Ayta, Mag-Indi (NT) - WBT Version (Non-Drama)

Aytan Mag-Indi

<div class="version vid2765 iso6393blx" data-vid="2765" data-iso6393="blx">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Ya pakitbay Jesus kan Juan ya Mamawtismu</div><div class="r">(Lucas 7:18-35)</div><div class="p"> 1Pamakayarin tinurwanan Jesus ya mapu buy luway tagasunul na, namita ya sa lugal abitu am&#234;n manuru buy mangaral &#234;t sa mani narani ya lugal baydu.</div><div class="p"> 2Nakasukul sa panawun abitu si Juan ya Mamawtismu. Natandan nay mani pandayg&#234;n Cristu. Kabay in-utus nay mani tagasunul na 3am&#234;n ipatang kanay paradi, &#8220;Sikayna nayi ya pan-&#234;t&#234;ng&#234;n yan na lumat&#234;ng o mang&#234;t&#234;ng kay pun kaatag?&#8221;</div><div class="p"> 4Nakitbay si Jesus, &#8220;Mag-udung kaw kan Juan buy ibalita yu kanay nal&#234;ng&#234; buy nakit yu am&#234;s&#234;n. 5Nakakit tanay mani bulag. Nakabitay mani lumpu. Inumiyul la mani nagketung. Nakal&#234;ng&#234;y mani as&#234; kal&#234;ng&#234;. Pampabyay&#234;n na mani nati. Buy pan-iaral lana sa mani kaluluy Mang&#234;d da Balita. 6Buy sabin yu &#234;t kanay pinagpalay tawuy as&#234; magluway nak&#234;m kangku!&#8221;</div><div class="p"> 7Kaban mamitay mani tagasunul Juan, pinatang Jesus ya mani tawu, &#8220;Sabitun naku kaw sa kakyangan, sab&#234;t ta napilmi yun makit? Gisay timbu nayi ya pangkimpay&#234;n angin? As&#234;! 8Gisay tawu nayi ya nakayaming mang&#234;d? As&#234;, ta ya mani tawuy nakayaming mang&#234;d, kay makitan sa balin ari. 9Naku kaw &#234;t nayi sa kakyangan am&#234;n makit ya gisay propeta? Awu! P&#234;t&#234;g, gisa yabay propeta si Juan. Nuwa pansabin ku kamuyuy igit yapun sa gisay propeta. 10Ta sabay si Juan na pantukuyun Bapan Namalyari sabitun sinabi na sa Kasulatan,</div><div class="q1">&#8216;Dilag gakun gisay iutus ya muna kamu am&#234;n mil-an danan mu.&#8217; &#8221; #11:10 Malakias 3:1.</div><div class="p"> 11&#8220;Pansabin ku kamuyuy ayin tawuy in-anak ya igit pun kan Juan. Nuwa nu sisab&#234;t man na pinakanay&#234;pa sa mani tawuy pag-arian Bapan Namalyari, igit yapun kan Juan.#11:11 Igit sila kan Juan ta sabay silay makakit un pag-umpisan pag-arin Bapan Namalyari. Si Juan, nati yina bayu nag-umpisa ya pag-arin Bapan Namalyari. 12Ubat pun sa pangaral Juan angga am&#234;s&#234;n, pampilitin mani tawun mibilang sila sa pag-arian Bapan Namalyari. 13Tagawan ya kaganawan propeta, nagsabi yana sabitun nuna tungkul sa pag-arin Bapan Namalyari buy idi &#234;t sa Kautusan na impasulat kan Moises. Nuwa ya abiin, kay aangga sa panawun Juan. 14Buy nu maniwala kaw sa pansabin na ati, si Juan sabay si Elias ya impangakun lumat&#234;ng. 15Sikaw wa mani mall&#234;ng&#234;, pakaisipin yuy nal&#234;ng&#234; yu!&#8221;</div><div class="p"> 16Sinabi pun &#234;t Jesus, &#8220;Sa sab&#234;t ku maiparisuy mani tawu sa panawun am&#234;s&#234;n? Maiparisu ku sila sa mani anak ka nakaiknu sa pangapalan. Pansabin lan masn&#234;g sa mani kakapal la,</div><div class="q1"> 17&#8216;Tinigtigan yan kaw bulugudyung, nuwa a kaw nanal&#234;k.</div><div class="q1">Nagkanta kay pagkanta sa nati, nuwa siyan a kaw nanangis.&#8217; &#8221;</div><div class="p"> 18&#8220;Para &#234;t bayduy mani tawu am&#234;s&#234;n ya s&#234;n inlumat&#234;ng baydi si Juan, nakitan la yay mag-ayunu buy as&#234; mamin&#234;m alak. Pansabin lay, &#8216;Pans&#234;dakan nadawak ka ispirituy tawun abiin.&#8217; 19Buy sikuy ubat sa langit ta in-Anak Tawu, s&#234;n inlumat&#234;ng ngaku baydi, nakitan lakun mangan buy mamin&#234;m alak, siyan pansabin lay, &#8216;El&#234;w&#234;n yumbay ya tawun abiin! Masing-ul buy mapaglasing ya, kaluguran yan mani maningil buwis buy mani mapanyag kasalanan!&#8217; Nuwa paraman baydu, mapagpap&#234;tgan na p&#234;t&#234;g ga kabiyasnan Bapan Namalyari sa kapamilatan diyag mani tawuy manunul sa kalabayan na.&#8221;</div><div class="s">Pamatanda sa mani balayan ya as&#234; nagsisi</div><div class="r">(Lucas 10:13-15)</div><div class="p"> 20Pamakayari, sinabyanan Jesus ya mani tawu sa mani balayan ya pinanyagan nan malak&#234;y mamakaupapas, gawan a sila nagsisi sa mani kasalanan la. 21Sinabi na, &#8220;Mamakapalunus kaw wa mani taga balayan Corazin! Mamakapalunus kaw &#234;t ta mani taga balayan Bethsaida! Ta nu sa balayan Tiro buy balayan Sidon nalyari ya mani mamakaupapas ya dinyag ku kamuyu, manayna dayi silan nagyaming saku buy inabwan lan abuy ulu la bilang pagpap&#234;t&#234;g ga nagsisi silayna. 22Nuwa pansabin ku kamuyuy sa Allun Pangukum Bapan Namalyari, mas mabyat ta parusay madanasan yu kaysa mani taga Tiro buy mani taga Sidon. Gawan agyan nakit yuy mani mamakaupapas ya dinyag ku, a kaw nagsisi sa mani kasalanan yu. 23Buy sikaw wa mani taga Capernaum, indap yu kali nu day&#234;w&#234;n kaw angga sa langit? As&#234;! Isamwag kaw sa impernu! Tagawan nu sa Sodoma nalyari ya mani mamakaupapas ya dinyag ku kamuyu, as&#234; dayi inulam Bapan Namalyari ya balayan la buy nanug&#234;l pun dayi ya balayan la angga am&#234;s&#234;n. 24Kabay pansabin ku kamuyu, sa Allun Pangukum, mas mabyat ta parusay madanasan yu kaysa mani taga Sodoma.&#8221;</div><div class="s">Magdani kan Jesus ya mani magkasakit buy mabyatan</div><div class="r">(Lucas 10:21-22)</div><div class="p"> 25Sa uras &#234;t abitu sinabin Jesus, &#8220;Pampasalamatan katay Bapa, ya Panginuun sa langit buy baydi sa babun luta, gawan inliim muy ati ya kap&#234;t&#234;gan sa mani tawuy biyasa buy sa mani matag-ay ya pinag-aralan, nun a impatanda mu sa mani tawuy kaparisun nab&#234;l&#234;ng nga anak ya ayin pun tanda. 26Awuy Bapa, dinyag muy abiin ta abiin na kalabayan mu.&#8221;</div><div class="p"> 27Pamakayari, sinabi na sa mani tawu, &#8220;Indin na kangkun Bapay kaganawan. Ayin magtanda kangkuy Anak na, nun a kay ya Bapa ku. Buy ayin &#234;t magtanda kan Bapa, nun a kay sikuy Anak na buy ya mani tawuy pinili kun pipatandan kana.&#8221;</div><div class="p"> 28&#8220;Magdani kaw kangku, sikaw wa kaganawan magkasakit buy mabyatan, ta sikuy mam-in kapaynawan kamuyu. 29Sunulun yuy mani utus ku buy mag-aral kaw kangku, tagawan mang&#234;d buy nay&#234;pay nak&#234;m ku. Buy makatanam kaw kapaynawan, 30gawan as&#234; mabyat ta pawud ku buy nal&#234;p-aw wa pan-ipabakay ku kamuyu.&#8221;</div>
 </div>
 </div>
</div>

