<div class="version vid2900 iso6393toh" data-vid="2900" data-iso6393="toh">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="s">Muthu hungo nya sivangwa satshavbo</div><div class="p"> 1Wu di vbela kharati thumo watshavbo nya guvange ndzadzi ni mafu ni satshavbo si guromo umo.</div><div class="p"> 2 # Wona gambe: Eks 20:11; Hebh 4:4,10. Khu litshigu nya livbandre na mavili, Nungungulu, na vbedzide thumo waye watshavbo a wu giridego, a di hefemula. 3Nungungulu a di kategisa litshigu lolo nya livbandre na mavili, li khala litshigu nya guphasedwe Uye, kholu khilo litshigu a nga hefemula migaralo nya thumo watshavbo nya guvange, owu Nungungulu a nga wu thumago.</div><div class="s">Guvangwa nya muthu</div><div class="p"> 4Owu khuwo sasamedzo nya matimo nya guvangwe ndzadzi ni mafu, gikhati Pfhumu Nungungulu a giridego ndzadzi ni mafu. 5Gu di ngari mwalo misimbo mafuni, ni mwasi wu di si gu bugi, kholu Pfhumu Nungungulu a di si gu wisi ndzadzi mafuni, gambe gu diri mwalo muthu nya gulime mafu. 6Khu guralo, mafuni gu di gu buga gifefe nya mati ma nga bani ma gu naganisa gwatshavbo. 7#Wona gambe: 1 Kor 15:45. Khu guralo, Pfhumu Nungungulu a di wumba muthu khu kudzudzwane nya mafu a gu mu furugedza dzithonvuni, a mu thela liphuvbo nya guvbanye. Muthu a di khala givangwa nya guvbanye.</div><div class="p"> 8 Pfhumu Nungungulu a di yala lithembwe Edheni, khu phuvbo ga Khugadambo a gu vega umo muthu a nga mu wumbago. 9#Wona gambe: Gutu 2:7; 22:2,14. Pfhumu Nungungulu a di bugisa tigoni mafumbu yatshavbo nya misimbo nya mihandro nya gutsakise gu yi wona, ni gutshamba gu yi hodza. Vbakari nya lithembwe a di vega simbo nya womi, ni simbo nya guti gu hambanisa iso nya sadi niso nyamba sadi.</div><div class="p"> 10Wu di buga tsongo Edheni wu naganisa lithembwe, wu di kabanega khu mitsongo mina. 11Lina nya owu nya guphele khu Pisoni; khuwo wu dzuwulugelago litigo la Havhila, li gu na ni ndralama nya yingi. 12Ndralama ya tigoni momo khyadi ngudzu, vbale gambe momo mafura nya gunungele gwadi, ni siwindri nya lisima.</div><div class="p"> 13Lina nya tsongo nya wuvili wa gu ranwa pwani Giyoni wu dzuwulugelago litigo latshavbo la Kusi.</div><div class="p"> 14Lina nya owu nya wuraru gupwani Tigre, wa guvbindra khu phuvbo ga Khugadambo ga litigo la Asiriya; tsongo nya wu na gupwani Ewufrate.</div><div class="p"> 15 Pfhumu Nungungulu a di vega muthu thembweni ga Edheni, gasi a li lima ni gu li sayisa.</div><div class="p"> 16 Pfhumu Nungungulu a di mu ninga milayo yeyi, khuye: &#8220;U na hodza mihandro nya misimbo yatshavbo nu tshulegide, 17aholu handro nya simbo nya guti gu hambanisa silo nya sadi niso nyamba sadi, u nga wu hodzi. Kholu litshigu u na gu wu hodzago u nafa.&#8221;</div><div class="s">Guwumbwa ga nyamayi</div><div class="p"> 18 Pfhumu Nungungulu a di engedza gambe, khuye: &#8220;Khandri gwadi mwama gu khala ekha. Nyi na mu girela mubangaladzi nya idzosaye ni uye.&#8221;</div><div class="p"> 19Khu guralo, Pfhumu Nungungulu na wumbide khu mafu talo nya mafumbu nya sirengo sa khabini ni sinyoni sa damboni a di si bikela ga muthu gasi gu wona malina muni a na si ningago. Lina a nga ningago ga gimwegyo ni gimwegyo nya sivangwa soso nya guvbanye, khilo gi tidwago khilo.</div><div class="p"> 20Muthu a di riya malina nya sifuyo satshavbo sa ndrangani, sinyoni sa damboni ni sirengo nya likhabi, aholu kha nga mana muphasedzeli nya gu mu yele.</div><div class="p"> 21Khavbo avbo, Pfhumu Nungungulu a di thela ligovbe nya likhongolo muthu a gu lala. Na modwe khu ligovbe, Nungungulu a di mu dusa limbambo limwedo a gu bugisa tshonge wulanga waye. 22Khu limbambo a nga dusago khu ga mwama, Pfhumu Nungungulu a di gira nyamayi a gu mu bikela ga mwama.</div><div class="p"> 23Mwama a di nengela, khuye:</div><div class="q2">&#8220;Ina na, khu woni, olu,</div><div class="q2">aya marambo nya marambo yangu</div><div class="q2">ni nyama nya nyama yangu.</div><div class="q2">A na ranwa gupwani nyamayi;</div><div class="q2">kholu dusidwe khu ga mwama.&#8221;</div><div class="p"> 24 # Wona gambe: Mat 19:5; Mark 10:7-8; 1 Kor 6:16; Efes 5:31. Khu gighelo gyogyo, mwama a na diga ndranga ya babe ni mayi waye aya patana ni mwangadzi waye, va vavili va gu khala muthu moyo basi.</div><div class="p"> 25Mwama ni nyamayi va di khala wumbwiri, aholu va vavili va di si dzipwi dzitshoni khu isoso.</div>
 </div>
 </div>
</div>

Gitonga DC Bible © Bible Society in Mozambique, 2014.

