Pulim Moses Twanno tenu tem
Moses Twanno tenu tem
Ba jege Wɛ Tɔnɔ kom boboa twanno tenu tem ba bwoi we Moses Twanno mo. Konto nam ba bere we Moses tete mo popone te maama, se ko bere we wonto mo ye wolo na jwoŋi Wɛ nia yam Wɛ tei ne to. Moses déem mo bobo se o taa zege Wɛ de o nɔɔna bam tetare laŋa ne se o bere-ba ba na wó ke tei ba pwoli Wɛ wo to.
Pulim Tɔnɔ kom seina
Pulim Tɔnɔ kom bere wonnu maama kuri na puli tei to mo. Ko tɛ Baŋa Wɛ na ke tei o naane tega kam baŋa de wɛyuu, de wonnu telo maama na ŋwe to, ko woli de nabiina de mo. Ko ta tɛ nabiina na tusi tei pa se yaara de chɔgem ba logo baŋa to, dedaane Wɛ na jaane boboŋa se o ke tei de nabiina ba wɛleera ŋwaane to mo. Popɔre 1-11 bere debam Adama de Awa, de ba kwaga kam taane mo, ko woli de Noah de na-fwaaro telo na li tega kam maama to taane, de Babili di-dedɔrɔ kom taane. Popɔre 12-50 de maa tɛ Wɛ na gwoni ni se o swɛ Abaraham de o kwaga kam swolim tei, de o na toŋe tei Isarele tiina nabaara bam ŋwea wone to. Banto maa ye Izaak, de Jakob, de Josɛf mo. Tɔnɔ kom maa pae dé lɔre we, Wɛ yeini o nii o nɔɔna baŋa ne mo, de ko ná maŋe ko chamma ko pa-ba tei de.
Aktuálne označené:
Pulim Moses Twanno tenu tem: KBG
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 2020, Ghana Institute of Linguistics, Literacy and Bible Translation (GILLBT)