Matteiu 5
5
CAP. V.
1Ghiesù videndu tutta sta ghiente, si ne cullò sopra un monte, e quandu si fu messu a pusà, s’ avvicinonu i so’ discipuli,
2Ed aprendu la bocca ellu l’ insignava, dicendu:
3Beati i povari di spiritu: perchè lu regnu di li celi è per elli.
4Beati i docili: perchè pussidirannu la terra.
5Beati quelli, che piegnunu: perchè sarannu cunsulati.
6Beati quelli, che hannu fame, e sete di la ghiustizia: perchè ne sarannu saziati.
7Beati i misericordiosi: perchè d’ elli si aurà misericordia.
8Beati quelli, che hannu lu core puru: perchè vidrannu Iddiu.
9Beati quelli, che amanu la pace: perchè sarannu chiamati figlioli di Diu.
10Beati quelli, che soffrunu la persecuzione per la ghiustizia: perchè u regnu di li celi è lu soiu.
11Beati sete voi, quandu vi malediciarannu, e vi perseguitarannu, e quandu diciarannu falsamente ogni specie di male di voi, per causa mea:
12State allegri, e fatevi animu, perchè la vostra ricumpenza sarà grande in li celi: cusì so’ stati perseguitati i prufeti, che so’ ghiunti prima di voi.
13Voi sete lu sale di la terra. Se u sale diventa dissabitu, cun cosa si salarà? Ellu nun è più bonu da nulla, che da essa ghittatu, e calcicatu da l’ omini.
14Voi sete la luce di lu mondu. Nun si po nasconda una città posta su d’ un monte.
15Nun s’ accende lu lume per mettalu sottu a lu bacinu, ma per mettalu su lu candelè, perch’ ellu fia luce a tutti quelli, che so’ in casa.
16Che la vostra luce risplendi cusì davanti a l’ omini: perch’ elli vedinu le vostre bone opare, e ch’ elli ne rendinu gloria al vostro Babbu, ch’ è neli celi.
17Nun andate a creda, che sii ghiuntu per scioglia la legghie, u li prufeti: nun so’ ghiuntu a scioglia, ma per cumpì.
18Vi dicu in verità, che se nun passa lu celu e la terra, nun si scansarà nè un iota, nè un puntu di la legghie, fintantu che tuttu nun sii cumpitu.
19Quellu, che mancarà a l’ unu di questi cumandamenti anche i più minimi, e cusì insignarà a l’ omini, sarà chiamatu minimu nel regnu di li celi: ma quellu, che aurà oparatu ed insignatu questi cumandamenti, sarà tinutu grande nel regnu di li celi.
20Eiu dicu a voi, che se la vostra ghiustizia nun è più abbundante che quella di li Scribi e di li Farisei, nun intrarete in lu regnu di li celi.
21Avete intesu, che è statu dettu a l’ antichi: Nun ammazzarè: perchè quellu, che ammazzarà, sarà reiu in ghiudiziu.
22Ma eiu vi dicu, che chiunque s’ infuria contra lu so fratellu, sarà reiu in ghiudiziu. E quellu, che aurà dettu a lu so fratellu, raca: sarà reiu di cunciliu. E quellu, che li aurà dettu, scioccu: sarà reiu di lu focu di l’ infernu.
23Adunque, se standu per fà l’ ufferta a l’ altare, ti rammenti, che tu hai qualche cosa contra di lu to fratellu:
24Lascia la to ufferta davanti a l’ altare, e vaitine prima a fà la pace cun lu to fratellu: e poi dopu turnandu fa la to ufferta.
25Accordati prestu cun lu to avversariu, mentre che sei in strada cun ellu: perchè nun accadi per disgrazia, che lu to avversariu nun ti porti dinnanzi a lu ghiudice, e u ghiudice nun ti rimetti a lu ministru: e che tu nun venghi postu in prighiò.
26Ti dicu in verità, nun surtirè da culà, finchè tu nun abbi pagatu fin a l’ ultimu quattrinu.
27Avete intesu, che è statu dettu a l’ antichi: Nun farè adulteriu.
28Ma eiu vi dicu, che chiunque, videndu una donna, la desidera, ha dighià cummessu un adulteriu cun ella in lu so core.
29Se lu to ochiu drittu ti scandaliza, cavalu, e ghiettalu luntanu da te: perchè ti cunvene, che perischi unu di li to’ membri, piuttostu che tuttu lu to corpu sii ghittatu in l’ infernu.
30E se a to manu dritta ti scandaliza, tagliala, e ghiettala luntanu da te: perchè ti cunvene, che perischi piuttostu unu di li to’ membri, che tuttu lu to corpu si ne vadi in l’ infernu.
31È statu pure dettu: Chiunque manda via la so moglie, ch’ ellu li dii la carta di lu ripudiu.
32Ma eiu vi dicu, che chiunque rimanda la so moglie, eccettu per raghione d’ adulteriu, la face diventà adultera: e quellu, che sposa una donna ripudiata, cummette un adulteriu.
33Avete ancora intesu, che è statu dettu a l’ antichi: Nun ghiurarè: ma rendi a lu Signore li to’ ghiuramenti.
34Ma eiu vi dicu di nun ghiurà nè per lu celu, che è lu tronu di Diu:
35Nè pe la terra, ch’ è lu so sgambellu: nè per Ghierusalemme, perchè è la città di lu gran re:
36Nun ghiurarè neppure pe u to capu, perchè nun poi fà biancu, o neru unu di li to’ capelli.
37Ma che lu vostru discorsu sii, sì, sì: no, no: perchè ciò, ch’ è in soprapiù a stu discorsu, vene da cosa mala.
38Avete intesu, che è statu dettu: Ochiu per ochiu, dente per dente.
39Ma eiu vi dicu di nun resista a lu male: ma se qualchidunu ti mena su la guancia di dritta, porghili ancu la sinistra.
40Ed a quellu, che ti vo mova lite, e cacciatti a to tunica, dalli anche u to mantellu.
41E se unu ti strascina a corra per un migliu, va cun ellu anche dui altri miglia.
42Dà a quellu, che ti dumanda: e nun ti scansà da quellu, che ti vo dumandà imprestitu qualche cosa.
43Avete intesu, che è statu dettu: Amarè lu to prossimu, ed aurè odiu pe u to nimicu.
44Ma eiu vi dicu: Amate li vostri nimici, fate di lu bene a quelli, che vi odianu: e pregate per quelli, che vi perseguitanu, e vi calunnianu:
45Affinchè siate li figlioli di u vostru Babbu, che è in li celi: che face alzà lu so sole sopra i boni e sopra li cattivi: e fa piova sopra i ghiusti e sopra l’ inghiusti.
46Se voi amarete quelli, che vi amanu, quale sarà la vostra ricumpenza? nun fannu cusì i pubblicani?
47E se voi salutarete sulamente i vostri fratelli, cosa farete di più? i ghientili nun fannu anch’ elli cusì?
48Siate dunque perfetti, come u vostru Babbu celeste è perfettu.
Aktuálne označené:
Matteiu 5: CORS1861
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published in London in 1861.
