If you have would like a copy of this version please contact info@davaraudiobibles.org

The Gofa Bible, CC-BY-SA-4.0, The Word for the World International and The Word for the World Ethiopia. (Text). Gofa Audio Bible, CC-BY-SA-4.0, Davar Partners International, 2018. (Audio).

ጌሻ ማፃፋ

<div class="version vid2344 iso6393gof" data-vid="2344" data-iso6393="gof">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s1">Dere Bolla Tamaarsida Timirte</div><div class="p"> 1Daro derey shiiqidaysa Yesuusi be7ida wode zumaa bolla keyidi uttis. Iya tamaareti iyako shiiqin, 2haysada yaagidi tamaarsis:</div><div class="s1">Tuma Ufaysi</div><div class="r">(Luqa 6:2-23)</div><div class="q1"> 3&#8220;Banta ayyaanan manqoti anjetidaysata,</div><div class="q2">salo kawotethay entassa.</div><div class="q1"> 4Yeekeysati anjetidaysata,</div><div class="q2">enti minthetho demmana.#Isa 61:2.</div><div class="q1"> 5Banta wozanan ashketi anjetidaysata,</div><div class="q2">enti sa7aa laattana.#Maz 37:11.</div><div class="q1"> 6Xillobaa oothanaw koshateysatinne saamoteysati anjetidaysata,</div><div class="q2">enti kallana.#Isa 55:1.</div><div class="q1"> 7Maareysati anjetidaysata,</div><div class="q2">enti maarotethi demmana.</div><div class="q1"> 8Wozana geeshshati anjetidaysata,</div><div class="q2">enti Xoossaa be7ana.#Maz 24:3.</div><div class="q1"> 9Sigetheysati anjetidaysata,</div><div class="q2">enti Xoossaa nayta geetetidi xeegetana.</div><div class="q1"> 10Xillobaa oothiya gisho gidi,</div><div class="q2">goodeteysati anjetidaysata,</div><div class="q2">salo kawotethay entassa.#1 Phex 3:14.</div><div class="p"> 11&#8220;Asay hintena ta gisho gidi cayiya wode, gooddiya wodenne hinte bolla iitabaa ubbaa wordon odisiya wode hinte anjetidaysata.#1 Phex 4:14. 12Hinte woytoy salon gita gidiya gisho ufaytite, hashshu giite. Hintefe kase de7iya nabeta hessada goodidosona.#2 Taari 36:16; Hawa 7:52.</div><div class="s1">Maxinenne Poo7o</div><div class="p"> 13&#8220;Hinte biittas maxine; maxiney ba maxinetetha aggiko, ba mal7otetha waati zaari demmanee? Kare holin asan yedhetanaape attishin, aybiska maaddenna.#Mar 9:50; Luqa 14:34-35.</div><div class="p"> 14&#8220;Hinte biittas poo7o; zuma bolla de7iya katamiya qosetanaw danda7uku.#Yoha 8:12; 9:5. 15Xompe oythidi son de7iya asa ubbaas poo7ana mela dhoqa son wotheesipe attishin, daallo giddon wothey baawa.#Mar 4:21; Luqa 8:16; 11:33. 16Hessa mela asay hinte lo77o oosuwa be7idi, salon de7iya hinte aawa bonchana mela hinte poo7oy asa sinthan poo7o.#1 Phex 2:12.</div><div class="s1">Muse Higge</div><div class="p"> 17&#8220;Taani Muse higgiyanne nabeta qaala shaaranaw yida hintew daanopo. Taani, enti odidaysi tuma gideysa qoncisanaw yasipe attishin, shaaranaw yabiike. 18Ta hintew tuma odayis; saloynne sa7i aadhana gakanaw higge ubbay poletanaape attishin, higgiyafe issi qaalay woyko pidaley aadhenna.#Luqa 16:17. 19Hessa gisho, ha kiitatape guuxiya issi kiitaa menthiya oonika qassi harata hessatho oothana mela tamaarsey oonika salo kawotethan ubbaafe guutha gidana. Shin ha kiitaa poleysinne harataka polana mela tamaarsey salo kawotethan gita gidana. 20Ta hintew odayis; hinte xillotethay Farsaaweta xillotethaafenne higge astamaareta xillotethafe aadhona ixiko, salo kawotethaa geleketa.</div><div class="s1">Wodhoba</div><div class="p"> 21&#8220;Hinte mayzatas, &#8216;Wodhopite; shempo wodhida oonika pirdetana&#8217; geetetoysa si7ideta.#Kessa 20:13; Zaare 5:17. 22Shin ta hintew odayis; ba isha bolla hanqetiya ubbay pirdetana. Ba ishaa cayiya oonika daynna sinthe pirdas shiiqana. Ba ishaako, &#8216;Eeyay&#8217; giya oonika qassi gaanname taman pirdetana.