Obľúbené biblické verše z Pulim 35

Zdieľať

Wɛ laam ma ta‑o we, “Amo mo ye Dam-fɔrɔ Tu Wɛ wom. Ja dwi se n daare n puli de kɔgɔ. Teene dedɛ wó nwoŋi nmo yera ne, ye pwa de wó taa wora n dwi dem wone. A pɛ‑m tega kalo a déem na kwei a pa Abaraham de Izaak to mo se n ta‑n tei-ka. Amo nam ta wó pa nmo dwi dem na wó saŋe nmo kwaga to.”

Pa-na dé zaŋe dé vo Bɛtel. Dáane mo amo lage a lɔ bimbini a ma a zuli Wɛ, wolo wom na zeini-ne maŋa kam a déem na wo yaara wone to, ye o da amo yiga a veiŋa maama ne to.”

Wɛ ma ta ded‑o we, “Ba nam daa bá taa bwoi nmo we Jakob. Nmo yere laam mo ye Isarele.” Wɛ ma seene o leiri o yere dem se de taa ye ‘Isarele’.

Jakob ma sɛ ye o ta de o diga tiina, de balo maama na wo o tei ne to o we, “Dole-na dwi-gɛ tiina jwona yalo na wo abam tei ne to á yage. Ta‑á kwɛ-na á tete, se á daare á leiri-na á gwaaro tem.

Wɛ déem laam ma ta Jakob o we, “Zaŋe n vo Bɛtel n ta‑n zoore da. Nmo ná yi da, se n tigisi kandwa n lɔ bimbini, se n zuli amo, BAŋA Wɛ, kokuri to, amo mo tua nmo tei maŋa kalo n déem na duri se n lu n zembaaro Esawu jeŋa ne to.”

Racheli déem maa wora o toa. O siu kom na lage ko kwori to, mo o pɛ o bakeira kam yere we ‘Benoni’. Bu wom kwo de déem ma pa o yere we ‘Benjamin’.