Mongondow - Today's Mongondow Version, 2006 (Drama NT)

<div class="version vid2874 iso6393mog" data-vid="2874" data-iso6393="mog">
 <div class="book bk1CO">
 <div class="chapter ch14" data-usfm="1CO.14">
 <div class="label">14</div><div class="s">Soal&#803;pa doman totabi in Roho i Allah</div><div class="p"> 1Poigumonku mako moiko in umuran motabi kon intau ibanea bo tant&#250; doman moramuji sinb&#225; motarima kon totabi mita inta ogoi in Roho i Allah, muna-munamai in totabi mopotaau in tomay&#225; mita i Allah kon intau. 2Intau inta mosingog mopomak&#233; in bahasa inta mokoherang, deemanb&#237; in sia moyosingog in intau; t&#225;e moyosingogb&#237; i Allah. Sin di&#225;b&#237; komangal&#817;ean in intau onu in siningognea tatua, lantaran Rohob&#237; i Allah in nosingog bo noguman kon soal&#803; mita inta tong&#225; doman ki Allah in nonotaau. 3T&#225;e aka intau inta mopoyaput in habar nongkon i Allah, yo tua in mopoyaputb&#237; in habar kon intau; sin moginrigon kon pirisaya monia, mobogoi in ropot bo mohibur kon i monia. 4Intau inta momak&#233; in bahasa inta mokoherang, tong&#225;b&#237; moginrigon kon pirisayanea tontan&#237;, t&#225;e intau inta mopoyaput in habar nongkon i Allah in motul&#803;ungb&#237; kon jamaat sinb&#225; mobiag.</div><div class="p"> 5Mopiab&#237; doman in ginaku aka moiko in motaau moposingog in bahasa inta mokoherang. T&#225;e mopia-piab&#237; kon motaau mopoyaput in habar nongkon i Allah. Sin intaub&#237; inta motaau mopoyaput in habar nongkon i Allah in moponti-ponting nongkon intau inta nonotaau kon bahasa inta mokoherang; kol&#817;ikudb&#237; in aka kotaauannea in mangal&#817;e in bahasa tatua, sahingga in komangal&#817;ean doman in jamaat intua bo modugang morigon in pirisaya monia. 6Utatku mita, aka akuoi in mamangoi kon i monimu bo momak&#233; in bahasa norupa-rupamai inta mokoherang kon intau, umpaka yo baraguna kon i monimu intua? Topil&#817;ikmai yo di&#225;b&#237; in mangal&#817;enea! Noyoposib&#237; in aka akuoi mamangoi mopoyaput in koyow nongkon i Allah, ande moginsilang kon soal&#803; mita nongkon i Allah, ande mopomangal&#817;e kon i monimu.</div><div class="p"> 7Sin n&#225; b&#237; onda bo alat mita in musik inta di&#225; mol&#817;iai t&#225;e motaaub&#237; posingogon. Naonda bo bans&#237; ande gambus, aka tong&#225; kinoiru-irupnea, bo kinokuti-kutinea yo kotaauanb&#237; naonda in dondong inta pinodondongnea tatua? 8Andeka torompet inta di&#225; kodongogan motarang in singognea, yo ki ineb&#237; in mobasadia moparang? 9Natuab&#237; doman in moiko inta mosingog takin bahasa inta mokoherang. Aka moiko bo mosingog takin bahasa inta di&#225; komangal&#817;ean, yo di&#225;b&#237; doman komangal&#817;ean intau in makusud in singogmu tatua. D&#225; singogmu mita tua in tong&#225;b&#237; asal&#803; bo dinongog. 10Kon dunia naa noant&#243; totok in bahasa, t&#225;e di&#225;b&#237; in tobat&#250;mai bahasa tatua in di&#225; in mangal&#817;enea. 11T&#225;e aka di&#225; komangal&#817;eanku in bahasa inta siningog in intau ibanea, yo intau tatua inanggapkub&#237; di&#225; nogogintaauan; natua doman in anggapannea kon inak&#243;. 12Natua doman in moiko, kinotaauankub&#237; kon moiko in moibogb&#237; doman moramuji motayak kon totabi mita nongkon Roho i Allah. Tong&#225; mopia totok aka moiko moramuji doman mopobaraguna in totabi mita tatua sin pobangon kon jamaat sinb&#225; mobiag.</div><div class="p"> 13Tuamai, ki ine in mosingog kon bahasa inta mokoherang, yo musti doman in sia moramuji mopoigum kon i Allah sinb&#225; motaau doman mopomangal&#817;e kon onu inta siningog tatua. 