</div><div class="p"> 23&#8220;Hessa gisho, neeni ne yarshuwa yarshiya wode, ne isha qohidabay new akeeketiko, 24ne yarshuwa he bessan aggada ba; koyrota bada ne ishaara giiga; yaata simmada, ne yarshuwa Xoossaas yarsha.</div><div class="p"> 25&#8220;Nena mooteysara pirda keethi bashe oge bolla iyara giiga. Hessi atto giiko I nena daynna sinthe efana. Daynnay nena qacheysas aathidi immana; I nena woynen yeggana. 26Ta tuma odayis; ne bolla pirdetida acuwa issi santimey attonna cigga ongana gakanaw qasho keethafe keyaka.</div><div class="s1">Laymatethaba</div><div class="p"> 27&#8220;Haysafe kase, &#8216;Laymatopite&#8217; geetetoysa si7ideta.#Kessa 20:14; Zaare 5:18. 28Shin ta hintew odayis, maccas xeellidi, amotida ubbay ba wozanan iira laymatees. 29Ne ushacha ayfey new nagaras gaaso gidiko, kessa hola. Ne asatethay kumethi gaanname taman wodhanaape ne asatethafe issoy dhayiko new lo77o.#Maato 18:9; Mar 9:47. 30Ne ushacha kushey new nagaras gaaso gidiko, iya qanxa hola. Ne asatethay kumethi gaanname taman wodhanaape ne asatethafe issoy dhayiko, new lo77o.#Maato 18:8; Mar 9:43.</div><div class="s1">Macho Anjoba</div><div class="r">(Maato 19:9; Mar 10:11-12; Luqa 16:18)</div><div class="p"> 31&#8220; &#8216;Ba machees anjo worqate immo&#8217; geetetis.#Maato 19:7; Mar 10:4. 32Shin ta hintew odayis; ba machiya laymatonna de7ishin billiya oonika iya laymatana mela oothees. Hessadaka, anjetida maccasiw ekiya ubbay laymatees.#Maato 19:9; Mar 10:11-12; Luqa 16:18; 2 Qoro 7:10-11.</div><div class="s1">Caaqoba</div><div class="p"> 33&#8220;Hinte mayzatako, &#8216;Wordon caaqofite; hinte Xoossaa sinthan caaqidaysa polite&#8217; geetetidaysa si7ideta.#Leewe 19:12; Taybo 30:2; Zaare 23:21. 34Shin ta hintew odayis; ubbaraka caaqofite. Xoossay uttiya araata gidiya gisho, salon caaqofite.#Maato 23:22. 35Iya tohoy yedhiya soo gidiya gisho, sa7anka caaqofite. Gita kawa katama gidiya gisho, Yerusalaamenka caaqofite.#Isa 66:1; Maz 48:2. 36Hinte binaanape issuwaka boothi woyko kareethi oothanaw danda7onna gisho, hinte, hinte huuphenka caaqofite. 37Hessa gisho, hinte qaalay, &#8216;Ee&#8217; woyko &#8216;Akay&#8217; gido. Hessafe kare keyey Xalahepe yees.</div><div class="s1">Halo Keyopa</div><div class="p"> 38&#8220; &#8216;Ayfe gisho ayfe; acha gisho ache&#8217; geetetidaysa si7ideta.#Kessa 21:24; Leewe 24:20; Zaare 19:19. 39Shin ta hintew odayis; hinte bolla iitabaa oothiya uraara eqetofite. Oonika ne ushacha shakala baqiko ne haddirsa shakala bessa. 40Issi asi ne shamziya ekanaw nena mootiko, ne kootiya gujada imma. 41Issi asi nena wolqan babaa toossidi issi saate oge baara baana mela nena un7ethiko, iyara nam7u saate oge ba. 42Woossiya oodeska imma; neepe tal7anaw koyiya oonaka diggofa.</div><div class="s1">Ne Morketa Dosa</div><div class="r">(Luqa 6:27-36)</div><div class="p"> 43&#8220; &#8216;Nena doseysa dosa; nena ixeysa ixa&#8217; geetetoysa si7ideta. 44Shin ta hintew odayis; hinte morketa dosite; hintena qoheysatas woossite. 45Hessatho hinte oothiko, salon de7iya hinte aawas hinte nayta gidana. I iitatasinne lo77otas awa kessees; xillotasinne nagaranchotas ba ira bukisees. 46Hintena dosiya asaa xalaala hinte dosiko, hintew ay woytoy de7ii? Hari attoshin, qaraxa qanxiseysatika hessa oothosona. 47Hinte, hinte ishata xalaala sarothiko, haratape ay hara aadhiyaba oothidetii? Hari attoshin, Xoossaa ammanonna asayka hessa oothosona. 48Hiza, salon de7iya hinte aaway polo gidoysada hinteka polo gidite.&#8221;#Leewe 19:2; Zaare 18:13.</div>
 </div>
 </div>
</div>

