Obľúbené biblické verše z मत्ती 13

Zdieľať

जेहर बड़िया माटी मे बुनथे एहर ओमन मन है, जेहर बचन ला सुईन के समझथे, अउ फर लाथे। कोनो हर सौ गुना, कोनो हर साठ गुना अउ कोनो हर तीस गुना।”

जेहर झाड़ी मन मे बुनल जाथे, ओहर ओमन मन है जेहर बचन ला सुनथे, पर ये संसार कर चिन्ता अउ धन कर धोखा बचन ला दबाथे, अउ ओहर फर नी लाथे।

जे कोनो हर राएज कर बचन ला सुईन के नी समझे, ओकर मन मे जे कुछ बुनल जाथे, ओला ओ दुष्ट हर आए के लुईट ले जाथे। ये ओहिच है, जेहर डगर कर किनारे मे बुनल गए रहिस।

अउ जेहर पखनोरिहा जमीन मे बुनल जाथे एहर ओमन मन है, जेहर बचन ला सुईन के तुरतेच खुशी के संग माएन लेथे। पर अपन मे जईर नी रखे कर कारन ओहर कम ही दिन रह पाथे, अउ जब बचन के कारन क्लेश या उपद्रव होथे, त तुरतेच धोखा खाथे।

स्वर्ग कर राएज, खेत मे छिपल धन कस है, जेला कोनो मैनसे हर पईस, अउ छिपाए देहिस, अउ अपन खुशी कर मारे सबेच कुछ ला बेच देहिस। अउ ओ खेत ला खरीद लेहिस।

लेकिन कुछ हर बड़िया माटी मे गिरिन, अउ फर लानिन, कोनो हर सौ गुना, कोनो हर साठ गुना, अउ कोनो हर तीस गुना।

कटनी आत ले दोनो ला एक संग बड़हे दा, अउ कटनी कर जुवार, मैहर काटे बाला मन ला कह देहू कि आगू जंगली बीज कर रूख ला काटिहा, ओला बीड़ा बांएध लेईहा, अउ आगी मे जलाए देईहा। अउ गेहू ला मोर कोठी मे जमा करिहा।