S. Matiu 6
6
1E nyokhon lu, e na ma e fe tinkhinne raba mukhune yekhori, alogo e kha e to: e fa lu e mu konton soto e Fafe ra nakhan arianna ni.
2I na keli toro mukhune kide; i na ma sarana fe i yera, alo mukhu mayendene ligama ki nakhai, misidine kwi anun kiraine khon, alogo e kha binye soto danyokhone ra. Nyondi in a fala e kha, e bata e konton soto.
3Kono itan na toro mukhune ki, i yifanna nakhan liga, i komena na ma a kolon:
4Alogo ia kiti kha lu lukhui, anun i Fafe nakhan lukhui toma a i kontonmane.
5Anun e na sali, e na ma lu alo ne mukhu mayendene, katugu a rafankhi e ma, e kha lu tie salide misidine kwi anun kirai takhun dene, alogo mukhune kha e to. Nyondi in a fala e kha, e bata e konton soto.
6Kono itan, i na sali, so ia konkona kwi, anun i to bata dena ragali, sali i Fafe kha, nakhan lukhui, anun i Fafe nakhan lukhui toma a i kontonmane.
7Anun i ne salima i na ma fufafu fe fala, alo kafirine ligama ki nakhai, katugu e yengi a ma, e na fala wodime ti, na nan memane.
8Ba, e na ma lu alo etan, katugu e Fafe a kolon se nakhan kholli e ma, e nema a makhandi.
9Ba, etan kha sali i ki ni, Unkhu Fafe nakhan sa ariannai, i khilla kha sukhu binye ni, i mange sembe yanyina kha fa,
10I yamarina kha liga dunia ma, alo a ligama ariannai ki nakhai,
11I kha to don se fi unkhu ma,
12Anun i kha unkhua dolle lu, alo unkhu fan bata unkhua dollifane lu ki nakhai,
13Anun i na ma tin unkhu ramakha fei, kono unkhu ratanga fe nyakhi ma.
14Katugu kha e mukhune ma fe lu, e arianna fafe e fan ma fe lumane.
15Kono kha e mu mukhune ma fe lu, e Fafe fan mu e ma fe lue.
16Anun sono e ne sun sukhuma e na ma lu alo ne mukhu mayendene, e e yetagine iforoma: katugu e e yetagine makhate, alogo mukhune kha a kolon e sunna ni. Nyondi in a fala e kha, e bata e konton soto.
17Kono itan, i ne sun sukhuma, ture sa i khunna ra, anun i yena kha;
18Mukhune na ma i to alo i sun ni, fo i Fafe nakhan lukhui anun i Fafe nakhan lukhui toma a i kontonmane.
19E na ma nafuli malan e nyete kha dunia ma, khine nun korikorina a kasarima de nakhai, anun munyatine fuma e ma munyade de nakhai,
20Kono nafuli malan arianna ni e nyete kha, khine nun korikorina mu e kasarima de nakhai anun munyatine mu fuma e ma munyatide:
21Katugu ia nafula sa de nakhai, i khakhilli fan sa na ni.
22I fati lampu lankhi i ye nan ma: nanara kha i yena kende, i fati birin yelanmane feu.
23Kono kha i yena kobi, i fati birin dimimane feu. Ba, kha na mayelanna nakhan i ma na findi dimina, na dimi gbo ki na di?
24Mukhu o mukhu mi marigi fidin kanue: katugu keden nanyakhuma a mane, bona rafanma a mane: kha na ma a ra, a kankanma keden ma, anun a bona rabenyima. E mu ALLA anun nafula kanue.
25Nanara, in a fala e kha, e na ma kenyen e nina a fera, e nakhan donma, hama e nakhan minma, hali e fatina a fera, e nakhan nagodoma e ma. Ni mu dangu don se ra, anun fati mu dangu domana ra?
26Kwie kholle mato, e ma a bima, e ma a khabama, e ma a malanma tumusu ni, anun e arianna Fafe e degema. Etan molona mi gbo e gbena kha?
27Anun etan mundu a kenyen de ni nongon ye keden tugunye a nyete dei?
28Anun e kenyenkhi maraberi ba fe nan fera? Foton fugene inyokho ba, e gboma ki nakhai: e mu wallima, e mu se wurunduma,
29Kono in a fala e kha, hali Sulemani bete, a dalayana birin ni, mi yi makhidikhi alo itoe keden.
30Kono kha ALLA foton sekhena maraberi ba na ki ni, nakhan na to, anun tila a bata woli te yilla ra, a mu e fan maraberi bamane dangu ne ra, etan denkeleya khuri kanne?
31Nanara, e na ma kenyen a fale, unkhu nan se domane? hama unkhu nan se minmane? hama unkhu fa unkhu maraberi bamane nan se ra?
32Katugu kafirine e se itoe dama nan fenma: katugu e arianna Fafe a kolon e wugama se itoe dama khon ma.
33Kono etan kha a mangeyana singe fen, anun a fe tinkhinne: anun se itoe dama samane e fari.
34Ba e na ma kenyen tila a fe; katugu tila kenyenmane a nyete kha. To gbe fe nyakhina bata to walla li.
Aktuálne označené:
S. Matiu 6: YAL
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
First published by the British and Foreign Bible Society in 1907.