14Sin aka akuoi mosambayang bo momak&#233; in bahasa inta mokoherang, d&#225; tong&#225;b&#237; rohoku in mosambayang, t&#225;e raianku in di&#225;b&#237;. 15D&#225; onub&#237; in musti aidanku? Tanaa in aidanku: Aka rohoku mosambayang yo akuoi in dumudui doman mosambayang kon bonu in raianku. Akuoi in modondong takin rohoku t&#225;e akuoi in moibog doman modondong takin raianku. 16Sin aka tong&#225; rohonea in mosukur kon i Allah, bo oy&#250;on in intau in di&#225; nonotaau in bahasa pinak&#233;mu tua, yo intau tatua in di&#225;b&#237; moguman, &#8220;Amin&#8221; kon dodai in nokodongog kon sukurmu tatua, sin di&#225; kinotaauannea in siningogmu tatua. 17Sin umpakab&#237; mopia totok in sambayang pinosukurmu kon i Tuhan, t&#225;e kon intau ibanea di&#225; in mangal&#817;e in sambayangmu tatua.</div><div class="p"> 18Akuoi in mosukur kon i Allah sin akuoi tontan&#237; in nonotaaub&#237; in bahasa inta mokoherang noil&#817;iu kon i monimu komintan. 19T&#225;e aka wakutu in jamaat moyosipun mosumba kon i Tuhan, mosana-sanangb&#237; in ginaku in mopoyaput in l&#817;ima notontag&#225; inta komangal&#817;ean in intau dika in moant&#243; in singog inta kon bonu in bahasa mokoherang t&#225;e di&#225; komangal&#817;ean in intau. Tuab&#237; in totok kinoibogku sinb&#225; motaau in akuoi motund&#250; kon intau.</div><div class="p"> 20Utatku mita! Dika n&#225; pororai in mongoad&#237;. Aka kon soal&#803; mita inta mongorom&#250;, d&#225; musti n&#225; pororai in mongoad&#237; in moiko. T&#225;e aka kon soal&#803; pororai, yo poraib&#237; n&#225; intau inta nogurangdon. 21#Yes. 28:11-12 Sin kon bonu in Buk Motusi in pinais nanaa,</div><div class="q1">&#8220;Ki Tuhan in nosingog, &#8216;Pinongin intau mita ibanea</div><div class="q1">inta bahasanea tolaeng,</div><div class="q2">Akuoi in mosingog kon umat tanaa.</div><div class="q1">Bo pongin bibig in intau mita inta mokokiangoi, Akuoi in mosingog kon umat-Ku;</div><div class="q2">tong&#225; mosia in do&#237; mokidongog kon singog-Ku.&#8217; &#8221;</div><div class="m"> 22Manangka intua totabi inta mosingog kon bonu in bahasa inta mokoherang tua in tandab&#237; kon intau inta di&#225; mopirisaya, deemanb&#237; kon intau inta mopirisaya. Yo totabi mopotaau in tomay&#225; i Allah kon intau in tandab&#237; kon intau inta mopirisaya, deemanb&#237; kon intau inta di&#225; mopirisaya. 23Tuamai aka kon bonu in poyosipunan kon jamaat, bo komintan jamaat mosingog takin bahasa inta norupa-rupamai bo inta mokoherang, bo oy&#250;on in mokokiangoi, ande intau mita inta deeman Keresten, yo anggapon monia moiko in intaub&#237; mita inta di&#225; mongoratak! 24T&#225;e aka moiko komintan bo mopoyaput in habar nongkon i Allah bo noiangoi in intau mita inta di&#225; mopirisaya kon i Yesus ande oy&#250;on in mokokiangoi ibanea, yo onu inta pinoyaputmu tua, komintanb&#237; moponiata in oaidnea inta di&#225; mopia bo moposadar kon inia. 25Onu inta noibuni kon bonu in ginanea komintanb&#237; poontong, sahingga in mokopoomp&#225; kon dodia in sia bo moibog mosumba kon i Allah. Sia in mobal&#817;&#237; mopirisaya totok kon ki Allah in umuranb&#237; kotaki-takin monimu.</div><div class="s">Atorang kon bonu in jamaat</div><div class="p"> 26D&#225; ul&#817;e utat mita, onu in mangal&#817;e intua komintan? Aka moiko moyosipun sin mosumba kon i Tuhan, oy&#250;on in modondong, oy&#250;on in motund&#250;, oy&#250;on mopoyaput in habar nongkon i Allah, oy&#250;on in mosingog kon bonu in bahasa inta mokoherang bo oy&#250;on doman in moginsilang kon onu inta pinoguman in intau tatua. T&#225;e tua komintan in mustib&#237; aidan sin motund&#250; kon ponompia kon i monia komintan. 