Obľúbené biblické verše z San Mateo 26

Zdieľať

Küsun ndo, kaꞌan ni ndo xiꞌin Ndioxi ya ná ndïkava ndo nuu ya väꞌa. Saa chi kúni ni va ndo ikan ndo ya vaꞌa, sundi vita ni va ini ndo ―káchi ra xiꞌin nda.

Saa ndi̱kaꞌan ra xiꞌin uni saa nda, káchi ra saa: ―Kúndíi ka vi ini i, ndakua íyo ini i kuvi i. Yóꞌó koo ndo xiꞌin i, ta küsun ndo ―káchi Jesús xiꞌin nda.

Saa ke̱e ra kuaꞌan xika loꞌo ka ra, ñaa ndi̱xaa ra si̱kusiti ra ta nda nuu ñuꞌú ndi̱xinu taan ra, ta xa̱á ra káꞌan ra xiꞌin Ndioxi, káchi ra saa: ―Tata Iva mií i, tá tu kúni un ta täxi un kundoꞌo i tindoꞌo yóꞌó, sundi ïkan un ya kúni yeꞌe, vaꞌa ikan un ya kúni mií va un ―káchi Jesús xiꞌin Ndioxi.

Chi nduta yóꞌó ku nií i rá kuita xaꞌa na ñuu ivi. Ta xiꞌin rá kuita yóꞌó ku rá kindoo Ndioxi iin trato xa̱á xiꞌin kuaꞌa ni naꞌa, nuu xáa kaꞌnu ini ra xaꞌa kuachi na.

Tá ndóo nda xíxi nda saa ti̱in Jesús xita vaꞌa ta ta̱xi ra ndixaꞌvi nda Ndioxi, saa ta̱ꞌvi ra ya ta ta̱xi ra ya ndaꞌa nda ítaꞌan xiꞌin ra, saa ndi̱kaꞌan ra xiꞌin nda, káchi ra saa: ―Kiꞌin ndo xita vaꞌa yóꞌó kuxi ndo chi ya yóꞌó ku ikin kuñu i ―káchi ra xiꞌin nda.

Saa ti̱in ra copa, ta ta̱xi ra tixaꞌvi ndaꞌa Ndioxi, ñaꞌa ta̱xi ra ya ndaꞌa nda, ta ndi̱kaꞌan ra xiꞌin nda, káchi ra saa: ―Vaꞌa koꞌo ndiꞌi ndo yuꞌu iin copa yóꞌó.

Saa ndi̱ko koo ra ndi̱xaa ra nuu ndóo uni saa nda ítaꞌan xiꞌin ra, ta ndi̱taꞌan ra nda ndóo nda kíxi nda. Saa ndi̱kaꞌan ra xiꞌin ra Pedro, káchi ra saa: ―¿Án nda iin hora loꞌo vi köo ndi̱kuchiñu ndo kundito ndo xiꞌin i? ―káchi ra xiꞌin nda.

Ta ndixa káꞌan i xiꞌin ndo, köꞌo ka i nduta vinu, nduta kiti uva xiꞌin ndo, nda kivi tá ná ndikitaꞌan yo nuu xáꞌnda chiñu Iva i Ndioxi. Nda saa koꞌo yo vinu xa̱á ―káchi Jesús xiꞌin nda.

Saa ndi̱kaꞌán ini ra, ya ndi̱kaꞌan Jesús xiꞌin ra, káchi ra saa: “Täꞌan ka vi kana cheꞌle, ta xa uni ichí vi ndikuaa un ya köo xíni un yeꞌe”, káchi ra xiꞌin ra. Saa ke̱ta ra keꞌe ta xa̱á ndinuni loꞌo xáku suchi ni ini ra.

Kuandikoo ndo koꞌyo. Xa vaxi ra nditaxi yeꞌe ndaꞌa naꞌa, na sáa ini xíni yeꞌe ―káchi Jesús xiꞌin nda.

Ñaa ndi̱kaꞌan Jesús xiꞌin ra, káchi ra: ―Chivaꞌa i̱chi un. Saa chi ndiꞌi na káni taꞌan xiꞌin i̱chi, ta xiꞌin i̱chi kuvi na.