Obľúbené biblické verše z TĨĨGI WERE 3

Zdieľať

Wãyn wo koge, koon hay de el ma rege, ndo kon se de woore, day se go pah ma car ɓil wããre lay, á kal brag leʼge ɓe kal rege. War ɓe hay ti jeŋ ɓe ni lay, se hã ne hẽn lay, se kal rege go lay.

Cwe hay diŋ này ma de ɗeŋ yoo này ma mbásga wo, maga Manwuri, Baa hay joŋ ra mo ɓuy no. Á raw wii wãyn ga : Mbe nà kidolgi cwãy ga Baa de wããge ga nday mo re leʼge koore ma ɓil payn wo ɓuy wa?

Ndi kaŋ ge hee yaŋ ti holaŋ ɓay de wãy no, ti holaŋ wer mani ɓon wo de wer mani ɓe no. Wer mani wãyn mbug gi ti ɓo yaŋ go, day ndo longn ge yaŋ ti diŋriŋ ɓaale lay.

Á wii wãyn ga : Ndi kol ge ɓiili maga ndo farn yaŋ mo pel de gaali debaŋ, Ndo biŋ gi yaŋ de gaali. Ɗiggi ɓo joŋ ge de kaŋge go diŋ ti war ɓo, Ama á wããge wããre ɓo yaŋe.

Diŋ de gibigri ma pel ɓo, ga ndo joŋ ge nen daʼ hoole ma jag ɓo no, hãã go ti wur maga ndo fer nen sir maga à hay naa mo le go ni mono. Werga ndo diŋ ɓurgi, day ndo fer ge diŋ nen ɓurgi.

Á wii je twarn ga : Doo ga ndo yãã jag wãy ɓo ndo re leʼge koo maga ndi hay go de maŋ jag ɓo ti ɓe so lay no, Sir daʼ ge faɗge go wer ɓo. Ndo daʼge rege ma jag ɓon ti naw maga ndo joŋn ge caw ɓuy tuu diŋ de bone.

Manwur wiin ga : Wose wii mo ga ndo go glog koɗ la? Ndo nà de re leʼge koo maga ndi hay maŋ jag ɓo go ti ɓe ga ndo mo reen wa mo yawla?

Blam maga á nii je táabay go nii, Baa kal lag kerubẽẽ wo lag jag pay sug nee ma Eden no, le nen ɓaŋ wer no kay no, de moslam maga go de fliwgi car wùu jag kay ma gor faage koo ma tenen no.

Je twarn kal kaŋ ɗúu ne wãy ɓen ga Efa. Werga á hay diŋ man jar ma tenen wo ɓuy.