Obľúbené biblické verše z Pulim 37

Zdieľať

Dɛ dedwe Josɛf ma dwɛ dendwɛ ye o daare o ta o bere o zembaara bam. Ko ma fɔge ko pa ba chuli‑o dedɛ ba woli da.

Jakob déem nam swoi Josɛf mo o dwoi o bia babam bam, kokuri to, o loge wonto o kokweero maŋa ne mo. O déem ma sɔ gare-bwora na tiini ka jege nenɔŋa to o pa‑o.

Josɛf zembaara bam na nɛ we ba kwo swoi wonto mo o dwoi ba maama to, ba ma tiini ba chuli‑o ye ba yaale‑o.

Josɛf déem ta ma dwɛ dendwɛ dedwoŋi, ye o ta de o zembaara bam we, “Cheigi-na! Amo daa dwɛ dendwɛ dedwoŋi mo we, wea kam de chana kam dedaane chalechwe fuga-dedoa mo chɔɔle tega ne amo yiga ne.”

O zembaara bam maama déem ma zwe kazwe ded‑o. Ko daare ye o kwo wom kwei taane dem o ke o boboŋa ne.

O déem maa we, “Cheigi-na a dendwɛ dento: Amo dwɛ we debam maama wo kara ne mo dé vɔ mena. Amo tete men-pwoa yam laam ma zaŋe ya zege wɛɛne cheppe. Abam maama men-pwoa yam laam ma gilimi amo nyem dem ye ya chɔɔle ya tiiri tega ne ya zuli-de.”

Pa-na se dé go‑o dé daare dé dole‑o dé de vole-kora yanto dedoa wone. Debam laam maa wó daare dé vo dé ta we kago-varem mo jaane‑o de di. Dé laam wó nii o na lage o ke tei de o dendwea yam to.”

Isameli pipim-piina bam na yi da to, mo Josɛf zembaara bam vaŋe‑o ba le vole dem wone. Ba déem ma kwei‑o ba yeigi ba pa Isameli tiina bam, ye ba jwoŋi lu-nyenno sabu-dala finlei. Banto de déem ma ja‑o ba kɛ ba vo Ejipti.

Ba ma ta daane ba we, “Dendwea dwɛɛno wom mo tento o maa beena.

Ba déem na tole ba na‑o, o maa beene to, ba ma ke ni daane se ba go‑o.

O ta maa we, “Yé pa-na o jana lu tega ne. Yé kwei-na á jea á dwei‑o. Za á dole-o-na á de vole-kore dento ne, kagoa kam ne ywo.” Ruben tage konto ye o boŋe se o jwoŋi‑o ba jeŋa ne o daare o jwoori o ja‑o o vo o pa o kwo mo.