27Aka oy&#250;on in mosingog kon bonu in bahasa inta mokoherang, yo tong&#225;don doyowa ande tol&#803;u in mopoyo-poyol&#803;uan. Bo musti oy&#250;on in moginsilang kon onu inta siningog monia tua. 28Aka di&#225; in motaau moginsilang kon mangal&#817;enea, yo intau mita inta motaau mosingog kon bahasa inta mokoherang tua musti kibio-bi&#243;mai kon bonu in pinoyodungkul&#803;an tatua. Pomay&#225;don mako in mosia in mosingog kon bonu in gina takin i Allah. 29Aka oy&#250;on in habar nongkon i Allah in poyaput intau doyowa tol&#803;u, yo musti poyaput, yo intau ibanea in musti mokidongog bo raion kopiaan onu in pinoguman monia tua. 30T&#225;e aka koyogot in mosingog bo oy&#250;on in noil&#803;abotmai kon intau inta mopoyaput in habar i Allah kon tampat pinoyodungkul&#803;an tatua, yo intau inta koyogot mosingog tatua, musti mogogai. 31Sin aka natua, yo moiko komintan, motaau moyo-moyol&#803;uan in mosingog sahingga in habar nongkon i Allah motaau poyaput; bo komintan motaau motarima kon totund&#250; tatua bo modugang in pirisaya. 32Totabi nongkon roho inta mopoyaput in habar nongkon i Allah tua in motaaub&#237; atoron in intau inta nopoyaput in habar tatua. 33Sin do&#237;b&#237; in ki Allah kon kobobiag intau motombauk. Koibog-Nea in kobobiagb&#237; inta motompia.</div><div class="p">N&#225; inta nobal&#817;&#237;don kon bayongan jamaat i Allah, 34aka kon poyoyodungkul&#803;an natua, bobay in di&#225;b&#237; motaau in mosingog. Mosia in musti kibio-bi&#243;mai. Mosia in di&#225;b&#237; motaau mobal&#817;&#237; itoi; n&#225; inta kon bonu in hukum i Musa. 35Aka moibog in mosia monotaau kon yagi-yagi, yo motaaub&#237; in mol&#817;ib&#243; kon i bul&#803;oinea t&#225;e bain kon bal&#803;oi. Sin totokb&#237; in mokooy&#225; in tobat&#250; bobay mosingog kon tayowon intau moant&#243;.</div><div class="p"> 36Ande deg&#225; nongkon imonimub&#237; in pirman i Allah? Andeka tong&#225;b&#237; moiko in pinopotaauan in pirman mita tatua? 37Aka rasaanmai monimu bo oy&#250;onb&#237; in totabi mopoyaput in habar nongkon i Allah, andeka inogoianb&#237; i Allah in totabi kon soal&#803; mita ibanea, yo intau tatua in mustib&#237; mosadar kon onu inta pinaisku tanaa, komintanb&#237; parenta nongkon i Tuhan. 38T&#225;e aka oy&#250;on in do&#237; motarima kon onu inta pinogumanku mita naa, yo donaaib&#237; mako in sia tua.</div><div class="p"> 39Tuamai ul&#817;e utatku mita, poramuji mopoyaput in habar nongkon i Allah, bo dika molarang kon intau inta mosingog kon bonu in bahasa inta mokoherang. 40Tua komintan in musti aidan kopiaan bo kotompiaan.</div>
 </div>
 </div>
</div>

Alkitab Singog In Mongondow Masa In Tanaa © Indonesian Bible Society, 2016.

Poigumonku mako moiko in umuran motabi kon intau ibanea bo tantú doman moramuji sinbá motarima kon totabi mita inta ogoi in Roho i Allah, muna-munamai in totabi mopotaau in tomayá mita i Allah kon intau. Intau inta mosingog mopomaké in bahasa inta mokoherang, deemanbí in sia moyosingog in intau; táe moyosingogbí i Allah. Sin diábí komangaḻean in intau onu in siningognea tatua, lantaran Rohobí i Allah in nosingog bo noguman kon soaḷ mita inta tongá doman ki Allah in nonotaau. Táe aka intau inta mopoyaput in habar nongkon i Allah, yo tua in mopoyaputbí in habar kon intau; sin moginrigon kon pirisaya monia, mobogoi in ropot bo mohibur kon i monia. Intau inta momaké in bahasa inta mokoherang, tongábí moginrigon kon pirisayanea tontaní, táe intau inta mopoyaput in habar nongkon i Allah in motuḷungbí kon jamaat sinbá mobiag.