The Word for the World International and The Word for the World Ethiopia

Daro derey shiiqidaysa Yesuusi be7ida wode zumaa bolla keyidi uttis. Iya tamaareti iyako shiiqin, haysada yaagidi tamaarsis:


“Banta ayyaanan manqoti anjetidaysata,
salo kawotethay entassa.
Yeekeysati anjetidaysata,
enti minthetho demmana.
Banta wozanan ashketi anjetidaysata,
enti sa7aa laattana.
Xillobaa oothanaw koshateysatinne saamoteysati anjetidaysata,
enti kallana.
Maareysati anjetidaysata,
enti maarotethi demmana.
Wozana geeshshati anjetidaysata,
enti Xoossaa be7ana.
Sigetheysati anjetidaysata,
enti Xoossaa nayta geetetidi xeegetana.
Xillobaa oothiya gisho gidi,
goodeteysati anjetidaysata,
salo kawotethay entassa.
“Asay hintena ta gisho gidi cayiya wode, gooddiya wodenne hinte bolla iitabaa ubbaa wordon odisiya wode hinte anjetidaysata. Hinte woytoy salon gita gidiya gisho ufaytite, hashshu giite. Hintefe kase de7iya nabeta hessada goodidosona.

“Hinte biittas maxine; maxiney ba maxinetetha aggiko, ba mal7otetha waati zaari demmanee? Kare holin asan yedhetanaape attishin, aybiska maaddenna.
“Hinte biittas poo7o; zuma bolla de7iya katamiya qosetanaw danda7uku. Xompe oythidi son de7iya asa ubbaas poo7ana mela dhoqa son wotheesipe attishin, daallo giddon wothey baawa. Hessa mela asay hinte lo77o oosuwa be7idi, salon de7iya hinte aawa bonchana mela hinte poo7oy asa sinthan poo7o.

“Taani Muse higgiyanne nabeta qaala shaaranaw yida hintew daanopo. Taani, enti odidaysi tuma gideysa qoncisanaw yasipe attishin, shaaranaw yabiike. Ta hintew tuma odayis; saloynne sa7i aadhana gakanaw higge ubbay poletanaape attishin, higgiyafe issi qaalay woyko pidaley aadhenna. Hessa gisho, ha kiitatape guuxiya issi kiitaa menthiya oonika qassi harata hessatho oothana mela tamaarsey oonika salo kawotethan ubbaafe guutha gidana. Shin ha kiitaa poleysinne harataka polana mela tamaarsey salo kawotethan gita gidana. Ta hintew odayis; hinte xillotethay Farsaaweta xillotethaafenne higge astamaareta xillotethafe aadhona ixiko, salo kawotethaa geleketa.

