ ኢ̈ብ ዓና̇ ኣላሚን ጋልዳ̇ር ማ̈ቂ̇ን ቢርት ዬ̈ዝ ኣላሚን ጋልዳር ኢ̈ብ ኣቶ̇ ጌዪንታ̇ባሴ” ጌይዴ።


ዬሱ̈ሲ ኢንታ̇ኮ “ሚ ዎይ ፌ ካጻ̇ዝ ኣ̈ፊ̈ምባር ኤሪንቲ̇ዛኮታ̇ቦ ኮሽ ሚ ዪንታ̇ብ ዎኮ ዪንቲ̇ ኮሽ ኣ̈ፍ ዲጚ̈ሬ፤ ኢ̈ት ሚ ዪንታ̇ብ ዶኤጌይን ዪንቲ̇ ኢ̈ት ኣ̈ፍ ዲጚ̈ሬ። ዪንቲ̇ ሾ̈ሽ ናኣን፥ ዪንቲ̇ ኢ̈ታንዶሪ ኮሽ ባዝ ዎዛርታ̇ር ሶ̈ላንዳብ ዳንዳኢ̈ራ? ኣባ ጌይን ኣሲ ፌ ኖ̈ናባር ሶ̈ላዚንዳ ፌ ቡዳ ጋርታ ኩማር ሺኖንዶ። ኮሽ ኣሲ ፌ ቡ̈ዳ ጋርታ̇ ኩሚኖ ኮሽ ሶ̈ላ ጋርታ̇ፖ ኮሽ ሶ̈ላ ኬ̈ሲሬ። ኢ̈ታ ኣሳሬ ፌ ቡ̈ዳ ጋርታ̇ ኩሚኖ ኢ̈ታ ባዝ ጋርታ̇ፖ ኢ̈ታ̇ ሶ̈ላ ኬሲ̇̈ሬ። ቴ ዪንታ̇ክ ኪን ጋ̈ሬ፥ ኣሲ ፌ ሶ̈ላዝ ኢ̈ታ ሶ̈ሊን ዎይንቦ ጾ̈ሲ̇ ፊርዲዝ ጋላስ ኦይጪንቲ̇̈ሬ። ኔ ኮሽ ሶ̈ሌጌዪን ኮሼ ጌዪንታ̇ሬ፤ ኢ̈ት ሶ̈ሌጌዪን ፊሪዲንታ̇̈ሬ” ጌይዴ።


