Obľúbené biblické verše z ମାଥିଉ 2

Zdieľať

ଆରେକ୍‌, ଗ୍‍ର୍ ବିତ୍‌ରେ ଜାଇ ହିଲାକେ ତାର୍ ଆଇସି ମରୀୟମାର୍ ସ୍‍ଙ୍ଗ୍‍ ଦ୍‍କି, ତାକେ ମୁଣ୍ତିଆ ମାରି ଜୁଆର୍ କ୍‍ରି ଆରାଦନା କ୍‌ଲାଇ, ଆରେକ୍‌ ନିଜାର୍ ନିଜାର୍ ହେଡି ଇଟାଇ ତାକେ ସନା, ବେସି ବାସ୍‍ନା ଦୁପ୍ ଆର୍ ବାସ୍‍ନା ଅସ ଚିକାଣ୍ ଉପ୍‍ହାର୍ ଦିଲାଇ।

ଜ୍‌ଡେବ୍‌ଳ୍ ହେରୋଦ୍ ର୍‍ଜା ଯିହୁଦା ଦେଶ୍‌କେ ଶାସନ୍ କ୍‌ର୍‌ତିରିଲା, ସେଡେବ୍‍ଳ୍ ଯୀଶୁ ଯିହୁଦା ଦେଶାର୍ ବେଥ୍‍ଲିହିମ୍ ସ୍‌ହରେ ଜ୍‍ର୍‍ନ୍‌ ଅଇଲା। ହ୍‌ଚେ ଦ୍‌କା, ଯିହୁଦା ଦେଶାର୍ ହୁରବ୍ ଦିଗାର୍ କ୍‍ତେକ୍ ପଣ୍ଡିତ୍‌ମ୍‍ନ୍ ଯିରୁଶାଲମ୍‌ ସ୍‌ହର୍‌କେ ଆସି ହ୍‌ଚାର୍‌ଲାଇ, “ସେ ଜ୍‍ର୍‍ନ୍‌ ଅଇଲା ହିଲା କେଣେ, ଯେ ଯିହୁଦିମ୍‌ନ୍‌କାର୍ ର୍‍ଜା ଅଇଦେ, ସେ କୁଇତି? କାଇତାକ୍ ଅମିମ୍‍ନ୍ ଅମାର୍ ଦେଶେ ତାର୍ ଜ୍‍ର୍‍ନାର୍ କ୍‌ତା ଜାଣାଉତା ତାରା ଦ୍‍କି, ତାକେ ମୁଣ୍ତିଆ ମାରୁକେ ଆଇଲୁ ଆଚୁ।”

ହ୍‌ଚେ ର୍‍ଜାର୍ କ୍‌ତାଶୁଣି ସେମ୍‍ନ୍ ଉଟି ଗ୍‍ଲାଇ। ଆରେକ୍‌ ଦ୍‌କା, ସେମ୍‍ନ୍ ଜାତାବାଟେ ପୁରୁବ୍‌ ଦିଗେ ଦ୍‍କିରିଲା ତାରାକେ ଆର୍ ତରେକ୍ ଦ୍‍କ୍‍ଲାଇ। ସେମ୍‍ନ୍ ସେରି ଦ୍‍କି ବେସି ସ୍‍ର୍‍ଦା ଅଇଲାଇ, ଆର୍ ସେ ତାରା ତାକାର୍ ଆଗେ ଆଗେ ଜାଇ, ସେ ହିଲା ରିଲା ଗ୍‍ର୍ ଉହ୍‍ରେ ତେବ୍‌ଲି। ଆର୍ ସେମ୍‍ନ୍ ସେ ତାରା ଦ୍‍କି ବେସି ସ୍‍ର୍‍ଦା ଅଇଲାଇ।

ହ୍‌ଚେ ହେରୋଦ୍ ର୍‍ଜାର୍ ଲ୍‌ଗେ ଲେଉଟି ନ୍‌ଜାମ୍‌କେ, ଚ୍‍ହ୍‍ନେ ଇଶ୍ୱର୍‌‍କେ ଦ୍‍କି ଜାଗ୍‌ରତ୍ କ୍‌ତାଶୁଣି, ସେମ୍‍ନ୍ ର୍‌ଜାକେ ନ୍‍କଇକ୍‍ରି ବିନ୍ ବାଟ୍ ଅଇ ନିଜାର୍ ଦେଶ୍‌କେ ଗ୍‍ଲାଇ। ସେମ୍‍ନ୍ ଗ୍‍ଲାହ୍‌ଚେ, ଦ୍‌କା, ମାପ୍‌ରୁର୍ ଗଟେକ୍ ଦୂତ୍ ଚ୍‍ହ୍‍ନେ ଯୋଷେପ୍‍କେ ଦ୍‍କାଇଅଇ କଇଲା, “ଉଟ୍, ହିଲା ଆର୍ ତାର୍ ଆଇସିକେ ନ୍‌ଇ ମିସର୍‌ ଦେଶ୍‌କେ ହ୍‍ଳାଉ, ଆରେକ୍‌, ଅମି ତୁମୁକେ ନ୍‍କ୍‌ଉତା ହ୍‍ତେକ୍ ସେତି ରିଆ, କାଇତାକ୍ ହିଲାକେ ନାସ୍ କ୍‌ରୁକେ ହେରୋଦ୍ ର୍‍ଜା କଜୁଲା।”