Obľúbené biblické verše z Matayo 9

Zdieľať

Chasinjire, era kubura ebanafunzi* bai mbu: «Emyaka yeríre inene, si ebakosi be'kuishebula bàkeire. Bushi no'ku, mwémaa ena emyaka àtume banji bakosi mwe'hwa lyai.»

Rero, muyáa kuchikangirisa tanga kute mano Maanjiko Mabuya-buya matúla màtechire: ‹Nyono, ndáhonda mbu munyítuliraa mitulo*, si nyisímire múnde mwáfirana ebonjo.› Bushi ndáikaa kwâmaala ba batúla bàtungenene era muhondo sa Ongo, si náikaa bushi ne'bakosi be'mabi.»

Mango álolaa kwa luamba lwe'bandu, era kubafira bonjo bushi bábaa bálibuka kanji bábaa bàrembire busese. Bábaa bàli nga mbuli sa sitéte mungere.

Yesu ômvire bacha, era kubabura mbu: «Ba bàhaalukire atá bu bénde báhonda emuhake, si ebalwala bu bénde bámuhonda!

Yesu ábaa énjire ásungula mwa misi inenene no'mwa tumbara toshi, áenda ákangirisa ebandu mwa mashenge me'Bayuta. Mwa'mu mashenge, ábaa énjire ábahubanganyisa eMwasi Mubuya-buya we'Bwami bo'kwa nguba. Era kunde álamya na chira malwala mwa kachi-kachi kabo.