Wu di vbela kharati thumo watshavbo nya guvange ndzadzi ni mafu ni satshavbo si guromo umo.
Khu litshigu nya livbandre na mavili, Nungungulu, na vbedzide thumo waye watshavbo a wu giridego, a di hefemula. Nungungulu a di kategisa litshigu lolo nya livbandre na mavili, li khala litshigu nya guphasedwe Uye, kholu khilo litshigu a nga hefemula migaralo nya thumo watshavbo nya guvange, owu Nungungulu a nga wu thumago.

Owu khuwo sasamedzo nya matimo nya guvangwe ndzadzi ni mafu, gikhati PFHUMU Nungungulu a giridego ndzadzi ni mafu. Gu di ngari mwalo misimbo mafuni, ni mwasi wu di si gu bugi, kholu PFHUMU Nungungulu a di si gu wisi ndzadzi mafuni, gambe gu diri mwalo muthu nya gulime mafu. Khu guralo, mafuni gu di gu buga gifefe nya mati ma nga bani ma gu naganisa gwatshavbo. Khu guralo, PFHUMU Nungungulu a di wumba muthu khu kudzudzwane nya mafu a gu mu furugedza dzithonvuni, a mu thela liphuvbo nya guvbanye. Muthu a di khala givangwa nya guvbanye.
PFHUMU Nungungulu a di yala lithembwe Edheni, khu phuvbo ga Khugadambo a gu vega umo muthu a nga mu wumbago. PFHUMU Nungungulu a di bugisa tigoni mafumbu yatshavbo nya misimbo nya mihandro nya gutsakise gu yi wona, ni gutshamba gu yi hodza. Vbakari nya lithembwe a di vega simbo nya womi, ni simbo nya guti gu hambanisa iso nya sadi niso nyamba sadi.
Wu di buga tsongo Edheni wu naganisa lithembwe, wu di kabanega khu mitsongo mina. Lina nya owu nya guphele khu Pisoni; khuwo wu dzuwulugelago litigo la Havhila, li gu na ni ndralama nya yingi. Ndralama ya tigoni momo khyadi ngudzu, vbale gambe momo mafura nya gunungele gwadi, ni siwindri nya lisima.
Lina nya tsongo nya wuvili wa gu ranwa pwani Giyoni wu dzuwulugelago litigo latshavbo la Kusi.
Lina nya owu nya wuraru gupwani Tigre, wa guvbindra khu phuvbo ga Khugadambo ga litigo la Asiriya; tsongo nya wu na gupwani Ewufrate.
PFHUMU Nungungulu a di vega muthu thembweni ga Edheni, gasi a li lima ni gu li sayisa.
PFHUMU Nungungulu a di mu ninga milayo yeyi, khuye: “U na hodza mihandro nya misimbo yatshavbo nu tshulegide, aholu handro nya simbo nya guti gu hambanisa silo nya sadi niso nyamba sadi, u nga wu hodzi. Kholu litshigu u na gu wu hodzago u nafa.”

PFHUMU Nungungulu a di engedza gambe, khuye: “Khandri gwadi mwama gu khala ekha. Nyi na mu girela mubangaladzi nya idzosaye ni uye.”
Khu guralo, PFHUMU Nungungulu na wumbide khu mafu talo nya mafumbu nya sirengo sa khabini ni sinyoni sa damboni a di si bikela ga muthu gasi gu wona malina muni a na si ningago. Lina a nga ningago ga gimwegyo ni gimwegyo nya sivangwa soso nya guvbanye, khilo gi tidwago khilo.
Muthu a di riya malina nya sifuyo satshavbo sa ndrangani, sinyoni sa damboni ni sirengo nya likhabi, aholu kha nga mana muphasedzeli nya gu mu yele.
Khavbo avbo, PFHUMU Nungungulu a di thela ligovbe nya likhongolo muthu a gu lala. Na modwe khu ligovbe, Nungungulu a di mu dusa limbambo limwedo a gu bugisa tshonge wulanga waye. Khu limbambo a nga dusago khu ga mwama, PFHUMU Nungungulu a di gira nyamayi a gu mu bikela ga mwama.
Mwama a di nengela, khuye:
“Ina na, khu woni, olu,
aya marambo nya marambo yangu
ni nyama nya nyama yangu.
A na ranwa gupwani nyamayi;
kholu dusidwe khu ga mwama.”
Khu gighelo gyogyo, mwama a na diga ndranga ya babe ni mayi waye aya patana ni mwangadzi waye, va vavili va gu khala muthu moyo basi.
Mwama ni nyamayi va di khala wumbwiri, aholu va vavili va di si dzipwi dzitshoni khu isoso.

Poslušaj Genesi 2