Эхин 5
5
Адаамай угай бэшэг
1Энэ болбол Адаамай угай бэшэг юм. Бурхан зониие бии болгоходоо, Өөрынгөө дүрэ үгэжэ бүтээһэн гэхэ. 2Тэрэ эрэ эмэ хоёрые бүтээгээ, «хүн» гэжэ нэрлэн, һайн һайханиие үреэгөө.
3Адаам зуун гуша наһатай байхадаа, өөртөө ехэ адлихан хүбүүтэй боложо, тэрээндээ Шээт гэжэ нэрэ үгэбэ. 4Тэрээнһээ хойшо Адаам үшөө найман зуун жэл амидархадаа, хэдэн хүбүүд, басагадтай болоо. 5Иигээд юһэн зуун гушан наһатайдаа Адаам наһа бараа һэн.
6Шээт зуун таба наһатай байхадаа, Эноош гэжэ хүбүүтэй болоо. 7Эноошой түрэһэнэй удаа Шээт үшөө найман зуун долоон жэл амидаран, үшөө хэдэн хүбүүд, басагадтай болоо һэн. 8Юһэн зуун арбан хоёр наһатай болоод, Шээт нүгшөө бэлэй.
9Эноош ерэтэй байхадаа, Хэнаан гэжэ хүбүүтэй боложо, 10тэрээнһээ хойшо найман зуун арбан табан жэл амидараад, хэдэн хүбүүд, басагадтай болоод, наһа бараа. 11Юһэн зуун табатайдаа Эноош наһа бараа.
12Хэнаан далатайдаа Маһалалээл гэдэг хүбүүтэй болобо. 13Тэрээнһээ хойшо Хэнаан хэдэн хүүгэдтэй боложо, үшөө найман зуун дүшэн жэл ажаһуугаа. 14Юһэн зуун арба наһатайдаа Хэнаан наһа бараа.
15Маһалалээл жаран таба наһатайдаа Ярээд гэдэг хүбүүтэй боложо, 16-17тэрээнһээ хойшо найман зуун гушан жэлэй удаа найман зуун ерэн таба хүрөөд, нүгшөө. Тэрээндэ баһа олон хүүгэд байгаа юм.
18Ярээд зуун жаран хоёр наһатай байхадаа, Эноох гэжэ хүбүүтэй боложо, 19-20тэрээнһээ хойшо найман зуун жэлэй удаа юһэн зуун жаран хоёр наһандаа нүгшэбэ. Тэрээндэ баһа хэдэн хүбүүд, басагад бии һэн.
21Эноох жаран табатайдаа Мэтүшээлах гэжэ хүбүүтэй боложо, 22Бурханай захяа заабари сахин ажамидараа. Тэрэ үшөө гурбан зуун жэл амидаран, хэдэн хүүгэдтэй болоо һэн. 23Гурбан зуун жаран табан наһатайдань 24Бурхан тэрэниие дээшэнь Өөртөө дэгдээгээ.
25Мэтүшээлах зуун наян долоотой байхадаа, Лаамэх гэжэ хүбүүтэй боложо, 26-27тэрээнһээ хойшо долоон зуун наян хоёр жэлэй удаа юһэн зуун жаран юһэн наһатайдаа нүгшөө. Лаамэхһээ гадна тэрэ хэдэн хүүгэдтэй байгаа.
28Лаамэх зуун наян хоёртой байхадаа, хүбүүтэй болобо.
29– Эзэнэй газарай хүрьһэ хараалда хүртөөһэн ушарһаа бидэ саг үргэлжэ хүндэ хүшэр ажалда ябанабди. Энэ хүбүүн ажалыемнай жааханааршье һаа, хүнгэлжэ магад, – гэжэ Лаамэх хэлээд, хүбүүндээ Ной#5:29 Еврей хэлэн дээрэ Нойн нэрэ «һанаа заһаха» гэдэгые һануулна. гэжэ нэрэ үгэбэ.
30-31Нойн түрэһэнэй һүүлээр Лаамэх үшөө табан зуун ерэн табан жэл ажаһуугаад, олон хүүгэдтэй болоод, долоон зуун далан долоон наһандаа гээгдээ бэлэй.
32Ной табан зуу наһатай байхадаа, Шээм, Хаам ба Яапэт гэдэг гурбан хүбүүтэй болоо һэн.
Aktuálne označené:
Эхин 5: BurBBL2024
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024