Obľúbené biblické verše z Pulim 39

Zdieľať

BAŋA Wɛ déem maa wo Josɛf tei ne, pa se wonnu da chwoŋa lanyerane te pa‑o. O déem maa yɔɔre o wo o tu Potifare sɔŋɔ kom ne o toŋa.

O déem yage o jeŋa woŋo maama o pa Josɛf se o taa nii-te o pa‑o. O yiga déem daa tera kolokolo wone, ko ná dae o tete ni-wodiu kom yerane se o ba o di. Josɛf ye-daa kam déem maŋe daane mo ye o tiini o lamma yi ne.

Dedɛɛro wom déem ma pa Josɛf chwoŋa se wonto taa nii peena badwonna bam o pa‑o. O ma kwei kolo maama na wó ke peena diga kam ne to o ke Josɛf jeŋa ne.

O déem ma pa se ba ja Josɛf ba pe peena diga ne. Dáane mo ba déem yeini ba pe Ejipti Pɛ wom peena. Josɛf déem na wo peena diga kam ne konto to, BAŋA Wɛ wo o tei ne mo. O ma ke Josɛf lanyerane ye o pa peena diga kam dedɛɛro wom swoi Josɛf.

Ko wo dáane dedaane o tu wom kaane na dole o yi o na Josɛf. Kaane wom boboŋa ma zo‑o ye o ta‑o we, “Ba n peini de amo.” Josɛf ma ve ye o we, “A bá sɛ! Amo tu wom kwei o sɔŋɔ wonnu maama mo o ke amo jeŋa ne, ye o yiga daa tere kolokolo wone, amo na nii te baŋa ne to ŋwaane. Nɔɔn-nɔɔno ba dwoi amo sɔŋɔ konto ne. Amo tu wom nam wo cheiŋi kolokolo ywo amo tei ne, ko ná dae nmo yerane, nmo na ye o kaane to ŋwaane. A nam bá wane a toŋe puseŋa totoŋe dento. Ko wó taa ye wɛleere mo Wɛ yiga ne.”

Dɛ dedwe, Josɛf ma zo sɔŋɔ kom wone se o toŋe o totoŋa. O dwonna tontoŋena bam wolowolo déem maa tere ko wone. Potifare kaane wom ma vo o ja‑o o gɔrɔ seeni ye o we, “Ba se dé peini daane!” Josɛf ma vere o tete o daare o gɔrɔ kom o yage kaane wom jeŋa ne, ye o duri o nwoŋi pwooni.