Obľúbené biblické verše z Genèse 37

Zdieľať

Pats ngiɗè, nshunè a nkeɗa Joseph, a ngra ta kramamhi na.

A Israel a woy Joseph holholaʼa, a fena wudahi nengaʼa ngiɗè, te man kra babgai. A mva na maslaka nshüɗkè nshüɗkè.

Aman kramamhi nengaʼa ta rka, bab tengaʼa a woy Joseph a fena kramamhi na, ta gu shèwa a vna, ta gaɗa na ma nhènèkèa azɓai.

A nshun ngiɗè a nkeɗaʼa, a ngaɗa ta kramamhi na zaʼa: Na haha, nshunè a nkeɗyè zaʼa: Pats a kia a bantihi 11, ta gudko gèɗ, ara man ta gurɓahai a sam ga.

A kramamhi nengaʼa ta gu srak a géɗ nengaʼa. Aman bab na a ngheda maʼa te ndav na.

A ngaɗa ta: Va-tsenaʼa, nshunè a nkeɗyè! Nga tèlèba nga zhè te dak, nga kala dau. A nkèl dau ga a nzlatsa, a nʼnza, nkèl dau kinè ta tèu-da man a ga, a ta zhüdko gèɗ ara man ta gurɓahai a sam nkèl dau ga.

Yowa, ngo-kuɗokoya, a ngo-vokoy nckondo a vèvèɗ, a nga da gaɗa, skwi dak a nʼndedama. Te deɓaʼa nga da rka skwi nshun nenga dai.

Aman ndohi gani Madian ta beza a pa, ta cko Joseph auda te vèvèɗ. A ta preda Joseph a ma a sam ndohi Ismael, te di gurso 20, a ta da Joseph a kokwar Egypte.

A ta goɗ a va ta: Na haha ndo nshunè a shkè!

Aman ta rka dra, ta vhè ma a géɗèʼa, ga a ndikè a sam ta, a ta woya aman ta keɗaʼa.

A Ruben a ngaɗa ta: Kin gudko na Pombaz auda bai! Va-kalda a vèvèɗ haha, tʼhèshèkèɗ! Aman kin zeda nshèffè na ɓai! A woya a mbelda te ri tengaʼa, aman a nda a deɓa a sam bab na.