Pamakayarin tinurwanan Jesus ya mapu buy luway tagasunul na, namita ya sa lugal abitu amên manuru buy mangaral êt sa mani narani ya lugal baydu.
Nakasukul sa panawun abitu si Juan ya Mamawtismu. Natandan nay mani pandaygên Cristu. Kabay in-utus nay mani tagasunul na amên ipatang kanay paradi, “Sikayna nayi ya pan-êtêngên yan na lumatêng o mangêtêng kay pun kaatag?”
Nakitbay si Jesus, “Mag-udung kaw kan Juan buy ibalita yu kanay nalêngê buy nakit yu amêsên. Nakakit tanay mani bulag. Nakabitay mani lumpu. Inumiyul la mani nagketung. Nakalêngêy mani asê kalêngê. Pampabyayên na mani nati. Buy pan-iaral lana sa mani kaluluy Mangêd da Balita. Buy sabin yu êt kanay pinagpalay tawuy asê magluway nakêm kangku!”
Kaban mamitay mani tagasunul Juan, pinatang Jesus ya mani tawu, “Sabitun naku kaw sa kakyangan, sabêt ta napilmi yun makit? Gisay timbu nayi ya pangkimpayên angin? Asê! Gisay tawu nayi ya nakayaming mangêd? Asê, ta ya mani tawuy nakayaming mangêd, kay makitan sa balin ari. Naku kaw êt nayi sa kakyangan amên makit ya gisay propeta? Awu! Pêtêg, gisa yabay propeta si Juan. Nuwa pansabin ku kamuyuy igit yapun sa gisay propeta. Ta sabay si Juan na pantukuyun Bapan Namalyari sabitun sinabi na sa Kasulatan,
‘Dilag gakun gisay iutus ya muna kamu amên mil-an danan mu.’ ”
“Pansabin ku kamuyuy ayin tawuy in-anak ya igit pun kan Juan. Nuwa nu sisabêt man na pinakanayêpa sa mani tawuy pag-arian Bapan Namalyari, igit yapun kan Juan. Ubat pun sa pangaral Juan angga amêsên, pampilitin mani tawun mibilang sila sa pag-arian Bapan Namalyari. Tagawan ya kaganawan propeta, nagsabi yana sabitun nuna tungkul sa pag-arin Bapan Namalyari buy idi êt sa Kautusan na impasulat kan Moises. Nuwa ya abiin, kay aangga sa panawun Juan. Buy nu maniwala kaw sa pansabin na ati, si Juan sabay si Elias ya impangakun lumatêng. Sikaw wa mani mallêngê, pakaisipin yuy nalêngê yu!”
Sinabi pun êt Jesus, “Sa sabêt ku maiparisuy mani tawu sa panawun amêsên? Maiparisu ku sila sa mani anak ka nakaiknu sa pangapalan. Pansabin lan masnêg sa mani kakapal la,
‘Tinigtigan yan kaw bulugudyung, nuwa a kaw nanalêk.
Nagkanta kay pagkanta sa nati, nuwa siyan a kaw nanangis.’ ”
“Para êt bayduy mani tawu amêsên ya sên inlumatêng baydi si Juan, nakitan la yay mag-ayunu buy asê maminêm alak. Pansabin lay, ‘Pansêdakan nadawak ka ispirituy tawun abiin.’ Buy sikuy ubat sa langit ta in-Anak Tawu, sên inlumatêng ngaku baydi, nakitan lakun mangan buy maminêm alak, siyan pansabin lay, ‘Elêwên yumbay ya tawun abiin! Masing-ul buy mapaglasing ya, kaluguran yan mani maningil buwis buy mani mapanyag kasalanan!’ Nuwa paraman baydu, mapagpapêtgan na pêtêg ga kabiyasnan Bapan Namalyari sa kapamilatan diyag mani tawuy manunul sa kalabayan na.”