Mopiabí doman in ginaku aka moiko in motaau moposingog in bahasa inta mokoherang. Táe mopia-piabí kon motaau mopoyaput in habar nongkon i Allah. Sin intaubí inta motaau mopoyaput in habar nongkon i Allah in moponti-ponting nongkon intau inta nonotaau kon bahasa inta mokoherang; koḻikudbí in aka kotaauannea in mangaḻe in bahasa tatua, sahingga in komangaḻean doman in jamaat intua bo modugang morigon in pirisaya monia. Utatku mita, aka akuoi in mamangoi kon i monimu bo momaké in bahasa norupa-rupamai inta mokoherang kon intau, umpaka yo baraguna kon i monimu intua? Topiḻikmai yo diábí in mangaḻenea! Noyoposibí in aka akuoi mamangoi mopoyaput in koyow nongkon i Allah, ande moginsilang kon soaḷ mita nongkon i Allah, ande mopomangaḻe kon i monimu.
Sin ná bí onda bo alat mita in musik inta diá moḻiai táe motaaubí posingogon. Naonda bo bansí ande gambus, aka tongá kinoiru-irupnea, bo kinokuti-kutinea yo kotaauanbí naonda in dondong inta pinodondongnea tatua? Andeka torompet inta diá kodongogan motarang in singognea, yo ki inebí in mobasadia moparang? Natuabí doman in moiko inta mosingog takin bahasa inta mokoherang. Aka moiko bo mosingog takin bahasa inta diá komangaḻean, yo diábí doman komangaḻean intau in makusud in singogmu tatua. Dá singogmu mita tua in tongábí asaḷ bo dinongog. Kon dunia naa noantó totok in bahasa, táe diábí in tobatúmai bahasa tatua in diá in mangaḻenea. Táe aka diá komangaḻeanku in bahasa inta siningog in intau ibanea, yo intau tatua inanggapkubí diá nogogintaauan; natua doman in anggapannea kon inakó. Natua doman in moiko, kinotaauankubí kon moiko in moibogbí doman moramuji motayak kon totabi mita nongkon Roho i Allah. Tongá mopia totok aka moiko moramuji doman mopobaraguna in totabi mita tatua sin pobangon kon jamaat sinbá mobiag.
Tuamai, ki ine in mosingog kon bahasa inta mokoherang, yo musti doman in sia moramuji mopoigum kon i Allah sinbá motaau doman mopomangaḻe kon onu inta siningog tatua. Sin aka akuoi mosambayang bo momaké in bahasa inta mokoherang, dá tongábí rohoku in mosambayang, táe raianku in diábí. Dá onubí in musti aidanku? Tanaa in aidanku: Aka rohoku mosambayang yo akuoi in dumudui doman mosambayang kon bonu in raianku. Akuoi in modondong takin rohoku táe akuoi in moibog doman modondong takin raianku. Sin aka tongá rohonea in mosukur kon i Allah, bo oyúon in intau in diá nonotaau in bahasa pinakému tua, yo intau tatua in diábí moguman, “Amin” kon dodai in nokodongog kon sukurmu tatua, sin diá kinotaauannea in siningogmu tatua. Sin umpakabí mopia totok in sambayang pinosukurmu kon i Tuhan, táe kon intau ibanea diá in mangaḻe in sambayangmu tatua.
Akuoi in mosukur kon i Allah sin akuoi tontaní in nonotaaubí in bahasa inta mokoherang noiḻiu kon i monimu komintan. Táe aka wakutu in jamaat moyosipun mosumba kon i Tuhan, mosana-sanangbí in ginaku in mopoyaput in ḻima notontagá inta komangaḻean in intau dika in moantó in singog inta kon bonu in bahasa mokoherang táe diá komangaḻean in intau. Tuabí in totok kinoibogku sinbá motaau in akuoi motundú kon intau.
Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon. Sin kon bonu in Buk Motusi in pinais nanaa,
“Ki Tuhan in nosingog, ‘Pinongin intau mita ibanea
inta bahasanea tolaeng,
Akuoi in mosingog kon umat tanaa.