“Hinte mayzatas, ‘Wodhopite; shempo wodhida oonika pirdetana’ geetetoysa si7ideta. Shin ta hintew odayis; ba isha bolla hanqetiya ubbay pirdetana. Ba ishaa cayiya oonika daynna sinthe pirdas shiiqana. Ba ishaako, ‘Eeyay’ giya oonika qassi gaanname taman pirdetana.
“Hessa gisho, neeni ne yarshuwa yarshiya wode, ne isha qohidabay new akeeketiko, ne yarshuwa he bessan aggada ba; koyrota bada ne ishaara giiga; yaata simmada, ne yarshuwa Xoossaas yarsha.
“Nena mooteysara pirda keethi bashe oge bolla iyara giiga. Hessi atto giiko I nena daynna sinthe efana. Daynnay nena qacheysas aathidi immana; I nena woynen yeggana. Ta tuma odayis; ne bolla pirdetida acuwa issi santimey attonna cigga ongana gakanaw qasho keethafe keyaka.

“Haysafe kase, ‘Laymatopite’ geetetoysa si7ideta. Shin ta hintew odayis, maccas xeellidi, amotida ubbay ba wozanan iira laymatees. Ne ushacha ayfey new nagaras gaaso gidiko, kessa hola. Ne asatethay kumethi gaanname taman wodhanaape ne asatethafe issoy dhayiko new lo77o. Ne ushacha kushey new nagaras gaaso gidiko, iya qanxa hola. Ne asatethay kumethi gaanname taman wodhanaape ne asatethafe issoy dhayiko, new lo77o.


“ ‘Ba machees anjo worqate immo’ geetetis. Shin ta hintew odayis; ba machiya laymatonna de7ishin billiya oonika iya laymatana mela oothees. Hessadaka, anjetida maccasiw ekiya ubbay laymatees.

“Hinte mayzatako, ‘Wordon caaqofite; hinte Xoossaa sinthan caaqidaysa polite’ geetetidaysa si7ideta. Shin ta hintew odayis; ubbaraka caaqofite. Xoossay uttiya araata gidiya gisho, salon caaqofite. Iya tohoy yedhiya soo gidiya gisho, sa7anka caaqofite. Gita kawa katama gidiya gisho, Yerusalaamenka caaqofite. Hinte binaanape issuwaka boothi woyko kareethi oothanaw danda7onna gisho, hinte, hinte huuphenka caaqofite. Hessa gisho, hinte qaalay, ‘Ee’ woyko ‘Akay’ gido. Hessafe kare keyey Xalahepe yees.

“ ‘Ayfe gisho ayfe; acha gisho ache’ geetetidaysa si7ideta. Shin ta hintew odayis; hinte bolla iitabaa oothiya uraara eqetofite. Oonika ne ushacha shakala baqiko ne haddirsa shakala bessa. Issi asi ne shamziya ekanaw nena mootiko, ne kootiya gujada imma. Issi asi nena wolqan babaa toossidi issi saate oge baara baana mela nena un7ethiko, iyara nam7u saate oge ba. Woossiya oodeska imma; neepe tal7anaw koyiya oonaka diggofa.


“ ‘Nena doseysa dosa; nena ixeysa ixa’ geetetoysa si7ideta. Shin ta hintew odayis; hinte morketa dosite; hintena qoheysatas woossite. Hessatho hinte oothiko, salon de7iya hinte aawas hinte nayta gidana. I iitatasinne lo77otas awa kessees; xillotasinne nagaranchotas ba ira bukisees. Hintena dosiya asaa xalaala hinte dosiko, hintew ay woytoy de7ii? Hari attoshin, qaraxa qanxiseysatika hessa oothosona. Hinte, hinte ishata xalaala sarothiko, haratape ay hara aadhiyaba oothidetii? Hari attoshin, Xoossaa ammanonna asayka hessa oothosona. Hiza, salon de7iya hinte aaway polo gidoysada hinteka polo gidite.”

Poslušaj Maatosa 5