Pamakayari, sinabyanan Jesus ya mani tawu sa mani balayan ya pinanyagan nan malakêy mamakaupapas, gawan a sila nagsisi sa mani kasalanan la. Sinabi na, “Mamakapalunus kaw wa mani taga balayan Corazin! Mamakapalunus kaw êt ta mani taga balayan Bethsaida! Ta nu sa balayan Tiro buy balayan Sidon nalyari ya mani mamakaupapas ya dinyag ku kamuyu, manayna dayi silan nagyaming saku buy inabwan lan abuy ulu la bilang pagpapêtêg ga nagsisi silayna. Nuwa pansabin ku kamuyuy sa Allun Pangukum Bapan Namalyari, mas mabyat ta parusay madanasan yu kaysa mani taga Tiro buy mani taga Sidon. Gawan agyan nakit yuy mani mamakaupapas ya dinyag ku, a kaw nagsisi sa mani kasalanan yu. Buy sikaw wa mani taga Capernaum, indap yu kali nu dayêwên kaw angga sa langit? Asê! Isamwag kaw sa impernu! Tagawan nu sa Sodoma nalyari ya mani mamakaupapas ya dinyag ku kamuyu, asê dayi inulam Bapan Namalyari ya balayan la buy nanugêl pun dayi ya balayan la angga amêsên. Kabay pansabin ku kamuyu, sa Allun Pangukum, mas mabyat ta parusay madanasan yu kaysa mani taga Sodoma.”


Sa uras êt abitu sinabin Jesus, “Pampasalamatan katay Bapa, ya Panginuun sa langit buy baydi sa babun luta, gawan inliim muy ati ya kapêtêgan sa mani tawuy biyasa buy sa mani matag-ay ya pinag-aralan, nun a impatanda mu sa mani tawuy kaparisun nabêlêng nga anak ya ayin pun tanda. Awuy Bapa, dinyag muy abiin ta abiin na kalabayan mu.”
Pamakayari, sinabi na sa mani tawu, “Indin na kangkun Bapay kaganawan. Ayin magtanda kangkuy Anak na, nun a kay ya Bapa ku. Buy ayin êt magtanda kan Bapa, nun a kay sikuy Anak na buy ya mani tawuy pinili kun pipatandan kana.”
“Magdani kaw kangku, sikaw wa kaganawan magkasakit buy mabyatan, ta sikuy mam-in kapaynawan kamuyu. Sunulun yuy mani utus ku buy mag-aral kaw kangku, tagawan mangêd buy nayêpay nakêm ku. Buy makatanam kaw kapaynawan, gawan asê mabyat ta pawud ku buy nalêp-aw wa pan-ipabakay ku kamuyu.”

Poslušaj Mateo 11