ኢናፖ̇ ፔቲ̇ ፔቲ̇ ሙ̈ሳ ሂጋ̇ ኣስታማ̈ራንኬ ፋራሳ̈ዋን ዬሱ̈ሳኮ “ኣስታማ̈ራ̈ዶ! ኔ ማላ̇ ኑ̈ና ቤይሳቤ!” ጌዪ ኢያ ኦይጪ̇ዴ።
ኢያር ኢንታ̇ኮ “ጾ̈ሳ̇̇̈ቦ ኣማ̇ኒንቲባሶ ዓታባሮ ኢ̈ት ኣሳን ማላ̇ ቤቃ̇̈ንዳብ ኮዪ̈ሬ፥ ማ̈ቂ̇ናካሬ ናባ ዮ̈ና̈ሳ ጋልዳ̇ ዬሊ̇ኖ ባዚን ማይጻዝ ማሊ̇ምፖ̇ ሜላ ማላ̇ ዪንታ̇ብ ኢሚ̇ንቲ̇ባ̈ሴ። ዮ̈ና̈ሲ ጴች ሞላ ጋርታ̇ ዓይዚ̇ ጋላስኬ ዓይዚ̇ ቃም ዶኢኖንዲፌ̈ኒ ቴ ኣሳ ናኣ̈ዳሬ ዱ̈ፊ ጋርታ̇ ዓይዚ̇ ጋላስኬ ዓይዚ̇ ቃም ዶኣ̈ሬ። ናናዋ ካታሚን ጋርታ̇ ዎ ኣሳን ጾ̈ሳ̇̇ ፊርዲዝ ጋላሲ̇ ዲንዳ̇ሪ ዪንታ̇ ሞ̈ቲ̈ሬ። ኢንቲ̇ ዮ̈ና̈ሳ ቲሚርቲ̇ን ሲስካ̇ሪ ፌ ናጋሪምቦ ማሪቲ ጌሊኔ። ዓት ዮ̈ና̈ሳፖ̇ ሺዛ ዓይዲ ዎዶን ዪንቲ̇ ኢ̈ኮን ሲስካ̇ር ማሪቲ ጌላብዳ ጌይዴ። ሲጛ̈ሎ ማጫ̇ ካ̈ቲንዳ ጾ̈ሳ̇̇ ፊርዲዝ ጋላስ ዲንዳ̇ራ ዪንታ̇ ሞ̈ታ̈ሬ። ኣባ ጌይን ኢዛ ሶሎሞ̈ናኮ ቲሚርቲ̇ን ሲስካ̇ንዳቦ ሳ̈ዝ ቡጊዳፖ̇ ዬይኔ። ዓት ሶሎሞ̈ናፖ̇ ሺዛ ዓይዲ ዎዶ̈ን ዪንቲ̇ ኢ̈ኮን ሲስካብዳ ጌይዴ።
ኢ̈ታ ኣያ̇ና ኣሳ ጋልዳ̇ፖ ኬስካ̇ሪ ፌ̈ብ ሼምፒ̇ዝ ቤስ̇ ኮዪሙታ̇ ዋ̈ ባዮ̇ ቤስ̇ ባራሃ ጋርሳባራ ዬ̇̈ሬ፥ ዎቲናካሬ ኢ ሼምፒ̇ዝ ቤሲ̇ ዲጚባ̈ሴ። ዪ̈ኮታ̇ቦ ‘ቴ ኬስኪ̇ኖ ቤሲ̇ን ማ̈ቃ̇ር ሉካ̇ስቶ’ ጋ̈ሪ ማ̈ቂ̇ ዬ̈ዚምባራ ኣ̈ሊንዳ ሜላ̇ ኣባክ ባዮ̇ ማ̈ቃ̇ር ጌ̈ዥጋር ዎዶ̈ን ዲጚ̈ሬ። ኢናፖ̇ ኢ̈ታ̇ ኣያ̇ና̈ዲ ሉካ̇ሪ ፌ̈ፖ̇ ሺ ዉጪቲዝ ታብዛ ኢ̈ታ̇ ኣያ̇ናን ፌባር ኤካ̇ር ዬይሬ፥ ኢንታ̇ሬ ዬ̈ሪ ኢና ዶኢ̈ሬ። ዪ̈ኮታ̇ቦ ዪ ና̈ሳ ዶኢንዳ̇ ኢ̈ቦ ቲ̈ኖምፖ̇ ሺ ኢ̈ት ማ̈ቃ̇̈ሬ። ዓታ̇ባሮ ኣሳ ዓ ጋልዳ ዬሊ̇ዝ ባዛ̈ዲ ዪ̈ዲፌ̈ኔ” ጌይዴ።

ዬሱ̈ሲ ዎርዣ̈ቦ ቢርት ሶ̈ላ ጋልዳ ዎዶ̈ን ኢ ኢንዲኬ ኢ ኢና̇ኣን ኢባር ሶ̈ሊንታ̇ንዳብ ኮያሪ ዛ̈ና ኤቂ̇ ዎ። [ኢና ዎ ኣሳን ጋርታ̇ፖ ፔታ̇ና̈ዲ ዬሱ̈ሳኮ “ኔ ኢንዲኬ ኔ ኢና̇ኣን ኔባር ሶ̈ሊንታ̇ንዳብ ኮዪ ዬ̈ሪ ዛ̈ና ኤቂ̇ኔ”] ጌይዴ። ዬሱ̈ሲ ኢንታ̇ኮ “ቴ ኢንዲ̇ን ኦ̈ኖ̇? ቴ ኢና̇ኣንር ኦ̈ኖ̇?” ጋ̈ር ማሂዴ። ኢናፖ̇ ፌ ኩሺምባር ፌ ታማ̈ራን ቤይሲሙታ̇ዶ̈ሪ ኢንታ̇ኮ “ቴ ኢንዳ̇ሬ፥ ቴ ኢና̇ኣንሬ ዓን። ኣፋ ዎ ቴ ባ̈ባ ጌይኖን ኦ̈ዝ ኣሲ ዎይ ታ̈ቦ ኢና̇ኢ፣ ሚሾ፣ ኢንዶ̇” ጌይዴ።

Poslušaj ማ̈ቶ̈ሳ 12