Haitian Creole

<div class="version vid1957 iso6393hat" data-vid="1957" data-iso6393="hat">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s1">Gwo inondasyon an</div><div class="p"> 1Seny&#232; a di Noye:</div><div class="p">&#8212; Antre nan gwo batiman an, ou menm ansanm #Jen 6.9; Mat 24.38,39; Lik 17.26,27; Eb 11.7; 1 Py&#232; 3.20 ak tout fanmi ou, paske, nan tout moun k'ap viv kounye la a, se ou menm s&#232;l mwen w&#232; k'ap mache dwat devan mwen. 2Nan #Lev 11.1-31 tout b&#232;t ki bon pou moun manje, w'a pran s&#232;t mal ak s&#232;t fenm&#232;l nan chak kalite. Nan tout b&#232;t ki pa bon pou moun manje, w'a pran yon mal ak yon fenm&#232;l nan chak kalite. 3Konsa tou, pou zwazo k'ap vole nan sy&#232;l la, w'a pran s&#232;t mal ak s&#232;t fenm&#232;l nan chak kalite, pou ras la pa dispar&#232;t sou lat&#232;. 4Paske, #Jen 6.17 nan s&#232;t jou ank&#242;, m'ap f&#232; yon s&#232;l lapli tonbe sou lat&#232; pandan karant jou karant nwit. M'ap dispar&#232;t tout moun ak tout b&#232;t mwen te f&#232; mete sou lat&#232;.</div><div class="p"> 5Noye #Jen 6.22 f&#232; tou sa Seny&#232; a te ba li l&#242;d f&#232; a.</div><div class="p"> 6Noye te gen sisanzan (600 an) l&#232; inondasyon an te f&#232;t sou lat&#232;. 7Li antre nan batiman an, li menm, pitit gason li yo, madanm li ansanm ak madanm pitit li yo, pou yo te ka chape anba inondasyon an. 8Tout kalite b&#232;t, kit sa ki bon pou moun manje, kit sa ki pa bon pou moun manje, tout zwazo, tout b&#232;t ki trennen sou vant, 9yo tout yo vin jwenn Noye nan batiman an, de pa de, mal ak fenm&#232;l, jan Bondye te bay Noye l&#242;d la. 10Sou s&#232;t jou vre, dlo kouvri tout lat&#232;.</div><div class="p"> 11Jou #Jen 8.2; S&#242;m 78.23; Pwo 8.28; Eza 24.18; Mal 3.10 ki f&#232; Noye sisanzan (600 an), yon mwa, dis&#232;t jou, tout sous nan fon lanm&#232; a pete. Sy&#232;l la menm louvri, li konmanse vide dlo sou t&#232; a. 12Lapli tonbe san rete pandan karant jou karant nwit.</div><div class="p"> 13Menm jou sa a, Noye, madamn li, pitit gason l yo, S&#232;m, Kam ak Jaf&#232;, ansanm ak madanm yo antre nan batiman an, 14ansanm ak tout kalite b&#232;t domestik, tout kalite b&#232;t ki trennen sou vant ak tout kalite zwazo, tout kalite ti zwazo, tout kalite b&#232;t ki gen z&#232;l. 15Yo #Jen 6.20 tout yo te vin jwenn Noye nan batiman an, de grenn nan chak kalite b&#232;t vivan ki sou lat&#232;. 16Se #Jen 7.2,3 konsa, yon mal ak yon fenm&#232;l nan chak kalite b&#232;t vivan antre nan batiman an, jan Bondye te bay l&#242;d la. Epi Bondye f&#232;men p&#242;t la d&#232;y&#232; Noye. 17Pandan karant jou, dlo kouvri tout t&#232; a. Dlo yo gonfle, yo f&#232; batiman an p&#232;di t&#232;. 18Dlo yo ranf&#242;se, yo gonfle pi r&#232;d sou t&#232; a jouk batiman an t'ap flote n&#232;t sou dlo a. 19Dlo a #S&#242;m 104.6 moute pi r&#232;d toujou anwo t&#232; a, li kouvri t&#232;t tout gwo m&#242;n ki anba sy&#232;l la. 20Dlo a moute vennsenk pye depase t&#232;t m&#242;n yo. 21L&#232; #Jen 6.13,17; 2 Py&#232; 3.6 sa a, tout b&#232;t sou lat&#232; mouri: zwazo, b&#232;t domestik, zannimo, tout b&#232;t ki trennen sou vant yo, ansanm ak tout moun. 22Tout #Jen 2.7 b&#232;t vivan ak tout moun sou lat&#232; mouri. 23Se #2 Py&#232; 2.5 konsa, Seny&#232; a detwi tout b&#232;t, tou sa ki te sou lat&#232;, depi ou tande se moun jouk zannimo domestik, b&#232;t ki trennen sou vant ak zwazo k'ap vole nan sy&#232;l la. Yo tout yo dispar&#232;t sou lat&#232;. S&#232;l moun ki te rete se te Noye av&#232;k l&#242;t moun ki te nan batiman an ansanm ak li yo. 24Apre sa, dlo a rete anwo t&#232; a pandan sansenkant (150) jou.</div>
 </div>
 </div>
</div>

