Obľúbené biblické verše z Laataanooji 39

Zdieľať

Jawmiraawo wondi bee Yusufu, hokki ɗum saa'a nder kuuɗe mum fuu. O jooɗi nder saare Potifar jawmiiko Misraajo.

Potifar halfini Yusufu ko o mari fuu. O suklanaay koo ɗume, sonaa nyaamdu ndu o nyaamata. Yusufu o booɗɗo, o ŋarniiɗo.

O halfini haɓɓaaɓe nder suudu fuu haa juŋngo Yusufu. Kuugal kuuweteeŋgal ton fuu, kaŋko ardani ɗum.

O naŋngi Yusufu, o nastini mo nder fursina haa nokkuure nde ɓe maɓɓata haɓɓaaɓe laamiiɗo. Yusufu jooɗi ton. Ammaa Jawmiraawo ɗon wondi bee Yusufu, o waŋginani mo mbooɗeeŋga maako, heɓni mo'ere haa mawɗo fursina.

Nyalɗe seɗɗa ɓaawoɗon, debbo jawmiiko fuɗɗi laarugo mo bee suuno. O wi'i mo: “Waaldu bee am!” O sali, o wi'i debbo jawmiiko: “Ndaa, jawmam suklantaa koo ɗume nder saare mum. O halfini yam mardi maako fuu. Walaa ɓurduɗo yam maŋngu nder saare nde'e. O haɗaay yam koo ɗume, sonaa an, ngam a debbo maako. Noy mi waɗata halleende mawnde nde'e, mi waɗa hakke heedi Allah?”

Nyanndere woɗnde Yusufu nasti saare haa huuwa kuugal mum. Huuwooɓe nder saare ngalaa ton. Debbo go naŋngi mo ngapaleewol, wi'i mo: “Waaldu bee am!” Yusufu acci ngapaleewol mum haa juŋngo maako, doggi, wurti yaasi.