Bo pongin bibig in intau mita inta mokokiangoi, Akuoi in mosingog kon umat-Ku;
tongá mosia in doí mokidongog kon singog-Ku.’ ”
Manangka intua totabi inta mosingog kon bonu in bahasa inta mokoherang tua in tandabí kon intau inta diá mopirisaya, deemanbí kon intau inta mopirisaya. Yo totabi mopotaau in tomayá i Allah kon intau in tandabí kon intau inta mopirisaya, deemanbí kon intau inta diá mopirisaya. Tuamai aka kon bonu in poyosipunan kon jamaat, bo komintan jamaat mosingog takin bahasa inta norupa-rupamai bo inta mokoherang, bo oyúon in mokokiangoi, ande intau mita inta deeman Keresten, yo anggapon monia moiko in intaubí mita inta diá mongoratak! Táe aka moiko komintan bo mopoyaput in habar nongkon i Allah bo noiangoi in intau mita inta diá mopirisaya kon i Yesus ande oyúon in mokokiangoi ibanea, yo onu inta pinoyaputmu tua, komintanbí moponiata in oaidnea inta diá mopia bo moposadar kon inia. Onu inta noibuni kon bonu in ginanea komintanbí poontong, sahingga in mokopoompá kon dodia in sia bo moibog mosumba kon i Allah. Sia in mobaḻí mopirisaya totok kon ki Allah in umuranbí kotaki-takin monimu.

Dá uḻe utat mita, onu in mangaḻe intua komintan? Aka moiko moyosipun sin mosumba kon i Tuhan, oyúon in modondong, oyúon in motundú, oyúon mopoyaput in habar nongkon i Allah, oyúon in mosingog kon bonu in bahasa inta mokoherang bo oyúon doman in moginsilang kon onu inta pinoguman in intau tatua. Táe tua komintan in mustibí aidan sin motundú kon ponompia kon i monia komintan. Aka oyúon in mosingog kon bonu in bahasa inta mokoherang, yo tongádon doyowa ande toḷu in mopoyo-poyoḷuan. Bo musti oyúon in moginsilang kon onu inta siningog monia tua. Aka diá in motaau moginsilang kon mangaḻenea, yo intau mita inta motaau mosingog kon bahasa inta mokoherang tua musti kibio-biómai kon bonu in pinoyodungkuḷan tatua. Pomayádon mako in mosia in mosingog kon bonu in gina takin i Allah. Aka oyúon in habar nongkon i Allah in poyaput intau doyowa toḷu, yo musti poyaput, yo intau ibanea in musti mokidongog bo raion kopiaan onu in pinoguman monia tua. Táe aka koyogot in mosingog bo oyúon in noiḷabotmai kon intau inta mopoyaput in habar i Allah kon tampat pinoyodungkuḷan tatua, yo intau inta koyogot mosingog tatua, musti mogogai. Sin aka natua, yo moiko komintan, motaau moyo-moyoḷuan in mosingog sahingga in habar nongkon i Allah motaau poyaput; bo komintan motaau motarima kon totundú tatua bo modugang in pirisaya. Totabi nongkon roho inta mopoyaput in habar nongkon i Allah tua in motaaubí atoron in intau inta nopoyaput in habar tatua. Sin doíbí in ki Allah kon kobobiag intau motombauk. Koibog-Nea in kobobiagbí inta motompia.
Ná inta nobaḻídon kon bayongan jamaat i Allah, aka kon poyoyodungkuḷan natua, bobay in diábí motaau in mosingog. Mosia in musti kibio-biómai. Mosia in diábí motaau mobaḻí itoi; ná inta kon bonu in hukum i Musa. Aka moibog in mosia monotaau kon yagi-yagi, yo motaaubí in moḻibó kon i buḷoinea táe bain kon baḷoi. Sin totokbí in mokooyá in tobatú bobay mosingog kon tayowon intau moantó.
Ande degá nongkon imonimubí in pirman i Allah? Andeka tongábí moiko in pinopotaauan in pirman mita tatua? Aka rasaanmai monimu bo oyúonbí in totabi mopoyaput in habar nongkon i Allah, andeka inogoianbí i Allah in totabi kon soaḷ mita ibanea, yo intau tatua in mustibí mosadar kon onu inta pinaisku tanaa, komintanbí parenta nongkon i Tuhan. Táe aka oyúon in doí motarima kon onu inta pinogumanku mita naa, yo donaaibí mako in sia tua.
Tuamai uḻe utatku mita, poramuji mopoyaput in habar nongkon i Allah, bo dika molarang kon intau inta mosingog kon bonu in bahasa inta mokoherang. Tua komintan in musti aidan kopiaan bo kotompiaan.

Poslušaj KORINTUS 1 14