Obľúbené biblické verše z Mateo 6

Zdieľať

Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine.

Goleke na triston tumen katar o llive kai si te avel, soke o llive kai si te avel ka anel e brige. Dosta suako lliveseke leko bilachipe.

“Goleke me ppenau tumenge: Na brigin tumen pala so ka jan te zivin ni pala e patave soia ka premenin tumen; ¿Ni mol o zivoto mai but neko o jape ta e esnaga mai mol neko e patave?

A tu kana ka moli tut, de andre ande chi soba, ppande o udar ta molisao che Dadeke po chorial, ta cho Dad kai dikkel so chere po chorial, ka del tut so te dobi angla e llene.

Tumen ka molintumen gia: ‘Amaro Dad kai san ando miloso, blagosime te avel cho anau. Te avel chi charoina, te cherdol chi volia pe ppuv gia sar cherdol ando miloso.

De amen allive o marrno kai trubul amen.

Ta prostisar o bilachipe kai chera, gia sar prostisara i amen e llenen kai cherde amenge o bilachipe.

Na ttou amen ando zumadipe, mai lache braduisar amen katar o bilachipe.’ (Soke chiri si e charoina e zor ta o baripe sa e bursenchar. Gia te avelpe.)

“Goleke, te prostina o bilachipe kai cheren tumenge e manusa, tumaro Dad kai si ando miloso ka prostil i tumaro bilachipe

Dikken pe chiriklia kai furian, ni ttoven e simiche ande ppuv ta ni chiden len ande sobe ta isto gia tumaro Dad kai si ando miloso del len te jan. ¿Ni mol tumen mai but neko e chiriklia?

“Na cheren tumenge barvalipe pe ppuv, kate kai e papuruga ta e pauzina zatrin ta kai e chor den ta vazden; mai lache si te cheren tumenge barvalipe ando miloso, kote kai ni e papuruga ni e pauzina ni zatrin, ta kote kai e chor ni den te choren. Soke kote kai si cho barvalipe, i kote ka avel cho lio.

“Niko nasti radil duie gazdenge, soke ka murzil pe iek ta ka volil ogole; o ka kandel iekke a ogoleke ni ka ttovel sama. Nasti radilpe e Devleke ta i e barvalimake.

A o Del te furiavel gia o zelelenipe kai allive si ando vos ta ttiara ppabardol ande furnava, ¿ni ka furiavel mai but tumen, manusalen kai inai tumen pachape?

Goleke tu kana ka pomozi e chorren, na ppenle nikake, cherle po chorial, ta cho Dad kai dikkel so chere po chorial, ka del tut so te dobi angla e llene.

“Na cheren o lachipe angla e manusa samo te sai dikken pe tumende; soke te cherena gia, tumaro Dad kai si ando miloso ni ka del tumen te dobin niso.

“Kana tumen ka allunin na ttoven iek mui zalbako sargo e llene kojamne kai triston pe muia te sai sikaven e manusenge kai von allunin; chachimaia ppenau tumenge kai len ia si len so te dobin. Goleke tu kana ka alluni, chingar che bal ta jalau cho mui, te na sikave e manusenge kai alluni, samo cho Dad ka llanel le, ta cho Dad kai dikkel so chere po chorial ka del tut so si te dobi.