Haitian Creole DC Bible © Societé Biblique Haïtienne, 1998.

Senyè a di Noye:
— Antre nan gwo batiman an, ou menm ansanm ak tout fanmi ou, paske, nan tout moun k'ap viv kounye la a, se ou menm sèl mwen wè k'ap mache dwat devan mwen. Nan tout bèt ki bon pou moun manje, w'a pran sèt mal ak sèt fenmèl nan chak kalite. Nan tout bèt ki pa bon pou moun manje, w'a pran yon mal ak yon fenmèl nan chak kalite. Konsa tou, pou zwazo k'ap vole nan syèl la, w'a pran sèt mal ak sèt fenmèl nan chak kalite, pou ras la pa disparèt sou latè. Paske, nan sèt jou ankò, m'ap fè yon sèl lapli tonbe sou latè pandan karant jou karant nwit. M'ap disparèt tout moun ak tout bèt mwen te fè mete sou latè.
Noye fè tou sa Senyè a te ba li lòd fè a.
Noye te gen sisanzan (600 an) lè inondasyon an te fèt sou latè. Li antre nan batiman an, li menm, pitit gason li yo, madanm li ansanm ak madanm pitit li yo, pou yo te ka chape anba inondasyon an. Tout kalite bèt, kit sa ki bon pou moun manje, kit sa ki pa bon pou moun manje, tout zwazo, tout bèt ki trennen sou vant, yo tout yo vin jwenn Noye nan batiman an, de pa de, mal ak fenmèl, jan Bondye te bay Noye lòd la. Sou sèt jou vre, dlo kouvri tout latè.
Jou ki fè Noye sisanzan (600 an), yon mwa, disèt jou, tout sous nan fon lanmè a pete. Syèl la menm louvri, li konmanse vide dlo sou tè a. Lapli tonbe san rete pandan karant jou karant nwit.
Menm jou sa a, Noye, madamn li, pitit gason l yo, Sèm, Kam ak Jafè, ansanm ak madanm yo antre nan batiman an, ansanm ak tout kalite bèt domestik, tout kalite bèt ki trennen sou vant ak tout kalite zwazo, tout kalite ti zwazo, tout kalite bèt ki gen zèl. Yo tout yo te vin jwenn Noye nan batiman an, de grenn nan chak kalite bèt vivan ki sou latè. Se konsa, yon mal ak yon fenmèl nan chak kalite bèt vivan antre nan batiman an, jan Bondye te bay lòd la. Epi Bondye fèmen pòt la dèyè Noye. Pandan karant jou, dlo kouvri tout tè a. Dlo yo gonfle, yo fè batiman an pèdi tè. Dlo yo ranfòse, yo gonfle pi rèd sou tè a jouk batiman an t'ap flote nèt sou dlo a. Dlo a moute pi rèd toujou anwo tè a, li kouvri tèt tout gwo mòn ki anba syèl la. Dlo a moute vennsenk pye depase tèt mòn yo. Lè sa a, tout bèt sou latè mouri: zwazo, bèt domestik, zannimo, tout bèt ki trennen sou vant yo, ansanm ak tout moun. Tout bèt vivan ak tout moun sou latè mouri. Se konsa, Senyè a detwi tout bèt, tou sa ki te sou latè, depi ou tande se moun jouk zannimo domestik, bèt ki trennen sou vant ak zwazo k'ap vole nan syèl la. Yo tout yo disparèt sou latè. Sèl moun ki te rete se te Noye avèk lòt moun ki te nan batiman an ansanm ak li yo. Apre sa, dlo a rete anwo tè a pandan sansenkant (150) jou.

Listen to Jenèz 7